चेला चिब्मैंए केमैं 14:19 - परमेश्‍वरए ताँ तमु क्युइर

¹⁹ च लिउँइँ एन्‍टिओखिया नेरो आइकोनियनउँइँले को-कोइ यहूदीमैं चर फेखइ, धै चमैंइ चर्बै म्हिमैं वाँसि पावललाइ युँमाइ ल्हिल् पिंइ, धै पावल सियाइ बिब् मैंसि सहर बैरु चैं बोइ।

चेला चिब्मैंए केमैं 14:19 ပူးပေါင်းရင်းမြစ်များ

चेला चिब्मैंए केमैं 13:14

पावल नेरो बारनाबास पर्गाउँइँले त्होंसि पिसिदिया बिबै ह्‍युलर्बै एन्‍टिओखिया सहरर फेनेइ, धै प्रिबै त्हिंइर यहूदीमैंए च्हों धिंर ह्‍यासि टिइ।

चेला चिब्मैंए केमैं 13:45

छले च्हौ ल्हें म्हि खब् म्रोंसि बिश्‍वास आलबै यहूदीमैं बेल्‍ले ह्रिस खइ, धै पावलइ बिबै ताँ थोसि चलाइ आछ्याँन्ले स्यारइ।

चेला चिब्मैंए केमैं 14:1

पावल नेरो बारनाबास आइकोनियन सहरर ह्‍यामा एन्‍टिओखिया सहरर तब् धोंलेन् चरै या तइ। चमैं येहूदिमैंए च्हों धिंर होंसि प्रभु येशूउँइँले खबै सैं तोंबै ताँ छेनाले बिमिंमा चर्बै ल्हें यहूदीमैं नेरो ग्रिकमैंइ येशूए फिर बिश्‍वास लइ।

चेला चिब्मैंए केमैं 14:18

चु ताँमैं बिसि चमैंइ बेल्‍ले गारले च म्हिमैंलाइ ख्रो पिंबै पूजा लल् आपिं।

चेला चिब्मैंए केमैं 14:2

दिलेया चमैंए ताँ आक्वेंबै यहूदीमैंइ बिस्याँ अरू ह्रेंमैं होंसिदिसि प्रभुए फिर बिश्‍वास लबै अलि-अङाँमैंए बिरोध लसि चमैंए सैं ककाँ क्युँक्युँ ङ्हाँन् लवाइ।

चेला चिब्मैंए केमैं 14:21

चमैंइ च सहररै या सैं तोंबै ताँ बिमिंसि ल्हें चेलामैं बनेइ। झाइले चमैं ङ्हिं लुस्‍त्रा, आइकोनियन ततै एन्‍टिओखियार एइ।

चेला चिब्मैंए केमैं 14:26

च क्ल्ह्‍योउँइँले चमैं क्यु झाजर क्रेसि सिरिया ह्‍युलर्बै एन्‍टिओखियार एखइ। चर्बै बिश्‍वासीमैंइ ओंसों पावल नेरो बारनाबास परमेश्‍वरए दयाम्हाँयार प्रभुए के लबर कुलल। तोगो च केमैं लल् खाँसि चमैं चर्न एखल।

चेला चिब्मैंए केमैं 14:4

दिलेया सहरर्बै म्हिमैं आक्ह्रिबर होंइ, धै कोइ यहूदीमैंने त्हुँयाँइ, कोइ कुल्मिंबै चेला चिब्मैंने त्हुँइ।

चेला चिब्मैंए केमैं 14:5

छतमा अरू ह्रेंमैं नेरो यहूदीमैं ङ्हिंना-ङ्हिंनइ खेंमैंए चिबनाँब्मैंने त्हुँसि पावल नेरो बारनाबास ह्रुगुदिब नेरो युँमाइ ल्हिबै मत लइ।

चेला चिब्मैंए केमैं 15:26

बारनाबास नेरो पावलइ ह्रोंसए ज्युए म्हाँया आलल्‍ले प्रभु येशू ख्रीष्‍टउँइँले खबै सैं तोंबै ताँ बिप्रइ।

चेला चिब्मैंए केमैं 17:13

दिलेया थेसलोनिकार्बै यहूदीमैंइ “पावलइ परमेश्‍वरए ताँ बेरियारै या बिइ प्रइमुँ!” बिब् सेसि चमैं चरै या म्हिमैं उस्केबर फेखइ।

चेला चिब्मैंए केमैं 22:20

चमैंइ क्हिए ग्वाइ पिंबै स्‍तिफनस सैवामा ङै या चमैंने क्ह्रिसि चलाइ सैवाबै म्हिमैंए क्वें रुँसि टिल।’

चेला चिब्मैंए केमैं 7:58

चए बिरोधर ग्वाइ पिंब्मैंइ ह्रों-ह्रोंसए क्वें प्लिसि शाऊल मिं मुँबै फ्रेंसिए प्हले ङाँर थेंइ। धै चमैंइ स्तिफनस सहरउँइँले बैरु तेइ बोसि युँमाइ ल्हिइ।

चेला चिब्मैंए केमैं 9:16

ङए मिंर बिश्‍वास लमा चइ कति थेबै दुःख नोल् त्हुम् बिब ङइ चने उँइँमिंब्मुँ।”

१ कोरिन्थी 15:31

ओ अलि-अङाँमैं, ङ्योए प्रभु येशूए फिर क्हेमैंइ बिश्‍वास लबइले ङए सैं भोंइमुँ। छतसि प्रभुए के लबर ङ त्हिंइ ह्रोंसे या सिल् खाँम्।

२ कोरिन्थी 11:23

चमैं येशू ख्रीष्‍टए सेवा लब्मैं वा? चमैं भन्दा ङ झन् छेनाले सेवा लबै म्‍हि ग। छबिमा ङ सोबल धोंले पोंइ। ङइ बेल्‍ले दुःखले ख्रीष्‍टए सेवा लइमुँ, ङ ल्हें खे झेलर टिल् त्‍हुइ, ङलाइ ल्हें खे कोर्राइ प्रुइ, छले ल्हें खे ङ कालए सुँर फेइ।

२ कोरिन्थी 11:25

सोंखे समा रोमथेंमैंइ ङलाइ प्‍हरेइ प्रुइ, झाइले क्ल्ह्‍यो घ्रिर ङलाइ म्हिए हुलइ युँमाइ प्रिंइ। सोंखे समा ङ क्रेबै क्‍यु झाज मा ङ्युँइर तेसि नास तयामा त्हिंयाँ-म्‍हुँइँस ङ मा ङ्युँइर्न टिल् त्‍हुइ।

२ कोरिन्थी 11:26

छलेन येशू ख्रीष्‍टउँइँले खबै सैं तोंबै ताँ बिप्रमा ल्हें खे ङलाइ स्‍योंइ नोबोल् म्हैइ, ह्‍योमैंइ ङ सैल् म्हैइ, ह्रोंसए यहूदी ह्रेंमैं नेरो अरू ह्रेंमैंज्‍यै या ङलाइ दुःख पिंइ। सहरजरे या, म्‍हि आटिबै ह्‍युलरै या, मा ङ्युँइरै या, झाइले स्‍योर्गु थुमैंउँइँले या ङइ दुःख योंइ।

१ थेसलोनिकी 2:14

ओ अलि-अङाँमैं, यहूदीया ह्‍युलर्बै बिश्‍वासीमैंइ योंब् धों तबै दुःख क्हेमैंज्यै योंइ। तलेबिस्याँ चमैंइ खेंमैंए यहूदी म्हिमैंउँइँलेन् दुःख योंब् धोंले क्हेमैंज्यै या ह्रोंसए ह्‍युलर्बै म्‍हिमैंउँइँले दुःख योंइ।

२ तिमोथी 3:11

एन्‍टिओखिया, आइकोनियम नेरो लुस्‍त्रार ङइ खै-खैबै दुःखमैं सैदिइ बिसि क्हिइ सेइमुँ। दिलेया प्रभुजी च ताँन् दुःखउँइँले ङ जोगेमिंइ।