चेला चिब्मैंए केमैं 14:15 - परमेश्‍वरए ताँ तमु क्युइर

¹⁵ “ओ म्हिमैं! क्‍हेमैंइ तले छाबै के लमुँ? ङि या क्हेमैं धोंबन् दुःख सुख भुँदिबै म्हिमैंन् ग। चु स्योलिबै के पिसि क्हेमैं परमेश्‍वरउँइँ सैं एखरिगे बिसि ङिइ खीउँइँले खबै सैं तोंबै ताँ बिमिंब् ग। मु, पृथ्‍बी, मा ङ्युँइ नेरो चर मुँबै तोन्दोंरि सैमैं बनेबै सोगों परमेश्‍वर खीन् ग।

चेला चिब्मैंए केमैं 14:15 ပူးပေါင်းရင်းမြစ်များ

उत्पत्ति 1:1

ताँन् भन्दा ओंसों परमेश्‍वरजी मु नेरो पृथ्बी बनेइ।

उत्पत्ति 41:16

योसेफइ फारोने बिइ, “छाबै ह्रबम् ङ आरे। दिलेया परमेश्‍वरजी क्हिए म्होंडए अर्थ बिमिंब्मुँ।”

भजनमैं 115:15

स्वर्क नेरो पृथ्‍बी बनेबै याहवेहउँइँले क्हेमैंइ आशिक योंरिगे!

भजनमैं 124:8

स्वर्ग नेरो पृथ्बी बनेबै याहवेहए मिंर ङ्योइ ग्वार योंम्।

भजनमैं 31:6

स्योलिबै कु पूजा लब्मैं ङइ आखो; ङ बिस्याँ याहवेहए फिर्न भर लम्।

भजनमैं 33:6

याहवेहए बचनइ मु बनेइ, धै चर मुँबै तोन्दोंरि सै बनेइ।

प्रस्थान 20:11

तलेबिस्याँ टुगैंर ङ याहवेहजी मु, पृथ्‍बी, मा ङ्युँइ (समुन्द्र) नेरो चर मुँबै तोन्दोंरि सैमैं बनेइ, धै ङिगैंर भों न्हइ। छतसि प्रिबै त्हिंइलाइ याहवेहजी आशिक पिंसि पबित्र लइ।

योना 2:8

केर आफेबै स्युलिबै सैमैंर सैं पिंबै म्हिमैंइ परमेश्‍वरउँइँले योंबै दयाम्हाँया योंल् आङिं।

मत्ती 16:16

सिमोन पत्रुसइ बिइ, “क्‍हिम् खोंयोंन् बिलै तरिबै परमेश्‍वरए च्ह, खीजी कुल्मिंबै जोगेमिंबै म्रुँ ख्रीष्‍ट ग।”

यूहन्‍ना 5:26

तलेबिस्याँ आबा ह्रोंसनेन् खोंयोंइ आखाँबै छ्ह मुँ, छलेन खीजी च्हलाज्यै या छ्हए मुल तबै हग पिंइमुँ।

यूहन्‍ना 7:18

ह्रोंसन् ह्रब् सेब् प्हैंसि पोंब्मैंइ ह्रोंसए मान म्हैम्, दिलेया खाबइ खी कुल्मिंबै परमेश्‍‍वरए मान म्हैमुँ, चन् क्ह्रोंसेंन्बै सैं प्ह्‍याबै म्हि ग। चइ तो ताँरै या स्योर आतेनाले क्ह्रोंसेंन्बै ताँ पोंम्।

चेला चिब्मैंए केमैं 10:26

दिलेया पत्रुसइ, “आफ्योद्, ङैना म्हिन् ग,” बिदै चलाइ रेइ।

चेला चिब्मैंए केमैं 13:32

“परमेश्‍वरजी येशू सिबइले धबै सोगों लमिंसि खीजी ङ्योए खेमैंने फैबै बाछा ङ्योए ल्हागिर्न पूरा लमिंइ। चु सैं तोंबै ताँ ङि क्हेमैंए ङाँर पखइमुँ।

चेला चिब्मैंए केमैं 14:21

चमैंइ च सहररै या सैं तोंबै ताँ बिमिंसि ल्हें चेलामैं बनेइ। झाइले चमैं ङ्हिं लुस्‍त्रा, आइकोनियन ततै एन्‍टिओखियार एइ।

चेला चिब्मैंए केमैं 14:7

चरै या चमैंइ सैं तोंबै ताँ बिप्रइ।

चेला चिब्मैंए केमैं 16:30

च लिउँइँ चमैं बैरु बोसि “मुक्‍ति योंबै ल्हागिरि ङइ तो लल् त्हुम्?” बिसि ङ्योएइ।

चेला चिब्मैंए केमैं 27:10

“ओ थुमैं, ङए सैंर छुइले ङ्यो ह्‍याइ बिस्याँ क्यु झाज नेरो समनए नोक्सन् मत्‍त्रे आङिं, ङ्योए ज्यु या ह्‍यालै ङ्हाँइमुँ।”

चेला चिब्मैंए केमैं 27:21

ल्हें त्हिंइ समा म्हिमैंइ तोइ चल् आयोंल। छतमा पावलइ चमैं ङाँर खसि बिइ, “ओ थुमैं, क्हेमैंइ ङए ताँ ङिंसि क्रेटउँइँले क्यु झाज आओलेल् त्हुमल, धै छाबै दुःख नेरो नोक्सान् क्हमैंइ आयोंमल।

चेला चिब्मैंए केमैं 27:25

छतसि, ओ थुमैं, आङ्हिंन्! परमेश्‍वरजी ङने खै बिइमुँ, छान् तब्मुँ बिसि ङ खीए फिर बिश्‍वास लम्।

चेला चिब्मैंए केमैं 4:24

चु ताँ थेसि चमैंइ बालुन् परमेश्‍वरने कै तेसि बिइ, “ओ प्रभु! क्हिजी स्वर्ग, पृथ्बी, मा ङ्युँइ नेरो चर मुँबै तोन्दोंरि सैमैं बनेमिंइ।

चेला चिब्मैंए केमैं 7:26

“प्हँन्हाँग्धों चमैं खें-खेंमैंए न्होंर्न प्होंरिबै त्हेर मोशा खसि चमैंलाइ क्ह्रिमिंबै सैं लसि बिइ, ‘ओ आघें-अलिमैं, क्हेमैंम् त्येमैं फोमैं तसेया क्हेमैं तले आक्ह्रिल?’

१ कोरिन्थी 8:4

छतसि कुर चडेबै सै चल् तम् उ आत बिबै ताँ ङ्योइ सेइमुँ, “परमेश्‍वर घ्रि मत्‍त्रे मुँ, कु परमेश्‍वर आङिं।” कु म्हिए योइ बनेबै सै मत्‍त्रे ग।

एफिसी 4:17

छतसि प्रभुए मिंर ङ क्हेमैंने चु ताँ बिमुँ, परमेश्‍वर आम्हाँदिब्मैं ह्रोंसए सैंर मैंबै आछ्याँबै केर आफेबै ताँमैंए लिलि प्रब् धोंले तारे क्‍हेमैं आप्रद्।

१ थेसलोनिकी 1:9

तलेबिस्‍याँ ङि क्हेमैं ङाँर खमा क्हेमैंइ ङिलाइ बेल्‍ले मान लइ, धै क्‍हेमैंइ कु (मूर्ति) फ्योब पिसि क्‍ह्रोंसेंन्‍बै परमेश्‍वरउँइँ सैं एसि खीए सेवा लइ बिसि ताँन् म्हिमैंइ बयन लइमुँ।

१ तिमोथी 3:15

खनिज्यै ङ खब क्हैयाइ बिस्याँ परमेश्‍वरए प्हसेमैंए बानि ब्योर खैब तल् त्‍हुम् बिसि क्हिइ छेनाले सेल् त्हुम्। परमेश्‍वरए प्हसेमैं खोंयोंन् बिलै सोगों तबै परमेश्‍वरए मण्‍डलि ग, धै क्ह्रोंसेंन्बै मुल त्हो नेरो जग ग।

हिब्रू 3:12

छतसि ओ अलि-अङाँमैं, सैं चिद्, क्‍हेमैं न्‍होंरि खाबलैया बिश्‍वास आलबै आछ्याँबै सैंइ लमा क्हेमैं सोगों परमेश्‍वरउँइँले ह्रेंगो आबोरिगे।

याकूब 5:17

स्‍योंम्‍बै एलिया बिबै म्‍हिए ताँ मैंन्। च ङ्यो धों तबै म्‍हिन् मुँल। दिलेया चइ नाँ आयुरिगे बिसि सैं न्होंउँइँलेन् प्राथना लमा सोंदिं से म्हैंन ट्हुल् समा च ह्‍युलर नाँ आयुल।

दर्शन 14:7

चइ थेबै कैले बिइ, “परमेश्‍वरने ङ्हिंन्, धै खीए मिं क्वेद्। तलेबिस्याँ खीजी म्‍हिमैंलाइ निसाफ लबै त्हे तखइमुँ। स्वर्ग, पृथ्‍बी, मा ङ्युँइ नेरो क्‍युए मुल्मैं बनेबै परमेश्‍वरलाइ पद्खु तसि फ्‍योद्।”

दर्शन 19:10

स्‍वर्गदूतइ छबिमा ङ चलाइ फ्‍योबर पद्खु तइ, दिलेया चइ ङने बिइ, “छ आलद्! ङ परमेश्‍वरए के लबै दूत मत्‍त्रे ग। ङज्यै या क्‍हि नेरो क्हिए अलि-अङाँमैं धोंले येशूए ताँ क्‍वेंम्। परमेश्‍वरलाइ मत्‍त्रे फ्‍योद्।” तलेबिस्याँ येशूजी पिंबै ग्वाइ अगमबक्‍तामैंइ पोंइ।

दर्शन 19:19

धबै च खेदो, पृथ्‍बीर्बै म्रुँमैं नेरो चमैंए फौजमैं च घोडाए फिर क्रेबै म्‍हि नेरो खीए फौजए बिरोधर ल्हडें लबर खब ङइ म्रोंइ।

दर्शन 22:9

दिलेया चइ ङने बिइ, “छ आलद्! परमेश्‍वर मत्‍त्रे फ्‍योद्! क्हि, अगमबाणि पोंबै क्‍हिए आघें-अलिमैं नेरो चु कितबर मुँबै ताँमैंइ बिब् धोंले प्रब्मैं धोंबन् ङ परमेश्‍वरए के लबै दूत मत्‍त्रे ग।”

दर्शन 4:11

“ओ ङिए प्रभु परमेश्‍वर, क्‍हि थेबै मान, थेबै मिं नेरो हग योंल् त्हुब मुँ। तलेबिस्याँ ताँन् सै क्‍हिजीन् बनेब् ग, झाइले क्‍हिए सैंर मैंब् धोंले च ताँन् सैमैं तसि सो प्ह्‍याइ।”