चेला चिब्मैंए केमैं 13:5 - परमेश्‍वरए ताँ तमु क्युइर

⁵ चर्बै सलामिस नाँसर फेनेसि चमैंइ येहूदिमैंए च्हों धिंजरे परमेश्‍वरए सैं तोंबै ताँ बिमिंइ। चमैंलाइ ल्होमिंबर यूहन्‍ना मार्कुसै या चमैंने बालु ह्‍याल।

चेला चिब्मैंए केमैं 13:5 ပူးပေါင်းရင်းမြစ်များ

प्रस्थान 24:13

छबिमा मोशा नेरो चलाइ ल्होबै यहूशू रेसि परमेश्‍वरए पबित्र कोंर ह्‍याइ।

मत्ती 20:26

दिलेया क्‍हेमैं न्‍होंर बिस्‍याँ छ तरिब् आरे। क्‍हेमैंए न्होंरि खाब् थेब तदा ङ्हाँमुँ, चइ च्योंब् तसि क्हेमैंए सेवा लल् त्‍हुम्।

चेला चिब्मैंए केमैं 12:12

चु ताँ था सेसि पत्रुस मर्कूस बिबै यूहन्‍नाए आमा मरियमए धिंर ह्‍याइ। चर ह्‍यामा ल्हें म्हि खागु तसि प्राथना लरिल।

चेला चिब्मैंए केमैं 12:25

झाइले बारनाबास नेरो शाऊल ह्रोंसइ लल् त्हुबै के खाँसि यरूशलेमउँइँले एह्‍यामा मर्कूस बिबै यूहन्‍ना या चमैंने ह्‍याइ।

चेला चिब्मैंए केमैं 13:14

पावल नेरो बारनाबास पर्गाउँइँले त्होंसि पिसिदिया बिबै ह्‍युलर्बै एन्‍टिओखिया सहरर फेनेइ, धै प्रिबै त्हिंइर यहूदीमैंए च्हों धिंर ह्‍यासि टिइ।

चेला चिब्मैंए केमैं 13:46

छान् तलेया पावल नेरो बारनाबासइ आङ्हिंन्ले बिइ, “परमेश्‍वरए ताँ धाँसे ओंसों क्हेमैं यहूदीमैंनेन् बिल् त्हुमल। दिलेया क्हेमैंइ चु ताँ थेल् आङिंसि खोंयोंन् बिलै आखाँबै छ्ह योंदा आङ्हाँमा तारे ङि अरू ह्रेंमैं ङाँर ह्‍याम्।

चेला चिब्मैंए केमैं 14:1

पावल नेरो बारनाबास आइकोनियन सहरर ह्‍यामा एन्‍टिओखिया सहरर तब् धोंलेन् चरै या तइ। चमैं येहूदिमैंए च्हों धिंर होंसि प्रभु येशूउँइँले खबै सैं तोंबै ताँ छेनाले बिमिंमा चर्बै ल्हें यहूदीमैं नेरो ग्रिकमैंइ येशूए फिर बिश्‍वास लइ।

चेला चिब्मैंए केमैं 15:37

बारनाबासइ मर्कूस बिबै यूहन्‍ना खेंमैंने बालु बोबै सैं लइ।

चेला चिब्मैंए केमैं 17:17

छतमा च यहूदीमैं च्हों धिंर ह्‍यासि यहूदीमैं नेरो परमेश्‍वर म्‍हाँदिबै ग्रिक म्हिमैंने छलफल लरिमल, धै बजारर खीने त्होब्मैंने या त्हिंइ ह्रोंसे छलफल लरिमल।

चेला चिब्मैंए केमैं 18:4

पावल प्रिबै त्हिंइ ह्रोंसे यहूदीमैंए च्हों धिंर ह्‍यासि परमेश्‍वरए ताँ बिमिंसि यहूदीमैं नेरो ग्रिकमैंने ताँ छलफल लसि परमेश्‍वरए ताँ क्होमिंबै भों लमल।

चेला चिब्मैंए केमैं 19:22

झाइले चइ ह्रोंसए सेवा लबै तिमोथी नेरो इरास्‍तस माकेडोनियार कुल्मिंइ, च बिस्याँ दे त्हिंइ एशिया ह्‍युलर्न टिइ।

चेला चिब्मैंए केमैं 19:29

छतमा च सहर तिगोंन् खैला-बैला तइ धै चमैं घ्रि तसि पावलने प्रबै माकेडोनियाथेंमैं ङ्हिं गायस नेरो अरिस्‍तार्खस क्हासि रङ्गशालए न्होंर चैंदै बोइ।

चेला चिब्मैंए केमैं 19:8

पावल च्हों धिंर ह्‍यासि म्हैंन सोंल् समन् परमेश्‍वरए ग्याल्सए बारेर चमैंने आङ्हिंन्ले छलफल लसि म्हिंमैंइ क्होरिगे बिसि लोमिंरिइ।

चेला चिब्मैंए केमैं 9:20

झाइले चर टिबै तोंदोंन् चइ येशू परमेश्‍वरए च्ह ग बिसि म्हि च्हों धिंजरे येशूए ताँमैं बिबर होंइ।

कलस्सी 4:10

ङने बालु झेलर च्युथेंबै थु अरिस्‍तार्खसइ क्‍हेमैंने जय मसीह बिमिंइमुँ। छलेन बर्णाबासए अलि फेबै मर्कूसज्‍यै या क्‍हेमैंने जय मसीह बिमिंइमुँ। (च मर्कूसए बारेर ङइ क्‍हेमैंलाइ ओंसों ताँ पिंइ: च क्हेमैं ङाँर खइबिस्‍याँ चए मान लद्।)

२ तिमोथी 4:11

लूका मत्‍त्रे ङने बालु मुँ। क्‍हि चुर खमा मर्कूसलाज्यै या म्है पखो, तलेबिस्याँ चइ प्रभुए के लबर ङलाइ ल्होम्।