चेला चिब्मैंए केमैं 13:47 - परमेश्‍वरए ताँ तमु क्युइर

⁴⁷ तलेबिस्याँ प्रभुजी ङिने छान् लद् बिइमुँ: ‘पृथ्‍बी तिगोंन् मुक्‍ति योंबै ताँमैं बिमिंबर अरू ह्रेंमैंए ल्हागिरि ह्‍वे तबर ङइ क्‍हि त्हाँइमुँ।’”

चेला चिब्मैंए केमैं 13:47 ပူးပေါင်းရင်းမြစ်များ

मत्ती 28:19

छतसि क्‍हेमैं ह्‍युलर्बै ताँन् ह्रेंमैं ङाँर ह्‍यासि चेलामैं लदु, धै परमेश्‍वर आबा, परमेश्‍वर च्‍ह नेरो पबित्र प्ल्हए मिंर क्‍युर प्‍ल्हुँमिंसि बप्‍तिस्‍मा पिंन्।

मर्कूस 16:15

झाइले येशूजी चमैंने बिइ, “ह्‍युल तिगोंन् ह्‍यासि ताँन् म्‍हिमैंने परमेश्‍वरउँइँले खबै सैं तोंबै ताँ बिमिंन्।

लूका 2:32

चु कोलोन् अरू ह्रेंर्बै म्‍हिमैंलाइ क्‍हिए घ्‍याँ उँइँमिंबै चारबै ह्‍वे ग, छलेन क्हिए इस्राएली ह्रेंर्बै म्‍हिमैंए मिं थेब् लमिंबै चारबै ह्‍वे खीन् ग।”

लूका 24:47

ह्रोंसइ लबै आछ्याँबै केमैं पिसि परमेश्‍वरउँइँ सैं एइस्याँ म्हिमैंइ पाप क्षमा योंम् बिबै ताँ ओंसों यरूशलेमर बिप्रबइले ताँन् ह्रें-ह्रेंर्बै म्हिमैंने बिमिंल् त्हुम्।

चेला चिब्मैंए केमैं 1:8

दिलेया पबित्र प्ल्ह क्‍हेमैंए फिर युबै लिउँइँ क्‍हेमैंइ शक्‍ति योंब्‍मुँ। धै क्हेमैं यरूशलेमर, ताँन् यहूदीया नेरो सामरियार, धै ह्‍युलए कुना-कुना समा ङए ग्वाइ पिंब्मैं तब्मुँ।”

चेला चिब्मैंए केमैं 22:21

छबिमा प्रभुजी ङने ‘ह्‍याद्, तलेबिस्याँ ह्रें-ह्रेंगोर्बै अरू ह्रेंमैं ङाँर ङइ क्हि कुल्मिंब्मुँ,’ बिइ।”

चेला चिब्मैंए केमैं 26:23

तो ताँमैं जा बिस्याँ, परमेश्‍वरजी कुल्मिंबै म्रुँ ख्रीष्‍टजी दुःख योंसि सिल् त्हुब्मुँ, धै सिसि धबै सोगों तब्मैंए न्होंर ताँन् भन्दा ओंसों खी सोगों तसि ह्रोंसए यहूदी ह्रें नेरो अरू ह्रेंमैंने या परमेश्‍वरए ह्‍वे सेल् पिंब्मुँ बिसि चमैंइ बिल।”

चेला चिब्मैंए केमैं 9:15

दिलेया प्रभुजी चने बिइ, “ह्‍याद्, तलेबिस्याँ अरू ह्रेंमैं, म्रुँमैं नेरो इस्राएलर्बै म्हिमैंए उँइँर ङए मिंए बारेर बिमिंबर ङइ त्हाँबै म्हि चन् ग।