चेला चिब्मैंए केमैं 13:39 - परमेश्‍वरए ताँ तमु क्युइर

³⁹ मोशाइ पिंबै ठिमउँइँले क्हेमैं पापमैंउँइँले फ्रेयाल् आखाँमल, दिलेया येशूए फिर बिश्‍वास लब्मैंइ खीउँइँलेन् च ताँन् पापमैंउँइँले फ्रेयाइमुँ।

चेला चिब्मैंए केमैं 13:39 ပူးပေါင်းရင်းမြစ်များ

भजनमैं 143:2

ह्रोंसए केब्छैंए बिरोधर निसाफ आलमिंनु, तलेबिस्याँ क्हिए उँइँर सोगों म्हिमैं खाबै या ठिक ठर्दिल् आखाँ।

लूका 10:25

परमेश्‍वरए छ्वे ह्रबै म्‍हि घ्रिइ येशूए जाँच लसि ताँ क्हाल् त्हुइ बिबै सैंले खीने ङ्योएइ, “ओ गुरु, खोंयोंइ आखाँबै छ्ह योंबै ल्हागिर ङइ तो लल् त्‍हुम्?”

लूका 10:28

पेयेशूजी चने बिइ, “क्‍हिइ ठिकन् बिइ। छान् लद्, छ लइबिस्‍याँ क्‍हिइ खोंयोंइ आखाँबै छ्ह योंब्‍मुँ।”

लूका 18:14

“ङ क्हेमैंने बिमुँ, च फरिसी भन्दा बालि रेबै म्‍हि परमेश्‍वरए उँइँर ठिक ठर्दिसि धिंर एह्‍याइ। तलेबिस्याँ तोगो च्योंने तसि कुरब्मैंलाइ परमेश्‍वरजी थेब लमिंब्मुँ। तोगो ङम् ङन् ग बिसि थेब् प्हैंब्मैं परमेश्‍वरजी कुरवाब्‍मुँ।”

यूहन्‍ना 1:17

स्‍योंम्‍बै मोशालाइ परमेश्‍वरजी खीए ठिम पिंइ, दिलेया येशू ख्रीष्‍टउँइँले क्‍ह्रोंसेंन्‍बै ताँ नेरो बेल्‍ले थेबै दयाम्हाँया ङ्योइ योंइ।

यूहन्‍ना 5:24

“क्ह्रोंसेंन ङ क्हेमैंने बिमुँ, खाबइ ङए ताँ थेसि ङ कुल्मिंबै आबाए फिर बिश्‍वास लमुँ, चइ खोंयोंइ आनुबै छ्ह योंम्। चए निसाफ आत, चइ सजैं योंल् आत्हु, बरु च म्हि सिबउँइँले धबै सोसि खोंयोंइ आखाँबै छ्ह योंइमुँ।

चेला चिब्मैंए केमैं 10:43

स्योंम्बै अगमबक्‍तामैंइ ‘खीए फिर बिश्‍वास लब्मैं ताँनइ खीए मिंउँइँले पाप क्षमा योंम्,’ बिसि खीए ग्वाइ पिंइँमुँ।”

रोमी 10:10

तलेबिस्याँ ङ्योए सैंइ बिश्‍वास लसिन् ङ्यो परमेश्‍वरए उँइँर ठिक ठर्दिम्, झाइले ङ्योए बिश्‍वास लबै ताँ अरूलाज्यै या बिमिंस्याँ ङ्योइ मुक्‍ति योंमुँ।

रोमी 10:4

तलेबिस्याँ खीए फिर बिश्‍वास लब्मैं ताँन् परमेश्‍वरए उँइँर ठिक ठर्दिरिगे बिसि ङ्योए ल्हागिर ख्रीष्‍टजीन् ठिमइ बिब् धोंबै के लमिंइ।

रोमी 3:19

ठिमर्बै ताँ ठिम म्हाँदिब्मैंए ल्हागिर्न बिब ङिइ सेइमुँ। छतमा ताँन् ह्‍युलर्बै म्‍हिमैं परमेश्‍वरए उँइँर निसाफर रामा खाबज्‍यै या तोइ पोंबै घ्‍याँ आरे।

रोमी 3:20

छतसि ठिमर्बै ताँमैं छेनाले म्हाँदिलै या परमेश्‍वरए उँइँरि ठिक ठर्दिल् आखाँ। तलेबिस्याँ ठिमर्बै ताँउँइँलेन् म्‍हिमैंइ पाप तो जा बिसि सेम्।

रोमी 4:15

तलेबिस्याँ ठिमर्बै ताँ आम्हाँदिब्मैं म्रोंसि परमेश्‍वर ह्रिस खम्, दिलेया ठिमन् आरेस्याँ पाप तो जा बिसेया आसेमल।

रोमी 4:24

ङ्योए ल्हागिरै या प्‍ह्रिब् ग। तलेबिस्याँ प्रभु येशूलाइ सिबइले धबै सोगों लमिंबै परमेश्‍वरए फिर ङ्योइ बिश्‍वास लइमुँ। चु बिश्‍वासइ लमा ङ्योलाज्यै या “परमेश्‍वरजी ठिक ठर्दिमिंब्‍मुँ।”

रोमी 5:1

ङ्योइ बिश्‍वास लबइले परमेश्‍वरए उँइँरि ठिक ठर्दिसि प्रभु येशू ख्रीष्‍टउँइँले ङ्यो परमेश्‍वरने क्ह्रिल् योंइमुँ।

रोमी 5:20

पाप कति ल्हें लइ बिब् सेरिगे बिसि परमेश्‍वरजी ठिम पिंइ। खैले पाप ल्हें ततै ह्‍याइ, छलेन परमेश्‍वरए दयाम्हाँया झन् ल्हें ततै ह्‍याइ।

रोमी 5:9

छतसि ङ्योए पापए ल्हागिर येशू ख्रो तसि सिमिंबइले ङ्यो परमेश्‍वरए उँइँर ठिक ठर्दिइमुँ। छतसि परमेश्‍वरए ह्रिसउँइँले येशूजी ङ्योलाइ जोगेमिंब्मुँ।

रोमी 8:1

छतसि ख्रीष्‍ट येशूए फिर बिश्‍वास लब्‍मैंए ल्हागिर दण्ड आरे।

रोमी 8:3

म्‍हिए आछ्याँबै इच्‍छाए भोंलाइ ट्होरिगे बिसि परमेश्‍वरजी खीए च्ह येशूलाइ ख्रो तबर चु ह्‍युलर कुल्‍मिंइ। परमेश्‍वरए च्‍ह येशूजी म्‍हिए कमजोरि आछ्याँबै बानि मुँबै रुप किंसि ख्रो तसि म्हिमैंए आछ्याँबै इच्‍छाए भोंलाइ नास लवाइ। छले ठिमइ लल् आखाँबै के परमेश्‍वरजी लमिंइ।

रोमी 9:31

दिलेया यहूदीमैं परमेश्‍वरए उँइँरि ठिक ठर्दिबै ल्हागिर ठिमइ बिब् धोंलेन् लल् म्हैइ दिलेया लल् आखाँ।

१ कोरिन्थी 6:11

क्‍हेमैं न्‍होंरि ओंसों को-कोइ छाबै म्हिमैं मुँल, दिलेया तिंजोरो प्रभु येशू ख्रीष्‍टए मिंउँइँले नेरो ङ्योए परमेश्‍वरए प्ल्हउँइँले क्‍हेमैं पापउँइँले चोखो तइमुँ, क्‍हेमैं परमेश्‍वरए म्‍हिमैं तइमुँ, झाइले परमेश्‍वरए उँइँर क्‍हेमैं ठिक ठर्दिइमुँ।

गलाती 2:16

दिलेया ‘यहूदीमैंए ठिम म्‍हाँदिसि म्हि ठिक आठर्दि, येशू ख्रीष्‍टए फिर बिश्‍वास लसि मत्‍त्रे म्हिमैं परमेश्‍वरए उँइँर ठिक ठर्दिम्,’ बिसि ङ्योइ था सेइमुँ। ठिमइ लद् बिबै के लबर्न परमेश्‍वरए उँइँर खाबै या ठिक ठर्दिल् आखाँ। छतसि ख्रीष्‍टए फिर बिश्‍वास लसि मत्‍त्रे ङ्यो परमेश्‍वरए उँइँर ठिक ठर्दिरिगे बिसि ङ्योज्यै या ख्रीष्‍ट येशूए फिर बिश्‍वास लइ।

गलाती 2:19

तलेबिस्याँ ङ परमेश्‍वरए ल्हागिर सोरिगे बिसि ओंसोंबै ङइ म्हाँदिबै ठिमइ लमा ठिमए ल्हागिर ङ सिब् धोंन् तइमुँ।

गलाती 3:8

परमेश्‍वरजी अरू ह्रेंमैंलासेया खीए फिर्बै बिश्‍वासर्न ठिक ठर्दिमिंब्‍मुँ बिबै ताँ ओंसोंन् छ्वेर प्ह्रिथेंल। छतसि परमेश्‍वरजी अब्राहामलाइ “क्‍हिउँइँलेन् ताँन् ह्रेंमैंइ आशिक योंब्‍मुँ” बिसि सैं तोंबै ताँ बिल।

गलाती 5:3

ङ धबै चु ताँ बिम्: यहूदी ठिमर बिब् धोंले खाबइ ज्युर चिनु लमुँ, चइ ठिमर्बै ताँमैं ताँन् छेनाले म्‍हाँदिल् त्‍हुम्।

हिब्रू 10:11

यहूदी ख्रो पिंबै खेगिमैंइ त्हिंइ ह्रोंसे ख्रो पिंमुँ। दिलेया छाबै ख्रोइ म्‍हिमैंए पाप खोंयोंइ त्होल् आखाँ।

हिब्रू 10:4

तलेबिस्याँ र क्युए कोइ म्हिमैंए पाप त्होल् आखाँ।

हिब्रू 7:19

तलेबिस्याँ ओंसोंबै ठिमइ तोइ के पक्‍का लल् आखाँ। तारे चए क्ल्ह्‍योर च भन्दा छ्याँबै आशा मुँबै ठिम तइमुँ। च घ्‍याँउँइँले ङ्यो परमेश्‍वरए ङाँर फेनेल् खाँम्।