चेला चिब्मैंए केमैं 13:35 - परमेश्‍वरए ताँ तमु क्युइर

³⁵ अर्को भजन संग्रहरै या दाऊदइ छलेन् बिइमुँ, ‘क्‍हिजी ह्रोंसए पबित्र म्हिए ज्यु क्राँल् पिंरिब् आरे।’

चेला चिब्मैंए केमैं 13:35 ပူးပေါင်းရင်းမြစ်များ

भजनमैं 16:10

तलेबिस्याँ क्हिजी ङए प्ल्हलाइ क्रोंर वाथेंरिब् आरे, धै ह्रोंसए पबित्र म्हिए ज्यु क्हिजी क्राँल् पिंरिब् आरे।

भजनमैं 49:9

धै क्रोंर आह्‍यारिगे बिसि खाबज्यै तो सैज्यै या म्हिए सै फोल् आखाँ।

भजनमैं 89:48

आसिल्‍ले खोंयोंन् बिलै सोरिबै म्हि खाब् मुँ? खाबइ ह्रोंसए सोलाइ क्रोंउँइँले फ्रेल् खाँमुँ? तिस्याँदे मैंन्

लूका 2:26

परमेश्‍वरजी कुल्‍मिंबै म्रुँ ख्रीष्‍ट आम्रोंन् समा क्हि आसि बिसि पबित्र प्ल्हजी चने ओंसोंन् था पिंल।

यूहन्‍ना 3:36

परमेश्‍वरए च्‍हए फिर बिश्‍वास लब्मैंने खोंयोंइ आनुबै छ्‍ह मुँ। परमेश्‍वरए च्हइ बिबै ताँ आङिंब्मैंइ खोंयोंइ आनुबै छ्‍ह योंल् आखाँ, दिलेया परमेश्‍वरए दण्ड खोंयोंइ बिलै चए फिर तरिम्।”

यूहन्‍ना 8:51

क्ह्रोंसेंन ङ क्हेमैंने बिमुँ, ङइ बिबै ताँ ङिंब्मैं खोंयोंइ सिल् त्हुरिब् आरे।”

हिब्रू 11:5

बिश्‍वासउँइँलेन् हनोक सिल् आत्हुनले स्‍वर्गर क्वेबोयाइ। चलाइ खाबज्यै या आत्हो, तलेबिस्याँ परमेश्‍वरजी चलाइ स्‍वर्गउँइँ बोयाल। च स्‍वर्गउँइँ क्वेबोब् भन्दा ओंसों चइ परमेश्‍वरलाइ सैं तोंन् लल बिबै ताँ परमेश्‍वरए छ्वेर प्ह्रिइमुँ।