चेला चिब्मैंए केमैं 13:29 - परमेश्‍वरए ताँ तमु क्युइर

²⁹ खीए बारेर स्योंमन् प्ह्रिबै ताँन् ताँमैं लल् खाँबै लिउँइँ चमैंइ खीलाइ क्रूसउँइँले तवासि उर मुँबै छगोंर थेंइ।

चेला चिब्मैंए केमैं 13:29 ပူးပေါင်းရင်းမြစ်များ

मर्कूस 15:42

प्रिबै त्हिंइए ओंसोंबै त्हिंइ तसेरो च त्हिंइ “प्रिबै त्हिंइए ल्हागिर चैदिबै सैमैं तौदु लथेंबै त्हिइ” बिमल।

लूका 23:50

योसेफ मिं मुँबै म्‍हि घ्रि स्‍वाब नेरो धर्मि म्‍हि मुँल। च थेबै म्हि च्होंर्बै चिब मुँल।

लूका 23:53

झाइले क्रूसउँइँले सिनु तमिंसि। च सिनु सुतिए क्‍वेंइ म्होरइ धै पारा कोप्दिसि बनेबै उर थेंइ। ओंसों च उर खाबै या आथेंल।

लूका 24:44

झाइले खीजी चमैंने बिइ, “मोशाइ प्‍ह्रिबै ठिम, अगमबक्‍तामैंइ प्‍ह्रिबै ताँमैं नेरो भजनसंग्रहर ङए बारेर प्‍ह्रिथेंबै ताँमैं पूरा तल् त्‍हुम् बिसि ङइ ओंसोंन् क्‍हेमैंने मुँमा बिल।”

यूहन्‍ना 19:28

च लिउँइँ येशूजी तारे ताँन् के लल् खाँइ बिब् सेसि परमेश्‍वरए छ्वेर प्ह्रिबै ताँ पूरा तरिगे बिसि “ङ क्यु पिइ,” बिइ।

यूहन्‍ना 19:30

झाइले येशूजी प्हा क्युँ थुँसि बिइ, “तारे ङए के खाँयाँइ!” च्हौ बिसि क्र कुरसि खीजी सो पिवाइ।

चेला चिब्मैंए केमैं 13:27

दिलेया यरूशलेमथेंमैं नेरो चमैंए क्रथे मिंथेमैंइ येशू खाब् जा बिसि ङो आसेल, धै प्रिबै त्हिंइ ह्रोंसे अगमवक्‍तए ताँ खेलेया, चमैंइ च ताँ तो जा बिसि आक्होल। छतसि चमैंइ येशूलाइ सजैं पिंसि अगमबक्‍तामैंइ खीए बारेर ओंसोंन् पोंब् धोंले पूरा लइ।

चेला चिब्मैंए केमैं 2:23

दिलेया परमेश्‍वरजी ओंसोंन् चाँजो लसि येशूलाइ क्‍हेमैंए योर पिंवाँइ। धै दुष्‍ट म्हिमैंउँइँले क्हेमैंइ येशू क्रूसर च्योवासि सैवाइ।

चेला चिब्मैंए केमैं 26:22

दिलेया तिंयाँबै त्हिंइ समा परमेश्‍वरजी ङलाइ जोगेमिंइमुँ। छतसि तिंयाँ चुर मुँबै थेब, च्योंब, ताँनए उँइँर चु ताँमैंए ग्वाइ पिंदै ङ चुर राल् योंइमुँ। अगमबक्‍तामैं नेरो मोशाइ लिउँइँ तखब्मुँ बिबै ताँमैं बाहेक अरू ङइ तोइ आबिइमुँ।

चेला चिब्मैंए केमैं 4:28

छतमा ओंसों ओंनोंन् क्हिए योउँइँले क्हिजी लबै चाँजोमैं च बिरोधीमैंइ पूरा लइ।

चेला चिब्मैंए केमैं 5:30

क्हेमैंइ यशूलाइ सिए क्रूसर च्योवासि सैवाइ। दिलेया ङ्योए खेंमैंए परमेश्‍वरजी येशू सिबउँइँले धबै सोगों लमिंइ।

१ कोरिन्थी 15:4

म्‍हिमैंइ खीलाइ पाइ, दिलेया परमेश्‍वरए छ्वेर प्‍ह्रिब् धोंले सोंरोर परमेश्‍वरजी खीलाइ धबै सोगों लमिंइ।