चेला चिब्मैंए केमैं 13:26 - परमेश्‍वरए ताँ तमु क्युइर

²⁶ “ओ आघें-अलिमैं, अब्राहामए सन्तान्मैं, नेरो परमेश्‍वर म्हाँदिबै अरू ह्रेंर्बै म्हिमैं! परमेश्‍वरजी ङ्योए ङाँर्न चु जोगेमिंबै ताँ कुल्मिंइँमुँ।

चेला चिब्मैंए केमैं 13:26 ပူးပေါင်းရင်းမြစ်များ

भजनमैं 105:6

खीजी लबै औदिबै केमैं मैंन्, खीजी लबै औदिबै केमैं नेरो खीजी लबै निसाफ मैंन्।

मत्ती 10:6

“बरु इस्राएलीमैं ङाँर ह्‍याद्। चमैं म्‍हयाबै क्‍यु धों तब्‍मैं ग।

मत्ती 3:9

‘ङि यहूदीमैं परमेश्‍वरजी त्‍हाँबै म्‍हि अब्राहमए खलकर्बै तसेरो ङि परमेश्‍वरए सजैंउँइँले स्योल् योंब्‍मुँ,’ बिसि ह्रों-ह्रोंसन् बिआप्रद्। तलेबिस्याँ ङ क्हेमैंने बिमुँ, परमेश्‍वरजी अब्राहमए ल्हागिर चु युँमाउँइँले या सन्‍तान् लमिंल् खाँम्।

लूका 1:69

खीजी दाऊद म्रुँए कुलर ङ्यो जोगेमिंबै ल्हागिर थेबै शक्‍ति मुँबै मुक्‍तिदाता कुल्मिंइमुँ।

लूका 1:77

पापउँइँले क्षमा योंसि मुक्‍ति योंब्मुँ बिबै ताँ क्हिइ परमेश्‍वरए म्‍हिमैंने लोमिंब्मुँ।

लूका 24:47

ह्रोंसइ लबै आछ्याँबै केमैं पिसि परमेश्‍वरउँइँ सैं एइस्याँ म्हिमैंइ पाप क्षमा योंम् बिबै ताँ ओंसों यरूशलेमर बिप्रबइले ताँन् ह्रें-ह्रेंर्बै म्हिमैंने बिमिंल् त्हुम्।

यूहन्‍ना 6:68

सिमोन पत्रुसइ बिइ, “ओ प्रभु, क्हिनेन् खोंयोंइ आखाँबै छ्ह पिंबै ताँमैं मुँ। ङि खाबै ङाँर ह्‍याब?

चेला चिब्मैंए केमैं 10:2

चइ परमेश्‍वर म्हाँदिमल, धै च नेरो चए परवा ताँनइ परमेश्‍वरजी बिब ङिंमल। चइ थेबै सैंइ म्हिमैंए खाँचोमैं टार्दिमिंसि परमेश्‍वरने खोंयोंन् बिलै प्राथना लरिमल।

चेला चिब्मैंए केमैं 10:35

ताँन् म्हिमैं खाब ह्रेंर्बै मुँलेया परमेश्‍वरने ङ्हिंसि छ्याँबै के लमुँ च म्हिमैंलाइ खीजी खोमुँ।

चेला चिब्मैंए केमैं 13:43

च्हों धिंर्बै ताँमैं खाँबै लिउँइँ ल्‍हें यहूदीमैं नेरो यहूदी धर्म म्‍हाँदिबै अरू ह्रेंर्बै म्‍हिमैं पावल नेरो बारनाबासए लिलि प्रइ। धै पावल नेरो बारनाबासइ चमैंए सैं भोंब लमिंसि बिइ, “परमेश्‍वरए दयाम्हाँयार खोंयोंन् बिलै तरिद् ओ।”

चेला चिब्मैंए केमैं 13:46

छान् तलेया पावल नेरो बारनाबासइ आङ्हिंन्ले बिइ, “परमेश्‍वरए ताँ धाँसे ओंसों क्हेमैं यहूदीमैंनेन् बिल् त्हुमल। दिलेया क्हेमैंइ चु ताँ थेल् आङिंसि खोंयोंन् बिलै आखाँबै छ्ह योंदा आङ्हाँमा तारे ङि अरू ह्रेंमैं ङाँर ह्‍याम्।

चेला चिब्मैंए केमैं 16:17

च पावल नेरो ङिए लिलि खसि, “चु म्हिमैं धाँसे थेबै परमेश्‍वरए सेवा लब्मैं ग। चुमैंइ क्हेमैं मुक्‍ति योंबै घ्याँ बिमिंरिमुँ,” बिदै ओरइ।

चेला चिब्मैंए केमैं 22:5

चु ङइ बिबै ताँ क्ह्रोंसेंन् ग बिसि ख्रो पिंबै खेगि क्रथे नेरो ताँन् थेबै म्हि च्हों या ग्वाइ पिंल् खाँम्। खेंमैंउँइँले ङइ दमस्‍कस सहरर्बै यहूदीमैंए मिंर प्ह्रिछ्या योंइ। छले हग योंसि ङइ दमस्‍कसर मुँबै प्रभुए फिर बिश्‍वास लब्मैं सजैं पिंबर फैसि यरूशलेमर पखबर दमस्कसर ह्‍याल।

चेला चिब्मैंए केमैं 28:28

छतसि ‘परमेश्‍वरजी म्हिमैं जोगेमिंब्‍मुँ,’ बिबै सैं तोंबै ताँ अरू ह्रेंर्बै म्हिमैंए ल्हागिर खीजी पिमिंइँमुँ, धै चमैंज्यै थेब्‍मुँ, बिसि क्‍हेमैं था सेल् त्‍हुम्।”

चेला चिब्मैंए केमैं 3:26

क्हेमैंलाइ ह्रोंसए आछ्याँबै केमैंउँइँले एपखसि आशिक पिंबै ल्हागिर परमेश्‍वरजी ह्रोंसए सेवा लबै म्हि त्हाँसि ताँन् भन्दा ओंसों क्हेमैं इस्राएलीमैं ङाँर कुल्मिंइ।”

चेला चिब्मैंए केमैं 4:12

अरू खाबज्यै मुक्‍ति पिंल् आखाँ तलेबिस्याँ ङ्योइ मुक्‍ति योंबर स्वर्गए न्होंरि म्हिमैंए ल्हागिर अरू खाबै मिं या परमेश्‍वरजी आपिंइँमुँ।”

चेला चिब्मैंए केमैं 5:20

“मन्दिरर ह्‍यासि खोंयोंन् बिलै आखाँबै छ्ह योंबै ताँमैं ताँन् म्हिमैंने बिद्।”

रोमी 1:16

तलेबिस्याँ ख्रीष्‍टउँइँले योंबै सैं तोंबै ताँ म्हिमैंने बिबै ल्हागिर ङ फा आपि। यहूदीमैं मुँलेया अरू ह्रेंमैंन् मुँलेया चु सैं तोंबै ताँउँइँलेन् खीए फिर बिश्‍वास लब्‍मैंलाइ परमेश्‍वरजी मुक्‍ति पिंम्।

एफिसी 1:13

छलेन क्‍हेमैं अरू ह्रेंमैंज्यै या परमेश्‍वरउँइँले योंबै मुक्‍तिए बारर्बै क्ह्रोंसेंन्बै सैं तोंबै ताँ थेसि येशू ख्रीष्‍टए फिर बिश्‍वास लइ। छतसि क्‍हेमैं या परमेश्‍वरए म्‍हिमैं तइ, धै क्‍हेमैंलाइ खीए म्हिमैं लबै ल्हागिर परमेश्‍वरजी ओंसोंन् बाछा फैबइले क्हेमैंए फिर पबित्र प्ल्हए छाप ल्हैदिइमुँ।

कलस्सी 1:5

क्हेमैंइ योंल् त्हुबै सैमैं परमेश्‍वरजी क्हेमैंए ल्हागिर स्वर्गर जोगेथेंइमुँ बिबै आशा लसि क्हेमैंइ छाबै बिश्‍वास नेरो म्हाँया लब् ग। चु आशाए ताँ ओंसोंन् ख्रीष्‍टउँइँले खबै सैं तोंबै ताँउँइँले सेल।