चेला चिब्मैंए केमैं 13:2 - परमेश्‍वरए ताँ तमु क्युइर

² चमैं बर्त टिसि प्राथना लसि परमेश्‍वरए मिं क्वेरिबै त्हेर पबित्र प्ल्हजी चमैंने बिइ, “ङए ल्हागिरि बारनाबास नेरो शाऊल ङइ खाब् केए ल्हागिरि त्हाँइमुँ च केए ल्हागिर्न स्यो लद्।”

चेला चिब्मैंए केमैं 13:2 ပူးပေါင်းရင်းမြစ်များ

मत्ती 17:21

[दिलेया बर्त टिसि प्राथना आलन् समा क्‍हेमैंइ छाबै खालर्बै मों ल्‍हाल् आखाँ।]

मत्ती 6:16

“झाइले क्‍हेमैं बर्त टिमा फिब्लो पार्दिब्मैंइ धोंले लि छुले आटिद्। तलेबिस्याँ म्हिमैंने ‘बर्त टिइमुँ’ बिसि उँइँबर चमैंइ लि छु लम्। क्ह्रोंसेंन ङ क्हेमैंने बिमुँ चमैंइ योंल् त्हुबै इनाम योंल् खाँइमुँ।

मत्ती 9:38

छतसि रा-रोमैं खुबै म्रोंमैं कुल्‍मिंन् बिसि रोमैंए क्‍ल्‍हेने प्राथना लद्।”

लूका 10:1

च लिउँइँ प्रभुजी अरू ङिच्‍यु चेलामैं त्हाँसि खी ह्‍याबि छेबै सहर नेरो नाँसजरे ह्रोंस् भन्दा ओंसों चमैं ङ्हिं-ङ्हिं लसि कुलइ।

लूका 2:37

च प्रेच्‍युसे प्‍लिदिं बर्ष तयाल। दिलेया च बर्त टिसि प्राथना लसि त्‍हिंयाँ म्‍हुँइँसा परमेश्‍वर सैंर मैंसि मन्दिरर्न टिरिमल।

चेला चिब्मैंए केमैं 10:19

पत्रुस ह्रोंसइ म्रोंबै दर्शन तो मुँगे बिसि मैंरिमा पबित्र प्ल्हजी चने बिइ, “ङ्‍ह्‍योद्, म्हि सोंइ क्हि म्हैरिमुँ।

चेला चिब्मैंए केमैं 10:30

झाइले कर्नेलियसइ बिइ, “प्लिरो ओंसों सों ह्राबै त्हेजरे ङ धिंर प्राथना लरिमा फोस्रे ब्योंबै क्वें खिबै म्हि घ्रि ङए उँइँर रासि

चेला चिब्मैंए केमैं 13:3

चमैं बर्त टिसि प्राथना लइ, धै चमैंए फिरि यो थेंसि चमैं कुल्मिंइ।

चेला चिब्मैंए केमैं 13:4

पबित्र प्ल्हजी कुल्मिंबइले चमैं सिलुकिया नाँसर ह्‍याइ, छाइले झाजर क्रेसि साइप्रस बिबै टापुएउँइँ ह्‍याइ।

चेला चिब्मैंए केमैं 14:26

च क्ल्ह्‍योउँइँले चमैं क्यु झाजर क्रेसि सिरिया ह्‍युलर्बै एन्‍टिओखियार एखइ। चर्बै बिश्‍वासीमैंइ ओंसों पावल नेरो बारनाबास परमेश्‍वरए दयाम्हाँयार प्रभुए के लबर कुलल। तोगो च केमैं लल् खाँसि चमैं चर्न एखल।

चेला चिब्मैंए केमैं 20:28

तारे क्हेमैं ह्रोंसै या न्ह क्रों मि क्रोले टिद्, धै पबित्र प्ल्हजी क्हेमैंने जिम्मा पिंबै बगालै या छेनाले ङ्‍ह्‍योद्। प्रभु येशूजी ह्रोंसए को पिंसि परमेश्‍वरए चर्च किंब् ग। छतसि चए छैं छेनाले लद्।

चेला चिब्मैंए केमैं 22:21

छबिमा प्रभुजी ङने ‘ह्‍याद्, तलेबिस्याँ ह्रें-ह्रेंगोर्बै अरू ह्रेंमैं ङाँर ङइ क्हि कुल्मिंब्मुँ,’ बिइ।”

चेला चिब्मैंए केमैं 4:36

च त्हेर साइप्रस ह्‍युलर्बै लेबी कुलार्बै योसेफ मुँल चलाइ कुल्मिंबै चेला चिब्मैंइ बर्णाबास बिसि मिं थेंल। (च मिंए अर्थ अरूए सैं भोंब् लमिंब् ग।)

चेला चिब्मैंए केमैं 6:4

ङि बिस्याँ खोंयोंन् बिलै प्राथना नेरो परमेश्‍वरए ताँ बिमिंबै केर प्रब्मुँ।”

चेला चिब्मैंए केमैं 8:29

पबित्र प्ल्हइ फिलिपने “च रथए ङाँर ह्‍याद्,” बिइ।

चेला चिब्मैंए केमैं 9:15

दिलेया प्रभुजी चने बिइ, “ह्‍याद्, तलेबिस्याँ अरू ह्रेंमैं, म्रुँमैं नेरो इस्राएलर्बै म्हिमैंए उँइँर ङए मिंए बारेर बिमिंबर ङइ त्हाँबै म्हि चन् ग।

रोमी 1:1

येशू ख्रीष्‍टए के लबर त्हाँबै ङ पावलउँइँले क्हेमैं रोम सहरर्बै बिश्‍वासीमैंलाइ जय मसीह मुँ, सैं तोंबै ताँ बिप्रबै ल्हागिर नेरो कुल्मिंबै चेला चिब तबर परमेश्‍वरजी ङ त्‍हाँब् ग।

रोमी 10:15

छलेन खाबज्‍यै बिमिंबै म्‍हिमैं आकुलस्‍याँ चमैंइ खैले बिप्रब? “सैं तोंबै ताँ बिमिंबै म्हिमैंए प्हले कति छ्याँब,” बिसि परमेश्‍वरए छ्वेर प्ह्रिइमुँ।

रोमी 15:16

तलेबिस्याँ परमेश्‍वरजी ङलाइ अरू ह्रेंमैंए ल्हागिर येशू ख्रीष्‍टए सेवा लबै म्‍हि तल् पिंइमुँ। छतसि ख्रो पिंबै खेगिमैंइ परमेश्‍वरजी खोबै भेटि पिंब् धोंले ङइ सैं तोंबै ताँ बिमिंसि अरू ह्रेंमैंलाज्यै परमेश्‍वर ङाँर पमुँ। चमैंलाइ पबित्र प्ल्हजी चोखो लसि चमैं परमेश्‍वरजी खोबै भेटि तइमुँ।

१ कोरिन्थी 12:11

चु ताँन् केमैं पबित्र प्ल्ह घ्रिए केमैंन् ग। खीजी ताँन् म्हिमैंलाइ खीए सैंर मैंब् धोंले स्‍यो-स्‍योबै बरदान पिंम्।

१ कोरिन्थी 7:5

छतसि क्‍हेमैं क्‍ह्रिसि टिबै ल्हागिर घ्रिइ बिब घ्रिइ ङिंल् त्हुम्। दिलेया प्राथना लबै ल्हागिर क्हेमैं सल्‍ला लसि तिस्या स्यो तलेया लिउँइँ क्‍हेमैं बालुन् तल् त्‍हुम्। छ आलस्याँ क्‍हेमैंइ सैं फैल् आखाँबइले दुष्‍टइ मौका योंल् खाँम्।

२ कोरिन्थी 11:27

झाइले गारो केमैं लल् त्‍हुइ, ल्हें खे न्‍हरु च्‍हुइल् आयों, फो ख्रेंन्ले क्यु पिल्‍ले टिल् त्‍हुइ, ल्हें खे चल् आयोंल्‍ले, बास आयोंल्‍ले, क्वें खिल् आयोंल्‍ले टिल् त्‍हुइ।

२ कोरिन्थी 6:5

धोंलै, टिंलै, झेलर च्युलै, हुल त्हुँसि दुःख पिंलै, गारो केमैं लल् त्‍हुलै, न्‍हरु च्‍हुइल् आयोंलै, चल्-थुँल् आयोंलै,

गलाती 1:15

दिलेया परमेश्‍वरजी ह्रोंसए दयाम्हाँयाउँइँले ङ फिब् भन्दा ओंसोंन् खीए म्‍हि तबर ङलाइ त्‍हाँल् खाँल।

एफिसी 3:7

खीए दयाम्हाँयाउँइँले शक्‍तिए बरदान पिंसि परमेश्‍वरजी ङलाइ सैं तोंबै ताँ बिप्रबै म्‍हि लमिंइ।

कलस्सी 4:17

झाइले अर्खिप्पसने ङउँइँले “क्‍हिइ प्रभुए सेवा खैले लल् त्‍हुम् बिसि जिम्‍मा योंइमुँ, च के पूरा लद्,” बिसि बिमिंन्।

१ तिमोथी 2:7

चु ताँमैंए ग्वाइ पिंबर्न परमेश्‍वरजी ङलाइ कुल्मिंबै चेला चिब तबर त्हाँइ। क्ह्रोंसेंन्बै ताँ था सेसि प्रभु येशूलाइ बिश्‍वास लरिगे बिसि अरू ह्रेंमैंलाइ लोमिंबर ङलाइ कुल्मिंइमुँ। ङ स्‍योर आते, चु क्ह्रोंसेंन्बै ताँ ग।

२ तिमोथी 1:11

चु सैं तोंबै ताँ बिप्रबै ल्हागिर्न ङ कुल्मिंबै चेला चिब तसि म्हिमैंलाइ लोमिंबर परमेश्‍वरजी ङलाइ त्हाँइ।

२ तिमोथी 2:2

क्हिइ ल्‍हें म्‍हिए उँइँर ङउँइँले तो ताँमैं थेल, च ताँमैं अरू म्हिमैंलाज्यै या लोमिंल् खाँबै म्हिमैंलाइ लोमिंन्।

२ तिमोथी 4:11

लूका मत्‍त्रे ङने बालु मुँ। क्‍हि चुर खमा मर्कूसलाज्यै या म्है पखो, तलेबिस्याँ चइ प्रभुए के लबर ङलाइ ल्होम्।

२ तिमोथी 4:5

क्‍हि बिस्याँ दुःख तलेया सैं तोंबै ताँमैं बिप्रबै के लब आपिद्। धै खैतबै दुःख तलेया सैदिद्, छले परमेश्‍वरउँइँले खबै सैं तोंबै ताँ बिप्रदै खीए के छेनाले लद्।

हिब्रू 5:4

छतसि खाबज्‍यै या ङ खेगि क्रथे तम् बिसि तल् आखाँ, हारूनलाइ धोंले चलाइ परमेश्‍वरजी खटिदिम्।