चेला चिब्मैंए केमैं 13:13 - परमेश्‍वरए ताँ तमु क्युइर

¹³ पावल नेरो चए थुमैं पाफोसउँइँले क्‍यु झाजर क्रेसि पामफिलिया ह्‍युलर्बै पर्गार फेनेइ। दिलेया मर्कूस बिबै यूहन्‍ना बिस्याँ चमैंने फ्रेसि च क्ल्ह्‍योउँइँले यरूशलेमर एह्‍याइ।

चेला चिब्मैंए केमैं 13:13 ပူးပေါင်းရင်းမြစ်များ

चेला चिब्मैंए केमैं 12:12

चु ताँ था सेसि पत्रुस मर्कूस बिबै यूहन्‍नाए आमा मरियमए धिंर ह्‍याइ। चर ह्‍यामा ल्हें म्हि खागु तसि प्राथना लरिल।

चेला चिब्मैंए केमैं 15:36

दे त्हिंइ लिउँइँ पावलइ बारनाबासने बिइ, “ह्‍याले, ङ्योइ प्रभुए ताँ बिमिंबै सहरजरे ह‍यासि प्रभुए फिर बिश्‍वास लबै अलि-अङाँमैंने त्होले, धै चमैं खै तरिगे बिसि ङ्‍ह्‍योले।”

चेला चिब्मैंए केमैं 15:38

दिलेया पावलइ मर्कूस खेंमैंने बालु बोयाब आतलै ङ्हाँइ, तलेबिस्याँ चइ लल् त्हुबै के पूरा आलल्‍ले ओंसोंन् पामफिलिया ह्‍युलउँइँले चमैंने फ्रेसि एह्‍याल।

चेला चिब्मैंए केमैं 2:10

झाइले फ्रिगिया, पामफिलिया, मिश्र नेरो कुरेनी चेंदोले मुँबै लिबियार्बै ल्हें क्ल्ह्‍योउँइँले खब्मैं नेरो रोम ह्‍युलउँइँले खबै यहूदी नेरो यहूदीमैंने क्ह्रिब्मैं ङ्हिना ङ्हिन् मुँ।

चेला चिब्मैंए केमैं 27:13

च त्हेर ल्हुँउँइँले (दक्षिणउँइँले) खैं च्युगु च्युगु खबर होंमा चमैंइ सैंर मैंब् धोंन् तइ ङ्हाँसि क्यु झाज फैथेंबै अँगुसि तेवासि चमैं क्रेट बिबै टापूए रे-रे ततै ह्‍याबर होंइ।

चेला चिब्मैंए केमैं 27:5

झाइले किलिकिया नेरो पामफिलियाए क्योंजउँइँबै मा ङ्युँइर फेसि ङि लुकिया ह्‍युलर्बै माइरा बिबै सहरर फेखइ।

कलस्सी 4:10

ङने बालु झेलर च्युथेंबै थु अरिस्‍तार्खसइ क्‍हेमैंने जय मसीह बिमिंइमुँ। छलेन बर्णाबासए अलि फेबै मर्कूसज्‍यै या क्‍हेमैंने जय मसीह बिमिंइमुँ। (च मर्कूसए बारेर ङइ क्‍हेमैंलाइ ओंसों ताँ पिंइ: च क्हेमैं ङाँर खइबिस्‍याँ चए मान लद्।)

२ तिमोथी 4:11

लूका मत्‍त्रे ङने बालु मुँ। क्‍हि चुर खमा मर्कूसलाज्यै या म्है पखो, तलेबिस्याँ चइ प्रभुए के लबर ङलाइ ल्होम्।