चेला चिब्मैंए केमैं 13:12 - परमेश्‍वरए ताँ तमु क्युइर

¹² चु ताँ म्रोंसि चर्बै क्रथेइ प्रभुए फिर बिश्‍वास लइ, तलेबिस्याँ प्रभुए बारेर्बै ताँ थेसि च छक्‍कन् तयाइ।

चेला चिब्मैंए केमैं 13:12 ပူးပေါင်းရင်းမြစ်များ

मत्ती 27:54

सयो खब नेरो चर तबै ताँमैं म्रोंसि चर्बै कप्‍तान नेरो चने मुँबै येशूलाइ रुँबै सिपाइमैं बेल्‍ले ङ्हिंसि “चु म्‍हि क्‍ह्रोंसेन परमेश्‍वरए च्‍हन् मुँन,” बिइ।

लूका 4:22

ताँन् म्हिमैंइ “चुम् स्‍वाबै म्हि मुँन!” बिसि खीए छ्याँबै बयन लइ, धै खीजी पोंबै सैं तोंबै छ्याँबै ताँमैं थेसि चमैं ताँन् प्लेटोयाइ। धै “चुम् योसेफए च्‍ह आङिं वा?” बिसि चमैंइ बिइ।

लूका 7:16

छाबै के म्रोंसि ताँन् म्‍हिमैं बेल्‍ले ङ्हिंयाँइ, धै “परमेश्‍वर बेल्‍ले थेब नेरो छ्याँब् मुँन! ङ्योए म्‍हाँजोर थेबै अगमबक्‍ता युइमुँ! खी ह्रोंसए म्‍हिमैं जोगेमिंबर युइमुँ,” बिइ।

यूहन्‍ना 7:46

सिपाइमैंइ बिइ, “चु म्हिइ पोंब् धों तबै छ्याँबै ताँ अरू खाबज्‍यै खोंयोंइ आपोंइँमुँ!”

चेला चिब्मैंए केमैं 13:48

पावलइ बिबै ताँ थेसि अरू ह्रेंमैं सैं तोंइ, धै परमेश्‍वरए ताँ बेल्‍ले छ्याँब मुँ बिसि थेब् लइ, धै खोंयोंन् बिलै आखाँबै छ्ह योंबर परमेश्‍वरजी ओंसों ओंनोंन् त्हाँब्मैंइ येशूए फिर बिश्‍वास लइ।

चेला चिब्मैंए केमैं 13:49

छतमा प्रभुए ताँ ताँन् ह्‍युलजरे थेनेइ।

चेला चिब्मैंए केमैं 13:7

च जादु लबै म्हि साइप्रस टापूर्बै क्रथे सर्गियस पौलुस बिबै म्हिने टिमल। सर्गियस पौलुस बुद्धि मुँबै म्हि मुँल। चइ शाऊल नेरो बारनाबास हुइसि परमेश्‍वरए ताँ थेबै सैं लइ।

चेला चिब्मैंए केमैं 13:8

दिलेया सर्गियस पौलुसइ परमेश्‍वरए ताँ आक्वेंरिगे बिसि एलुमास बिबै जादु लबै म्हिइ शाऊल नेरो बारनाबासए बिरोध लइ। (ग्रिक क्युइर एलुमासए अर्थ जादु लबै म्हि ग।)

चेला चिब्मैंए केमैं 15:35

पावल नेरो बारनाबास बिस्याँ दे त्हिंइ समा एन्टिओखियार टिसि अरू ल्हें म्हिने प्रभुए ताँ बिमिंदै लोमिंदै टिइ।

चेला चिब्मैंए केमैं 15:36

दे त्हिंइ लिउँइँ पावलइ बारनाबासने बिइ, “ह्‍याले, ङ्योइ प्रभुए ताँ बिमिंबै सहरजरे ह‍यासि प्रभुए फिर बिश्‍वास लबै अलि-अङाँमैंने त्होले, धै चमैं खै तरिगे बिसि ङ्‍ह्‍योले।”

चेला चिब्मैंए केमैं 18:12

अखैया बिबै ह्‍युलर गलियोन बिबै म्हि रोमी क्रथे तमा यहूदीमैं ताँन् क्ह्रिसि पावलए बिरोध लइ, धै अदालतर बोइ।

चेला चिब्मैंए केमैं 19:10

ङ्हिंदि समन् चु के तरिइ, छतमा एशिया ह्‍युलर्बै ताँन् म्हिमैं, यहूदी नेरो ग्रिक ङ्हिंना-ङ्हिंनइ, प्रभुए ताँ थेइ।

चेला चिब्मैंए केमैं 19:20

छले प्रभुए ताँ खन्तोंदोंन् फेनेसि बडिदै ह्‍याइ।

चेला चिब्मैंए केमैं 19:38

अदालतमैं चुर्न मुँ, निसाफ लब्मैं या मुँ। छतसि डेमेत्रियस नेरो चने मुँबै बुट्ट प्रिंल् ह्रब्मैंला खाब् मुँले म्हिने आक्ह्रिबै ताँ तोइ मुँस्याँ चमैंइ घ्रिइ घ्रिए बिरोधर मुद्दा नेरिगे।

चेला चिब्मैंए केमैं 19:7

च म्हिमैं च्युसे ङ्हिं दे मुँल।

चेला चिब्मैंए केमैं 28:7

च टापूर्बै क्ह्रों पब्‍लियसए क्ल्ह्‍यो-न्हें च क्ल्ह्‍योए चेंदो मुँल। चइ ङि चए धिंर हुइसि मान लइ। धै सोंरो समा प्‍ह्रें तसि ङि चर्न टिइ।

चेला चिब्मैंए केमैं 6:10

दिलेया पबित्र प्ल्हजी स्तिफनसलाइ बुद्धि पिंबइले चइ पोंबै ताँ चमैंइ थोल् आखाँल।

चेला चिब्मैंए केमैं 8:25

झाइले चमैंइ प्रभुए बारेर ग्वाइ पिंसि प्रभुए ताँ लोमिंल् खाँबै लिउँइँ सामरीमैंए नाँसजरे सैं तोंबै ताँ बिमिंदै चमैं यरूशलेमर एखइ।