चेला चिब्मैंए केमैं 13:1 - परमेश्‍वरए ताँ तमु क्युइर

¹ एन्‍टिओखियार्बै चर्चर अगमबक्‍तामैं नेरो लोमिंबै म्हिमैं मुँल। चमैं बारनाबास बिब, काला बिबै शिमियोन, कुरेनीथें लुकियस, धै हेरोद म्रुँने बालु फारबै मनेन बिब नेरो शाऊलै या मुँल।

चेला चिब्मैंए केमैं 13:1 ပူးပေါင်းရင်းမြစ်များ

मत्ती 27:32

चमैंइ येशूलाइ बोसि घ्‍याँर ह्‍यारिमा सिमोन बिबै कुरेनीथेंने त्‍होइ, चमैंइ चने येशू च्‍योबै क्रूस कर ल्‍हैदिसि नोल् पिंइ।

लूका 3:1

रोम सहरर्बै तिबेरियस बिबै म्‍हिइ च्युसे ङ्‍हदिं समा ग्याल्स लमा पन्‍तियस पिलातस यहूदीया ह्‍युलर्बै क्रथे मुँल। च त्हेर गालील बिबै ह्‍युलर हेरोद म्रुँ मुँल। इतुरिया नेरो त्राखोनितिस बिबै ह्‍युलर हेरोदए अलि फिलिप म्रुँ मुँल। अबिलेने बिबै ह्‍युलर लुसानियास बिबै म्हि म्रुँ मुँल।

चेला चिब्मैंए केमैं 11:30

झाइले चमैंइ छान् लसि रेबै सैमैं बारनाबास नेरो शाऊलए योउँइँले यरूशलेमर्बै एल्डरमैंए ङाँर चमैंइ पिमिंइ।

चेला चिब्मैंए केमैं 12:25

झाइले बारनाबास नेरो शाऊल ह्रोंसइ लल् त्हुबै के खाँसि यरूशलेमउँइँले एह्‍यामा मर्कूस बिबै यूहन्‍ना या चमैंने ह्‍याइ।

चेला चिब्मैंए केमैं 13:9

दिलेया शाऊललाइ पबित्र प्ल्हजी प्लिंसि च ङाँइ ङ्‍ह्‍योबै-ङ्‍ह्‍योबन् लसि एलुमासने बिइ (शाऊललाइ पावलै या बिमुँ):

चेला चिब्मैंए केमैं 15:32

यहूदा नेरो सिलास अगमबक्‍तामैं तबइले चर्बै अलि-अङाँमैंलाइ परमेश्‍वरए ताँउँइँले ल्हें अर्थि बुद्धिए ताँमैं लोमिंसि चमैं प्रभुए फिर बिश्‍वास लबर भोंब् लमिंइ।

चेला चिब्मैंए केमैं 15:35

पावल नेरो बारनाबास बिस्याँ दे त्हिंइ समा एन्टिओखियार टिसि अरू ल्हें म्हिने प्रभुए ताँ बिमिंदै लोमिंदै टिइ।

चेला चिब्मैंए केमैं 19:6

झाइले पावलइ चमैंए फिर यो थेंमा पबित्र प्ल्ह चमैं फिर युइ, धै चमैं स्यो-स्योबै क्युइर पोंब नेरो अगमबाणि लबर होंइ।

चेला चिब्मैंए केमैं 21:9

चला ब्ह्‍या आलबै च्हमि प्लि मुँल। चमैं या अगमबक्‍तामैं मुँल।

चेला चिब्मैंए केमैं 4:36

च त्हेर साइप्रस ह्‍युलर्बै लेबी कुलार्बै योसेफ मुँल चलाइ कुल्मिंबै चेला चिब्मैंइ बर्णाबास बिसि मिं थेंल। (च मिंए अर्थ अरूए सैं भोंब् लमिंब् ग।)

चेला चिब्मैंए केमैं 9:1

शाऊल अझै समा प्रभुए चेलामैंए बिरोध लसि सैबै धम्कि लदै यरूशलेमर्बै ख्रो पिंबै खेगि क्रथे ङाँर ह्‍याइ।

रोमी 16:21

ङने बालु के लबै तिमोथी, धै ङए यहूदी अलिमैं लुकियस, यासोन नेरो सोसिपात्रोज्‍यै या क्‍हेमैंने जय मसीह बिमिंइमुँ।

१ कोरिन्थी 11:4

छतसि प्राथना लमा अथवा अगमबाणि पोंमा ह्रोंसए क्र हुबै मुँयुँइ ह्रोंसए क्र [अथवा ख्रीष्‍टए] मान आल।

१ कोरिन्थी 13:2

छलेन ङइ अगमबाणि पोंबै भों योंलेया, क्होल् आखाँबै ताँमैं क्होल् खाँलेया, तोन्दोंरि सैर ह्रब-सेब तलेया, झाइले कोंमैं स्‍योवाल् खाँबै बिश्‍वास ङने मुँलेया ङइ अरूए फिर म्हाँया आलस्‍याँ ङ तोइ सैरै या केर आफेबै म्हि तम्।

१ कोरिन्थी 13:8

अगमबाणि पोंबै बरदान म्हयाब्‍मुँ, ल्हें खालर्बै क्युइमैं पोंल् ह्रबै बरदान म्हयाब्‍मुँ, परमेश्‍वरए बारेर्बै ताँमैं ह्रब्-सेबै बरदान म्हयाब्‍मुँ, दिलेया म्हाँया बिस्याँ खोंयोंइ म्हरिब् आरे।

१ कोरिन्थी 14:29

अगमबाणि पोंबै म्हि या ङ्हिंदे सोंदेइ मत्‍त्रे पोंरिगे। धै चमैंइ पोंबै ताँ परमेश्‍वरए ताँ ङिंउ उ आङि? बिसि अरूमैंइ छेनाले जाँच लरिगे।

१ कोरिन्थी 14:32

अगमबाणि पोंबै म्‍हिमैंइ ह्रोंसए पोंबै ताँ अधीनर थेंल् त्हुम्।

१ कोरिन्थी 9:6

बर्णाबास नेरो ङइ मत्‍त्रे के लसि ह्रोंसए फो न्हल् त्हुब् रो वा?

गलाती 2:13

छलेन अरू यहूदी बिश्‍वासीमैंज्यै या लल् आतबै केमैं लमल। चमैंइ छ लब् म्रोंसि बारनाबासज्यै या चमैंइ धोंन् लइ।

गलाती 2:9

याकूब, पत्रुस नेरो यूहन्‍ना बिश्‍वासीमैं न्होंर्बै चिब्मैं मुँल। परमेश्‍वरए दयाम्हाँया ङए फिर मुँबइले ङइ छ्याँबै के लइमुँ बिब् चमैंइ क्होसि ङ नेरो बारनाबासलाइ खेंमैंने संगतिर घ्रि तल् पिंइ। छले खेंमैंइ यहूदीमैं न्होंर, ङिइ अरू ह्रेंमैं न्होंर परमेश्‍वरए के लबै ल्हागिर चमैं ङिने सैं क्ह्रिइ।

एफिसी 4:11

खीजी पिंबै बरदानमैं ल्‍हें खालर्बै मुँ। कोइलाइ कुल्मिंबै चेला चिब तबर, कोइलाइ अगमबक्‍तामैं तबर, कोइलाइ सैं तोंबै ताँ बिप्रबर, कोइलाइ खीए म्हिमैंलाइ प्‍ह्रोंछैंमैंइ धोंले छेनाले छैं लबर नेरो कोइलाइ खीए ताँ लोमिंबर खटिदिइ।

फिलिप्पी 4:22

चुर्बै ताँन् बिश्‍वासीमैंइ, खासगरि रोमी म्रुँए दरबारर मुँबै बिश्‍वासीमैंइ, क्‍हेमैंलाइ जय मसीह बिमिंइमुँ।

१ थेसलोनिकी 5:20

अगमबक्‍तामैंइ पोंबै ताँ फाकर्बै आमैंन्,