चेला चिब्मैंए केमैं 12:7 - परमेश्‍वरए ताँ तमु क्युइर

⁷ च त्हेर्न प्रभुए स्‍वर्गदूत घ्रि चर म्रोंयुमा च कोठर व्हे-व्हे तयाइ। स्‍वर्गदूतइ पत्रुस छोरबर कोखर कैसि “युनन् रेद्!” बिमा पत्रुसए योमैंउँइँले सँउँलि प्ल्हयाइ।

चेला चिब्मैंए केमैं 12:7 ပူးပေါင်းရင်းမြစ်များ

भजनमैं 107:14

खीजी मिछु खैबै कालए छरि न्होंउँइँले चमैंलाइ बैरु पखइ, धै खीजी चमैंए फैछोमैं कुदु-कुदु लवाइ।

भजनमैं 116:16

ओ याहवेह, क्ह्रोंसेंन्ले ङ क्हिए केब्छैं ग; ङ क्हिए केब्छैं ग, क्हिए केब्स्योए च्ह। क्हिजी ङ सिबउँइँले जोगेमिंइमुँ।

भजनमैं 146:7

आगुइ क्र ओलै आपिंब्मैंलाइ याहवेहजी ठिक निसाफ लमुँ, खीजी फो ख्रेंब्मैंलाइ चल् पिंमुँ। याहवेहजी कैदिमैं बैरु तेमिंम्,

भजनमैं 34:7

याहवेहलाइ मान लब्मैं ताँनए कारग्युले खीजी खीए स्वर्गदूत रुँबर ल्हैदिम्, धै चमैं जोगेमिंम्।

भजनमैं 68:6

खाबै आरेबै म्हिमैंलाइ खीजी परवा पिंम्; झेलर मुँब्मैंलाइ तेसि सैं तोंल् पिंम्; दिलेया परमेश्‍वरजी बिब् आङिंब्मैं बिस्याँ त्हिंयाँइ ख्रोंबै क्‍ल्‍ह्‍योर टिम्।

मत्ती 2:13

च ङ्‌ह्‍योब् लिब्मैं ह्‍याबै लिउँइँ स्‍वर्गदूत घ्रिइ योसेफने म्‍होंडर बिइ, “रेद्, कोलो नेरो खीए आमा बोसि मिश्र ह्‍युलउँइँ ह्‍याद्। ङइ च ह्‍युलउँइँले आहुइन् समा चर्न टिरिद्, तलेबिस्याँ हेरोदइ चु कोलो सैबर म्है प्रइमुँ।”

लूका 2:9

च त्हेर्न स्‍वर्गदूत घ्रि चमैंए उँइँर रायुमा परमेश्‍वरए चारबै ह्‍वे चमैंए कारग्युले चारइ। छतमा चमैं बेल्‍ले ङ्हिंयाँइ।

लूका 24:4

छतमा चमैं अलमल्‍ल तरिल। च त्‍हेर्न फोस्रे ब्योंबै चारबै क्‍वें खिबै मुँयुँमैं ङ्हिं खेंमैंए रेर रारिब् चमैंइ म्रोंइ।

चेला चिब्मैंए केमैं 10:30

झाइले कर्नेलियसइ बिइ, “प्लिरो ओंसों सों ह्राबै त्हेजरे ङ धिंर प्राथना लरिमा फोस्रे ब्योंबै क्वें खिबै म्हि घ्रि ङए उँइँर रासि

चेला चिब्मैंए केमैं 12:23

दिलेया चइ परमेश्‍वरए मान आलबइले च त्हेर्न प्रभुए स्वर्गदूतइ चम्हिमैंए उँइँरलाइ ल्हिवाइ धै चए ज्युर प्हुँलुँ उजी उजी तसि च म्रुँ सियाइ।

चेला चिब्मैंए केमैं 12:6

हेरोदइ पत्रुस बैरु तेसि म्हिमैंए उँइँर पखल् म्हैबै म्हुँइँसर पत्रुस सँउँलि ङ्हिंइ फैसि सिपाइ ङ्हिंए म्हाँजोर रोरिल। धै अरू सिपाइमैं या झेलए म्राए ओंसों रूँरिल।

चेला चिब्मैंए केमैं 12:8

धै स्‍वर्गदूतजी चने “क्वें खिद्, जुत्ता खिद्!” बिइ। चइ छान् लमा स्‍वर्गदूतइ “ह्रडि कुसि ङए लिलि खो!” बिइ।

चेला चिब्मैंए केमैं 16:26

च त्हेर्न एक्‍कासि थेबै सयो खसि झेलर्बै जगमैं लायाइ। च तोंदोंन् ताँन् म्रामैं थोंयाइ धै झेलर टिबै ताँन् म्हिमैंए फैसोमैं प्ल्हयाइ।

चेला चिब्मैंए केमैं 2:24

सैवालेया परमेश्‍वरजी खी सिबउँइँले धबै सोगों लमिंइ। तलेबिस्याँ खी सिबै सिबन् तल् आखाँमल।

चेला चिब्मैंए केमैं 5:19

दिलेया म्‍हुँइँसर प्रभुए स्वर्गदूत घ्रिइ झेलए म्रामैं थोंमिंइ, धै खीजी चमैंलाइ बैरु तेवासि बिइ,

चेला चिब्मैंए केमैं 9:3

धै च प्ह्रिछ्यामैं किंसि शाऊल प्रदै दमस्कसए चेंदो फेनेमा तिखेर्न स्वर्गउँइँले चारबै ह्‍वे युसि चए खागु चारइ।

एफिसी 5:14

छतसि “ओ न्‍हरु च्हुइरिब्‍मैं रेद्, सियाब्मैंए म्हाँजोउँइँले रेखो! झाइले ख्रीष्‍ट क्‍हिए फिर चारब्‍मुँ,” बिसि म्हिमैंइ बिम्।

हिब्रू 1:14

स्‍वर्गदूतमैं बिब, परमेश्‍वरए सेवा लबै प्ल्हमैं ग। धै परमेश्‍वरजी येशूए फिर बिश्‍वास लसि मुक्‍ति योंब्मैं ल्होबै ल्हागिरै या चमै कुल्‍मिंम्।

दर्शन 18:1

च लिउँइँ ङइ स्‍वर्गउँइँले अर्को स्‍वर्गदूत घ्रि युरिब् म्रोंइ। च स्‍वर्गदूतने थेबै हग मुँल, चए लिर्बै ह्‍वेइ ताँन् ह्‍युल चारयाइ।