चेला चिब्मैंए केमैं 12:4 - परमेश्‍वरए ताँ तमु क्युइर

⁴ हेरोदइ पत्रुस क्हासि झेलर च्युवाइ, धै दुःखने फ्रेबै चाडए लिउँइँ पत्रुसलाइ म्हिमैंए उँइँर पखबै सैं लसि चलाइ रुँबै ल्हागिर सिपाइमैंए टोलि प्लिए जिम्मार पिंइ।

चेला चिब्मैंए केमैं 12:4 ပူးပေါင်းရင်းမြစ်များ

एस्तर 3:13

च प्ह्रिछ्यार तारे खबै च्युसे ङ्हिंर्बै अदार बिबै म्हैनए च्युसे सों त्हिंइर यहूदी ह्रेंर्बै कोलोमैं चिब्मैं, फ्रेंसि छमिमैं, खेब्-माँब्मैं, ताँन् सैवासि चमैंए ताँन् सै न्होर किंवाँन् बिबै ताँमैं च प्ह्रिछ्यार मुँल।

प्रस्थान 12:1

मिश्र ह्‍युलर याहवेहजी मोशा नेरो हारूनने बिइ,

हितोपदेश 19:21

म्हिए खोंर ल्हें चाँजोमैं तम्, दिलेया याहवेहए सैंर मैंबै ताँमैंन् पूरा तब्मुँ।

हितोपदेश 27:1

प्हन्हाँ छ लमुँ छु लमुँ बिसि प्हैंसि आपोंन्, तलेबिस्याँ प्हन्हाँ तो तम् बिब क्हिइ आसे।

मत्ती 24:9

“च त्हेर म्‍हिमैंइ क्‍हेमैं दुःख योंरिगे बिसि क्‍हासि दुष्‍टमैंए योर पिंवाब्मुँ, धै चमैंइ क्‍हेमैं सैवाब्‍मुँ। क्‍हेमैंइ ङए ताँ क्वेंइ बिसि ताँन् म्हिमैंइ क्‍हेमैंलाइ हेल लब्‍मुँ।

मत्ती 26:5

दिलेया चमैंइ बिइ, “चाडए त्हेर क्‍हाब आत। ङ्योइ छ लस्‍याँ म्‍हिमैं खैला-बैला तब्मुँ।”

मर्कूस 14:1

दुःखने फ्रेबै चाड नेरो प्लेढा आझोंबै क्हें चबै त्हिंइ खब ङ्हिरो चैल। ख्रो पिंबै खेगि चिब्मैं नेरो शास्‍त्रिमैंइ खाबज्यै आसेल्‍‍ले येशूलाइ खैले क्हासि सैब् ङ्‍हे बिसि घ्‍याँ म्‍हैरिल।

लूका 21:12

चु ताँन् सैमैं तब् भन्दा ओंसों म्हिमैंइ क्हेमैंलाइ ह्रुगुदिब्‍मुँ। चमैंइ क्‍हेमैं क्हासि च्हों धिंजरे बोसि क्हेमैंए मिंर मुद्दा झोंसि झेलर च्युवाब्‍मुँ। क्हेमैंइ ङए मिं किंबइले म्रुँमैं नेरो क्रथेमैंए उँइँर बोब्‍मुँ।

लूका 22:33

छबिमा सिमोन पत्रुसइ खीने बिइ, “ओ प्रभु, ङ क्‍हिने बालुन् झेलर टिल् त्‍हुलेया, सिल् त्‍हुलेया तयार मुँ।”

यूहन्‍ना 19:23

झाइले सिपाइमैंइ येशू क्रूसर च्योवासि खीए क्वें प्लिसि प्लिबाँ लसि ताँन् सिपाइमैंइ चुइ। धै खीए फिर्बै क्वें या चमैंइ किंइ। च क्वें ताइले माइ समन् आटुल्‍ले योइ रोब् मुँल।

यूहन्‍ना 21:18

“क्ह्रोंसेंन ङ क्हिने बिमुँ, क्हि फ्रेंसि मुँमा ह्रोंसइन ह्रोंसए फगि फैमल, धै खनिर ह्‍यादा ङ्हाँमुँ चर ह्‍यामल। दिलेया क्हि खेब् तमा क्हिइ ह्रोंसए यो स्योंब्मुँ, धै आगुइन क्हिए फगि फैमिंब्मुँ। धै क्हि ह्‍यादा आङ्हाँबै क्ल्ह्‍योर बो‍याब्मुँ।”

चेला चिब्मैंए केमैं 12:3

छलमा यहूदीमैं सैं तोंब् म्रोंसि चइ पत्रुसलाज्यै या क्हाइ। (चु ताँमैं प्लेढा आझोंबै क्हें चबै चाडर तल।)

चेला चिब्मैंए केमैं 12:5

छले पत्रुस झेलर च्युवामा चए ल्हागिर बिश्‍वासीमैंइ बेल्‍ले भों खसि परमेश्‍वरने प्राथना लरिल।

चेला चिब्मैंए केमैं 4:28

छतमा ओंसों ओंनोंन् क्हिए योउँइँले क्हिजी लबै चाँजोमैं च बिरोधीमैंइ पूरा लइ।

चेला चिब्मैंए केमैं 4:3

छतमा चमैंइ पत्रुस नेरो यूहन्‍नालाइ क्हासि प्हँन्हाँग्धों समा झेलर च्युथेंइ तलेबिस्याँ च त्हेर ङेसा तल् खाँल।

चेला चिब्मैंए केमैं 5:18

धै चमैं क्हासि झेलर च्युवाइ।

चेला चिब्मैंए केमैं 8:3

शाऊल बिस्याँ धिं-धिंर होंसि चर्च नास लरिल। चइ मुँयुँमैं नेरो च्हमिरिमैं स्याला म्हालाले चैंबोसि झेलर च्युवामाल।