चेला चिब्मैंए केमैं 12:24 - परमेश्‍वरए ताँ तमु क्युइर

²⁴ दिलेया परमेश्‍वरए ताँ बडिदै खन्‍तोंदोंन् फेनेइ।

चेला चिब्मैंए केमैं 12:24 ပူးပေါင်းရင်းမြစ်များ

हितोपदेश 28:28

दुष्‍ट म्हिमैंइ ग्याल्स लमा म्हिमैं लोयाम्, दिलेया चमैं नास तमा ठिक के लब्मैं बडिम्।

मत्ती 16:18

छतसि ङइ क्‍हिलाइ पत्रुस बिम्। ङए चर्च ङ च पाराए फिर बनेब्‍मुँ, धै नर्गर्बै म्रामैंइ च चर्चए फिर ट्होल् खाँरिब् आरे।

चेला चिब्मैंए केमैं 11:21

प्रभुए आशिक ने शक्‍ति चमैए फिर तबाइले ल्हें ल्हें म्हिइ प्रभु येशूए फिर बिश्‍वास लसि खी ङाँइ सैं एइ।

चेला चिब्मैंए केमैं 19:20

छले प्रभुए ताँ खन्तोंदोंन् फेनेसि बडिदै ह्‍याइ।

चेला चिब्मैंए केमैं 5:39

दिलेया चु के परमेश्‍वरउँइँले तब् ग बिस्याँ क्हेमैंइ चु म्हिमैंने ‘चु के आलद्’ बिल् आखाँ। आस्याँ क्हेमैं या परमेश्‍वरए बिरोधर राब्मैं तब्मुँ।”

चेला चिब्मैंए केमैं 6:7

झाइले परमेश्‍वरए ताँ खन्तोंदोंन् फेनेइ, धै चेलामैं यरूशलेम तिगोंन् प्लिंइ। छतमा ख्रो पिंबै ल्हें खेगिमैंइ येशूए फिर बिश्‍वास लइ।

कलस्सी 1:6

ओंसों क्‍हेमैंइ परमेश्‍वरए दयाम्हाँया खैब मुँन बिसि क्‍होबै त्हिंइ सेरोन् क्‍हेमैंइ च सैं तोंबै ताँ क्ह्रोंसेंन् ग बिसि सेल। च त्हिंइ सेरो च ताँइ लमा क्‍हेमैं न्‍होंरि आशिक योंइमुँ। च ताँ क्‍हेमैंइ थेब् धोंलेन् ताँन् ह्‍युल जरे या थेनेसिन् मुँ धै म्हिमैंइ आशिक योंसिन् मुँ।

२ थेसलोनिकी 3:1

ओ अलि-अङाँमैं, प्रभुउँइँले खबै सैं तोंबै ताँ क्हेमैंए म्हाँजोर तब् धोंले खन्तोंदोंन् बिप्रल् खाँरिगे धै म्हिमैंइ म्हाँदिरिगे बिसि ङिए ल्हागिरै या प्राथना लब्रें लद्।