चेला चिब्मैंए केमैं 12:20 - परमेश्‍वरए ताँ तमु क्युइर

²⁰ हेरोद टुरोसथेंमैं नेरो सिदोनथेंमैने बेल्‍ले ह्रिस खल। चमैंए ह्‍युलर्बै म्हिमैंइ चबै सैए ल्हागिर म्रुँए ह्‍युलने आड किंल् त्हुमल। छतसि चमैं ताँन् खागु तसि म्रुँ ङाँर खइ, धै चमैंइ म्रुँए दरबारर्बै के लब्मैंए चिब बलस्तसने न्हों-न्हों सुँने सुँ क्ह्रिबै ल्हागिरि यो छ्युँ लइ।

चेला चिब्मैंए केमैं 12:20 ပူးပေါင်းရင်းမြစ်များ

उत्पत्ति 10:15

कनानइ ह्रोंसए च्ह थेब सिदोन नेरो हेत योंइ।

उत्पत्ति 10:19

छतसि कनान ह्‍युलए साँदा सिदोनउँइँले न्हुउँइँ (दक्षिणउँइँ) गरार ह्‍याबै घ्याँउँइँ गाजा समा धै सदोम, गमोरा, अदमा नेरो सबोयिम ह्‍याबै घ्याँउँइँ तसि लाशा समा मुँल।

हितोपदेश 17:14

प्होंगि मिब क्वेथेंबै क्युए बाँध फुयाब् धों तब् ग, छतसि प्होंगि तल् म्हैस्याँ च्याँ तयाल् त्हुम्।

हितोपदेश 20:18

सल्‍ला किंसि चाँजो लद्; सल्‍ला मदो आलल्‍ले ल्हडेंर आह्‍याद्।

हितोपदेश 25:8

आतुरले अदालतर आह्‍याद्; तलेबिस्याँ क्हिए ङ्‍हेब्-ट्हुब्मैंइ लिउँइँ फापिन् लइबिस्याँ क्हिइ तो लमुँ?

लूका 16:8

“च बेमान लबै नाइकेइ छले असामिमैंए छे च्युगुदे लमिंइ बिब् सेसि च क्‍ल्‍हेइ नाइके बाठो मुँन बिसि सेइ। तलेबिस्याँ चु ह्‍युलर्बै म्‍हिमैंइ ह्रोंसए थुमैंने के लमा चारबै ह्‍वे योंबै परमेश्‍वरए सन्तानमैं भन्दा बेल्‍ले बाठो तम्।

चेला चिब्मैंए केमैं 12:21

म्रुँइ त्हाँबै त्हिंइर म्रुँमैंइ खिबै क्वें खिसि हेरोद चए राजगद्दिर क्हुँसि चमैंए उँइँर भाषण लइ।

चेला चिब्मैंए केमैं 21:3

छले ह्‍यामा ङि साइप्रस बिबै टापूए चेंदो फेखमा ङिइ च टापूए त्हेब्ब्रेउँइँले सिरिया ह्‍युलउँइँ ह्‍यासि टुरोस सहरर तइ, तलेबिस्याँ क्यु झाजर्बै समनमैं चर खारल् त्हुमल।

चेला चिब्मैंए केमैं 21:7

टुरोसउँइँले मा ङ्युँइए घ्याँ क्हासि ङि टोलेमाइसर फेखइ। चर प्रभुए फिर बिश्‍वास लब्मैंने त्होसि चमैंने बालु तिरो टिइ।