चेला चिब्मैंए केमैं 12:19 - परमेश्‍वरए ताँ तमु क्युइर

¹⁹ हेरोदइ चलाइ म्हैबर हुकुम पिंइ। दिलेया खनरै म्हैसे आयोंमा सिपाइमैंलाइ केर्दिसि चमैंलाइ सैबर ल्हैदिइ। हेरोद बिस्याँ यहूदीयाउँइँले कैसरिया सहरर ह्‍यासि चर्न टिइ।

चेला चिब्मैंए केमैं 12:19 ပူးပေါင်းရင်းမြစ်များ

एस्तर 6:12

झाइले मोर्दकै धबै म्रुँए मुल म्रार एखइ। हामान बिस्याँ सुँ हुदै धिंर ह्‍याइ।

मत्ती 2:1

यहूदीया ह्‍युलर्बै बेथलेहेम बिबै नाँसर हेरोद बिबै म्रुँए पलोरि येशू फिल। येशू फिबै लिउँइँ स्यारर्बै ङ्‌ह्‍योब् लिब्मैं यरूशलेमर फेखइ।

मत्ती 2:13

च ङ्‌ह्‍योब् लिब्मैं ह्‍याबै लिउँइँ स्‍वर्गदूत घ्रिइ योसेफने म्‍होंडर बिइ, “रेद्, कोलो नेरो खीए आमा बोसि मिश्र ह्‍युलउँइँ ह्‍याद्। ङइ च ह्‍युलउँइँले आहुइन् समा चर्न टिरिद्, तलेबिस्याँ हेरोदइ चु कोलो सैबर म्है प्रइमुँ।”

मत्ती 2:16

ङ्‌ह्‍योब् लिब्मैंइ खीने स्योर तेना बिब् सेसि हेरोद बेल्‍ले ह्रिस खइ। चइ मुसारा म्रोंबै त्हे च ङ्‌ह्‍योब् लिब्मैंने ङ्योएसि ओंसोंन् था सेल् खाँल। छतमा चमैंइ बिबै त्हे मैंसि हेरोदइ बेथलेहेम नेरो च खागुबै नाँसजरेबै ङ्हिंदि न्होंर्बै मुँयुँ कोलोमैं ताँन् सैबर ल्‍हैदिइ।

चेला चिब्मैंए केमैं 12:18

मि म्रोंबै लिउँइँ पत्रुसलाइ तो तगे बिसि रुँबै सिपाइमैं न्होंरि बेल्‍ले खैला-बैला लइ।

चेला चिब्मैंए केमैं 12:4

हेरोदइ पत्रुस क्हासि झेलर च्युवाइ, धै दुःखने फ्रेबै चाडए लिउँइँ पत्रुसलाइ म्हिमैंए उँइँर पखबै सैं लसि चलाइ रुँबै ल्हागिर सिपाइमैंए टोलि प्लिए जिम्मार पिंइ।

चेला चिब्मैंए केमैं 12:6

हेरोदइ पत्रुस बैरु तेसि म्हिमैंए उँइँर पखल् म्हैबै म्हुँइँसर पत्रुस सँउँलि ङ्हिंइ फैसि सिपाइ ङ्हिंए म्हाँजोर रोरिल। धै अरू सिपाइमैं या झेलए म्राए ओंसों रूँरिल।

चेला चिब्मैंए केमैं 16:27

झेलर्बै क्रथे न्हरुउँइँले छोरयाइ। धै झेलर्बै म्रामैं थोंयाब् म्रोंइ। च्युथेंब्मैं ताँन् भौदिह्‍यान बिब् मैंसि चइ सेलाँ (तरवार) ट्हुइसि ह्रोंसलाइन सैबर होंइ।

चेला चिब्मैंए केमैं 21:8

प्हँन्हाँग्धों ङि चमैंने फ्रेसि कैसरियार खइ, धै सैं तोंबै ताँ बिदै प्रबै फिलिपए धिंर ह्‍यासि चर्न टिइ। फिलिप यरूशलेमर प्रभुए सेवा लबर त्हाँबै ङिउलो न्‍होंर्बै म्‍हि घ्रि मुँल।

चेला चिब्मैंए केमैं 25:13

दे त्हिंइ लिउँइँ अग्रिपास म्रुँ नेरो चए अङाँ बरनिकि बिब फेस्तसने त्होबर कैसरियार खइ।

चेला चिब्मैंए केमैं 27:42

च त्हेर कैदिमैं क्युर क्योवालसि न्हेह्‍याम् उ बिब् मैंसि सिपाइमैंइ चमैं सैबै सैं लइ।

चेला चिब्मैंए केमैं 8:40

दिलेया फिलिप अश्दोद बिबै क्ल्ह्‍योर म्रोंखइ, धै कैसरिया आफेन् समन् ताँन् नाँसजरे सैं तोंबै ताँ बिमिंदै प्रइ।