चेला चिब्मैंए केमैं 11:21 - परमेश्‍वरए ताँ तमु क्युइर

²¹ प्रभुए आशिक ने शक्‍ति चमैए फिर तबाइले ल्हें ल्हें म्हिइ प्रभु येशूए फिर बिश्‍वास लसि खी ङाँइ सैं एइ।

चेला चिब्मैंए केमैं 11:21 ပူးပေါင်းရင်းမြစ်များ

लूका 1:66

च ताँ थेब्मैं ताँनइ “चु कोलो लिउँइँ खैब तब् ङ्‍हे?” बिसि ह्रोंसए सैंर मैंइ। तलेबिस्याँ परमेश्‍वरए शक्‍ति चए फिर मुँल।

चेला चिब्मैंए केमैं 11:24

तलेबिस्याँ बारनाबास पबित्र प्ल्हजी प्लिंब नेरो प्रभुए फिर बेल्‍ले थेबै बिश्‍वास लबै छ्याँबै म्हि मुँल। छतमा ल्हें म्हिइ प्रभुए फिर बिश्‍वास लइ।

चेला चिब्मैंए केमैं 15:19

“छतसि परमेश्‍वरउँइँ सैं एबै अरू ह्रेंमैंलाइ ङ्योइ दुःख आपिंले बिब ङए सैं मुँ,

चेला चिब्मैंए केमैं 2:47

झाइले परमेश्‍‍वरए मिं क्वेदै, ताँन् म्हिमैंउँइँले मान योंमल। धै प्रभुजी त्हिंइ ह्रोंसे जोगेमिंबै म्‍हिमैं चमैंए फिर थप्‍दिमिंब्रें लमल।

चेला चिब्मैंए केमैं 4:4

दिलेया चमैंए ताँ थेब्मैंए न्होंर ल्हें म्हिइ येशूए फिर बिश्‍वास लइ। खीए फिर बिश्‍वास लब्मैं योदा-अयोदा हजार ङ्‍हदे तल।

चेला चिब्मैंए केमैं 5:14

छतमा प्रभुए फिर बिश्‍वास लबै मुँयुँमैं नेरो च्हमिरिमैं झन् ल्हें तबर होंइ।

चेला चिब्मैंए केमैं 6:7

झाइले परमेश्‍वरए ताँ खन्तोंदोंन् फेनेइ, धै चेलामैं यरूशलेम तिगोंन् प्लिंइ। छतमा ख्रो पिंबै ल्हें खेगिमैंइ येशूए फिर बिश्‍वास लइ।

चेला चिब्मैंए केमैं 9:35

च छले सब् म्रोंसि लुड्डा नाँस नेरो शारोन बिबै ह्‍युलर टिबै ताँन् म्‍हिमैं प्रभुउँइँ सैं एइ।

१ थेसलोनिकी 1:5

तलेबिस्याँ ङिइ क्हेमैंने सैं तोंबै ताँ ओंसोंन् बिमिंमा ङिए सुँइ मत्‍त्रे पोंब आङिं, परमेश्‍वरए पबित्र प्ल्ह नेरो भोंउँइँले बिब् ग। चु ताँ क्ह्रोंसेंन् ग बिब सैं न्‍होंर था सेसि ङि क्‍हेमैं ङाँर युइ। क्‍हेमैंए म्‍हाँजोर टिमा क्‍हेमैंए ल्हागिर्न ङिइ खैले त्हिंइ थोल बिसि क्‍हेमैंज्यै सेइमुँ।