चेला चिब्मैंए केमैं 11:19 - परमेश्‍वरए ताँ तमु क्युइर

¹⁹ स्‍तिफनस सैवाबै लिउँइँ प्रभुए फिर बिश्‍वास लब्मैंलाइ ल्हाबइले ताँन् भौदियाइ। दिलेया को-कोइ फोनिके, साइप्रस नेरो एन्‍टिओखिया बिबै ह्‍युलमैं समा फेनेसि अरू ह्रेंमैंने आबिल्‍ले यहूदीमैंने मत्‍त्रे परमेश्‍वरए ताँ बिप्रइ।

चेला चिब्मैंए केमैं 11:19 ပူးပေါင်းရင်းမြစ်များ

मत्ती 10:6

“बरु इस्राएलीमैं ङाँर ह्‍याद्। चमैं म्‍हयाबै क्‍यु धों तब्‍मैं ग।

यूहन्‍ना 7:35

छबिमा यहूदीमैंइ खें-खेंमैंए न्होंरि बिइ, “चु म्हि खनिर ह्‍याल् म्हैगे? ङ्योइ खी स्याल् आखाँ बिब? चु ह्रोंसए ह्‍युल पिसि खन्तोंदोंन् प्हुँइ टिबै यहूदीमैं ङाँर ह्‍यासि ग्रिकमैंलाइ लोमिंल् ङ्हाँइँमुँ उ तो जा?

चेला चिब्मैंए केमैं 11:20

दिलेया चमैंए न्होंरि को-कोइ साइप्रस नेरो कुरेनीर्बै म्हिमैं मुँल। चमैंइ एन्‍टिओखियार खसि अरू ह्रेंर्बै ग्रिकमैंने या प्रभु येशूउँइँले खबै सैं तोंबै ताँ बिमिंइ।

चेला चिब्मैंए केमैं 11:22

चु ताँ यरूशलेमर्बै बिश्‍वासीमैंइ थेइ। छतसि चमैंइ बारनाबास एन्‍टिओखियार कुल्मिंइ।

चेला चिब्मैंए केमैं 13:1

एन्‍टिओखियार्बै चर्चर अगमबक्‍तामैं नेरो लोमिंबै म्हिमैं मुँल। चमैं बारनाबास बिब, काला बिबै शिमियोन, कुरेनीथें लुकियस, धै हेरोद म्रुँने बालु फारबै मनेन बिब नेरो शाऊलै या मुँल।

चेला चिब्मैंए केमैं 13:4

पबित्र प्ल्हजी कुल्मिंबइले चमैं सिलुकिया नाँसर ह्‍याइ, छाइले झाजर क्रेसि साइप्रस बिबै टापुएउँइँ ह्‍याइ।

चेला चिब्मैंए केमैं 13:46

छान् तलेया पावल नेरो बारनाबासइ आङ्हिंन्ले बिइ, “परमेश्‍वरए ताँ धाँसे ओंसों क्हेमैं यहूदीमैंनेन् बिल् त्हुमल। दिलेया क्हेमैंइ चु ताँ थेल् आङिंसि खोंयोंन् बिलै आखाँबै छ्ह योंदा आङ्हाँमा तारे ङि अरू ह्रेंमैं ङाँर ह्‍याम्।

चेला चिब्मैंए केमैं 14:26

च क्ल्ह्‍योउँइँले चमैं क्यु झाजर क्रेसि सिरिया ह्‍युलर्बै एन्‍टिओखियार एखइ। चर्बै बिश्‍वासीमैंइ ओंसों पावल नेरो बारनाबास परमेश्‍वरए दयाम्हाँयार प्रभुए के लबर कुलल। तोगो च केमैं लल् खाँसि चमैं चर्न एखल।

चेला चिब्मैंए केमैं 15:22

च लिउँइँ कुल्मिंबै चेला चिब्मैं, एल्डरमैं नेरो ताँन् चर्चर्बै म्हिमैं क्ह्रिसि खेंमैंए न्होंउँइँले को-कोइ म्हिमैं त्हाँसि पावल नेरो बारनाबासने एन्‍टिओखियार कुलल् त्हुइ बिसि मैंइ, च म्हिमैं न्होंरि यहूदा बिबै बारसाबास नेरो सिलास त्हाँइ। प्रभुए फिर बिश्‍वास लब्मैं न्होंरि चमैं ङ्हिं अगुवामैं मुँल।

चेला चिब्मैंए केमैं 15:3

छतमा चर्चर्बै म्हिमैंइ चमैं छाइले बिदा लसि कुल्मिंइ। चमैं फोनिके नेरो सामरिया ह्‍युल तसि ह्‍यामा अरू ह्रेंमैंज्यै या येशूए फिर बिश्‍वास लबै ताँ चमैंने छेनाले बिमिंइ। चु ताँ थेसि चर्बै ताँन् अलि-अङाँमैं बेल्‍ले सैं तोंइ।

चेला चिब्मैंए केमैं 15:30

च लिउँइँ चमैं ह्‍यासि एन्‍टिओखियार फेनेइ, धै चर्बै चर्चर्बै म्हिमैं खागु लसि च प्ह्रिछ्या पिंइ।

चेला चिब्मैंए केमैं 15:35

पावल नेरो बारनाबास बिस्याँ दे त्हिंइ समा एन्टिओखियार टिसि अरू ल्हें म्हिने प्रभुए ताँ बिमिंदै लोमिंदै टिइ।

चेला चिब्मैंए केमैं 15:39

च ताँइ लमा चमैं न्होंरि सैं ख्रेलेयासि चमैं फ्रेयाइ। धै बारनाबास मर्कूस किंसि मा ङ्युँइए क्याँ ततै साइप्रस बिबै टापूर ह्‍याइ।

चेला चिब्मैंए केमैं 18:22

झाइले च कैसरिया फेनेसि यरूशलेमउँइँ कैंडो क्रेयासि चर्बै बिश्‍वासीमैंने त्होसि एन्‍टिओखियाउँइँ तइ।

चेला चिब्मैंए केमैं 21:16

ङिने बालु कैसरियार्बै को-कोइ चेलामैं या ह्‍याल। चमैंइ ङिलाइ मनासोन बिबै साइप्रसथेंए धिंर बोइ। च ओंसोंन प्रभुए फिर बिश्‍वास लबै म्हि मुँल। चए ङाँर्न ङि टिइ।

चेला चिब्मैंए केमैं 21:2

झाइले फोनिके ह्‍युलर ह्‍याबै क्यु झाज घ्रि स्यासि ङि चर क्रेसि ह्‍याइ।

चेला चिब्मैंए केमैं 3:26

क्हेमैंलाइ ह्रोंसए आछ्याँबै केमैंउँइँले एपखसि आशिक पिंबै ल्हागिर परमेश्‍वरजी ह्रोंसए सेवा लबै म्हि त्हाँसि ताँन् भन्दा ओंसों क्हेमैं इस्राएलीमैं ङाँर कुल्मिंइ।”

चेला चिब्मैंए केमैं 4:36

च त्हेर साइप्रस ह्‍युलर्बै लेबी कुलार्बै योसेफ मुँल चलाइ कुल्मिंबै चेला चिब्मैंइ बर्णाबास बिसि मिं थेंल। (च मिंए अर्थ अरूए सैं भोंब् लमिंब् ग।)

चेला चिब्मैंए केमैं 6:5

चु ताँ थेसि चर खागु तब्मैं ताँनइ छ्याँब ङ्हाँइ झाइले चमैंइ पबित्र प्ल्हजी प्लिंब नेरो ताँनइ म्हाँदिबै, स्तिफनस, फिलिप, प्रखरस, निकनोर, तिमोन, पर्मिनास नेरो एन्‍टिओखियार्बै येहूदिमैंने क्ह्रिबै निकोलाउस त्हाँइ।

गलाती 2:11

दिलेया पत्रुस एन्‍टिओखियार खमा ङइ ताँनए उँइँर चए दोषमैं उँइँमिंइ, तलेबिस्याँ चइ गल्‍ति लल।