चेला चिब्मैंए केमैं 11:14 - परमेश्‍वरए ताँ तमु क्युइर

¹⁴ चइ क्हिने परमेश्‍वरए ताँ बिमिंब्मुँ, धै च ताँउँइँले क्हि नेरो क्हिए ताँन् परवामैं जोगेब्मुँ,’ बिइ।

चेला चिब्मैंए केमैं 11:14 ပူးပေါင်းရင်းမြစ်များ

उत्पत्ति 17:7

“क्हि नेरो क्हिए सन्तानए परमेश्‍वर तबर, धै क्हिए लिउँइँ खबै सन्तानमैंने ङए बाछा खोंयोंइ बिलै तरिबै ल्हागिर फैब्मुँ।

उत्पत्ति 18:19

तलेबिस्याँ चइ ह्रोंसए च्ह-च्हमिमैं नेरो परवामैं ‘छेनाले लोदा-सैंदा लसि याहवेहजी बिब् धोंले प्रबर ल्हैदिरिगे’ बिसि ङइ च त्हाँइमुँ। चमैंइ छ लस्याँ याहवेहजी अब्राहामने फैबै बाछा पूरा लमिंब्मुँ।”

भजनमैं 103:17

दिलेया खीए मान लब्मैं खीजी खोंयोंन् बिलै म्हाँया लरिम्। धै चमैंए च्ह-क्वेंमैं,

भजनमैं 112:2

चए सन्तान ह्‍युलर बेल्‍ले भोंब तब्मुँ; ठिक के लबै म्हिए सन्तानइ आशिक योंब्मुँ।

हितोपदेश 20:7

ठिक के लबै म्हि छेनाले छ्ह थोम्, धै चए च्ह-च्हमिमैंइ आशिक योंम्।

मर्कूस 16:16

ङए फिर बिश्‍वास लसि बप्‍तिस्‍मा किंब्मैंइ मुक्‍ति योंब्‍मुँ, दिलेया बिश्‍वास आलब्‍मैं परमेश्‍वरए उँइँर छ्याब् मुँबन् ठर्दिब्‍मुँ।

लूका 19:10

तलेबिस्याँ म्हिए च्ह छलेन् घ्याँ आसेसि म्हप्ररिब्मैंलाइ म्हैबर नेरो जोगेमिंबर युब् ग।”

यूहन्‍ना 12:50

खीजी ल्हैदिबै ताँउँइँले म्हिमैंइ खोंयोंइ आखाँबै छ्ह योंम् बिसि ङइ सेइमुँ। छतसि आबाजी ल्हैदिब् धोंलेन् ङइ पोंम्।”

यूहन्‍ना 20:31

दिलेया “येशू परमेश्‍वरए च्ह नेरो खीजी कुल्‍मिंबै म्रुँ ख्रीष्‍ट ग,” बिब क्हेमैंइ क्वेंरिगे धै खीए फिर बिश्‍वास लबइले क्हेमैंइ खोंयोंइ आखाँबै छ्ह योंरिगे बिसि ङइ चु ताँमैं प्ह्रिइमुँ।

यूहन्‍ना 4:53

येशूजी च कर्मचारिने “क्‍हिए च्‍ह सोब्‍मुँ,” बिबै त्हे ओंनोंन् सयान बिब कर्मचारिइ था सेइ। छतमा च नेरो चए ताँन् परवाइ येशूए फिर बिश्‍वास लइ।

यूहन्‍ना 6:63

दिलेया परमेश्‍वरए प्ल्हजी मत्‍त्रे छ्ह पिंमुँ, छाबै के म्हिमैंए भोंइ लल् आखाँ। ङइ क्हेमैंने बिरिबै ताँमैं परमेश्‍वरए प्ल्हउँइँले योंबै खोंयोंइ आखाँबै छ्हर्बै ताँ ग।

यूहन्‍ना 6:68

सिमोन पत्रुसइ बिइ, “ओ प्रभु, क्हिनेन् खोंयोंइ आखाँबै छ्ह पिंबै ताँमैं मुँ। ङि खाबै ङाँर ह्‍याब?

चेला चिब्मैंए केमैं 10:2

चइ परमेश्‍वर म्हाँदिमल, धै च नेरो चए परवा ताँनइ परमेश्‍वरजी बिब ङिंमल। चइ थेबै सैंइ म्हिमैंए खाँचोमैं टार्दिमिंसि परमेश्‍वरने खोंयोंन् बिलै प्राथना लरिमल।

चेला चिब्मैंए केमैं 10:22

चमैंइ बिइ, “कप्‍तान कर्नेलियसइ ङि चुर कुलब् ग। च छ्याँब सैं प्ह्‍याब नेरो परमेश्‍वर म्हाँदिबै म्हि मुँ, धै ताँन् यहूदी ह्रेंमैंउँइँले मान योंबै म्हि ग। चए धिंर क्हि हुइसि क्हिउँइँले ताँ थेद् बिसि पबित्र स्वर्गदूत घ्रिइ चने बिइमुँ।”

चेला चिब्मैंए केमैं 10:43

स्योंम्बै अगमबक्‍तामैंइ ‘खीए फिर बिश्‍वास लब्मैं ताँनइ खीए मिंउँइँले पाप क्षमा योंम्,’ बिसि खीए ग्वाइ पिंइँमुँ।”

चेला चिब्मैंए केमैं 10:6

च ट्हिबिए के लबै सिमोन ङाँर टिइमुँ। चए धिं मा ङ्युँइए छेउर मुँ।”

चेला चिब्मैंए केमैं 11:13

धै कर्नेलियसइ ङिने बिइ, ‘स्वर्गदूत घ्रि ङए धिंर रायुसि, योप्पार म्हिमैं कुलसि पत्रुस बिबै म्हि हुइ पउ।

चेला चिब्मैंए केमैं 16:15

झाइले च नेरो चए धिंर्बै ताँनइ बप्‍तिस्मा किंइ। च लिउँइँ चइ ङिने यो छ्युँ लसि बिइ, “क्हेमैंइ ङ क्ह्रोंसेंन प्रभुए फिर बिश्‍वास लबै अङाँ बिसि मैंम् बिस्याँ ङए धिंर खसि टिमिंन् ओ।” छ बिसि ङिने कर ल्हैदिइ।

चेला चिब्मैंए केमैं 18:8

च्हों धिंर्बै चिब क्रिस्‍पस नेरो चए ताँन् परवाइ प्रभुए फिर बिश्‍वास लइ, धै कोरिन्‍थिमैं न्होंरै या ल्हें म्हिइ पावलए ताँ थेइरि बिश्‍वास लसि बप्‍तिस्मा किंइ।

चेला चिब्मैंए केमैं 2:39

परमेश्‍वरजी ‘पबित्र प्ल्ह पिंब्मुँ’ बिसि फैबै बाछा क्हेमैंए ल्हागिरि, क्हेमैंए सन्तानए ल्हागिरि, नेरो अरू ह्रें-ह्रेंगो मुँबै अरू ह्रेंर्बै म्हिमैंए ल्हागिरि ग। ङ्योए प्रभु परमेश्‍वरजी हुइब्मैं ताँनए ल्हागिर च बाछा फैइमुँ।”

१ कोरिन्थी 1:16

(ओं, ङइ स्‍तिफनसए परवालाज्यै या बप्‍तिस्‍मा पिंल। चु म्हिमैं बाहेक अरू खाबलाज्यै या ङइ बप्‍तिस्मा पिंइ उ आपिं बिसि ङलाइ था आरे।)