चेला चिब्मैंए केमैं 10:35 - परमेश्‍वरए ताँ तमु क्युइर

³⁵ ताँन् म्हिमैं खाब ह्रेंर्बै मुँलेया परमेश्‍वरने ङ्हिंसि छ्याँबै के लमुँ च म्हिमैंलाइ खीजी खोमुँ।

चेला चिब्मैंए केमैं 10:35 ပူးပေါင်းရင်းမြစ်များ

भजनमैं 111:10

याहवेहलाइ मान लब बुद्धि योंबै घ्याँ ग; खीजी बिबै ताँ ङिंब्मैंइ छेनाले च्हैंब् मैंब् लल् खाँम्। खीए मिं खोंयोंन् बिलै थेब् तरिम्!

भजनमैं 19:9

खीलाइ मान लद् बिबै ताँ छ्याँब मुँ, धै खोंयोंन् बिलै तरिब्मुँ। याहवेहए ठिमर्बै ताँमैं क्ह्रोंसेंन्बै मुँ, चु ताँमैं ठिक मुँ।

भजनमैं 85:9

क्ह्रोंसेन्ले खीलाइ मान लब्मैंलाइ खीजी खैतबै त्हेरै या जोगेमिंब्मुँ; छतसि ङ्योए ह्‍युलर खी मुँ बिसि ङ्योइ था सेल् खाँम्।

हितोपदेश 1:7

बुद्धि योंबै ल्हागिर म्हिमैंइ याहवेहलाइ म्हाँदिल् त्हुम्; दिलेया आमादुइ छ्ह खैलेन् थोलेन् तम् बिमुँ, धै ज्ञान बुद्धिए ताँमैं थेल् आङिं।

हितोपदेश 16:6

भर पर्दिल्‍ले छ्ह थोद्, धै परमेश्‍वरजी क्हिए पाप क्षमा लब्मुँ, धै याहवेहजी बिब् ङिंस्याँ क्हिला तोइ न्होंह्रो आत।

हितोपदेश 2:5

क्हिइ याहवेहने खैले ङ्हिंल त्हुमुँ बिबै ताँमैं छेनाले क्होब्मुँ, धै परमेश्‍वरए ज्ञान योंब्मुँ।

हितोपदेश 3:7

क्हि ह्रोंसन् ह्रब्-सेब् आप्हैंन्; याहवेहलाइ म्हाँदिद्, आछ्याँबै केमैं पिवाद्।

लूका 1:28

गब्रिएल स्वर्गदूत च ङाँर युसि बिइ, “ओ नानि, च्हमिरिमैं न्होंर क्हि बेल्‍ले ङ्‍हो सब् मुँन। तलेबिस्याँ परमेश्‍वर क्‍हिने बालु मुँ, छतसि खीजी क्‍हिए फिर आशिक पिंइमुँ।”

चेला चिब्मैंए केमैं 10:2

चइ परमेश्‍वर म्हाँदिमल, धै च नेरो चए परवा ताँनइ परमेश्‍वरजी बिब ङिंमल। चइ थेबै सैंइ म्हिमैंए खाँचोमैं टार्दिमिंसि परमेश्‍वरने खोंयोंन् बिलै प्राथना लरिमल।

चेला चिब्मैंए केमैं 10:28

छतमा पत्रुसइ चमैंने बिइ, “यहूदीए ल्हागिर अरू ह्रेंमैंने त्होसि प्रब-टिब् लब बेल्‍ले आछ्याँबै ताँ ग बिसि क्हेमैंइ सेइमुँ। दिलेया ‘म्हिमैं खाबै या चोखो आरे आङ्हाँन्,’ बिसि परमेश्‍वरजी ङने उँइँमिंइँमुँ।

चेला चिब्मैंए केमैं 15:9

खीजी यहूदी नेरो अरू ह्रेंर्बै म्हिमैंए न्होंरि तोइ सैरै या आफेल। चमैंइ येशूए फिर बिश्‍वास लबइले परमेश्‍वरजी चमैंए आछ्याँबै के क्षमा पिंसि चमैंए सैं या शुद्ध लमिंइ।

चेला चिब्मैंए केमैं 9:31

छले यहूदीया, गालील नेरो सामरियार्बै चर्चर शान्ति तइ धै चर्च भोंब् तइ। चमैंइ प्रभुलाइ म्हाँदिदै प्रमा पबित्र प्ल्हजी चमैंए सैंर भों पिंइ। छतमा प्रभुए फिर बिश्‍वास लब्मैं ल्हें ततै ह्‍याइ।

रोमी 2:13

तलेबिस्याँ ठिमर प्ह्रिबै ताँमैं थेइरि मत्‍त्रे परमेश्‍वरए उँइँरि ठिक आठर्दि, चर प्ह्रिब् धोंले प्रब्मैं मत्‍त्रे परमेश्‍वरए उँइँर ठिक ठर्दिम्।

रोमी 2:14

मोशाने पिंबै ठिम आरेबै म्‍हिमैं ठिमर प्ह्रिब् धोंलेन् प्रम् बिस्याँ चमैंने ठिम आरेलैया ठिमर बिब् धोंले प्रबइले चमैं ह्रोंसए ल्हागिर ह्रोंसन् ठिम तम्।

रोमी 3:22

छतमा येशू ख्रीष्‍टए फिर बिश्‍वास लब्मैं ताँनलाइ परमेश्‍वरजी ठिक ठर्दिम्। यहूदी नेरो अरू ह्रेंमैं खाबलाज्यै या खीजी आफेल।

१ कोरिन्थी 12:13

ङ्यो यहूदी मुँलेया, अरू ह्रेंमैं मुँलेया, आगुए न्होंर के लब्मैं मुँलेया, खाब् मुँलेया ङ्योइ पबित्र प्ल्ह घ्रिउँइँलेन् ज्यु घ्रिर्न बप्‍तिस्‍मा किंइमुँ। छतसि पबित्र प्ल्ह घ्रिउँइँलेन् ङ्यो ताँनइ तोन्दोंरि सै योंइमुँ।

२ कोरिन्थी 7:1

ओ ङइ खोबै अलि-अङाँमैं, चु ताँन् बाछामैं ङ्योए ल्हागिर्न ग। छतसि ङ्योए ज्यु नेरो सैं पापर च्होवाबै सैमैंउँइँले ङ्यो स्‍यो तले। झाइले ङ्यो परमेश्‍वरने ङ्हिंसि खीए उँइँर ज्युर सैंर छ्याँब् ततै ह्‍याले।

गलाती 3:28

छतसि ङ्यो न्होंर खाबै या तोइ सैरैया फरक आरे - यहूदीमैं मुँलेया, अरू ह्रेंमैं मुँलेया, केब्छैं ङिंलेया केब्छैं आङिंलेया, मुँयुँ मुँलेया च्हमिरि मुँलेया, तोइ फरक आरे। तलेबिस्याँ क्‍हेमैं ख्रीष्‍ट येशूने घ्रिन् तसि ताँन् घ्रिन् तइमुँ।

एफिसी 1:6

ङ्योइ च्हौ थेबै दयाम्हाँया योंबइले परमेश्‍वरएलाइ धन्यबाद पिंसि खीए मिं बेल्‍ले थेब् लले। खीजी ङ्योलाइ खीए खोबै च्‍हने घ्रिन् लमिंसि आशिकमैं छलेन् पिंइमुँ।

एफिसी 5:21

ख्रीष्‍टलाइ म्हाँदिबइले क्‍हेमैं ताँन् घ्रि घ्रिए न्होंर टिल् त्‍हुम्।

फिलिप्पी 3:3

ङ्योम् ज्युर चिनु लबै केर भर लब्मैं आङिं! ङ्योम् छ्याँबै सैंइ खों न्होंउँइँलेन् परमेश्‍वरलाइ म्हाँदिब्मैं ग, तलेबिस्याँ ङ्योइ परमेश्‍वरए पबित्र प्ल्हउँइँलेन् खीलाइ म्हाँदिइमुँ। धै ख्रीष्‍ट येशूजी लबै केर ङ्योइ प्हैंल् खाँम्।

कलस्सी 1:6

ओंसों क्‍हेमैंइ परमेश्‍वरए दयाम्हाँया खैब मुँन बिसि क्‍होबै त्हिंइ सेरोन् क्‍हेमैंइ च सैं तोंबै ताँ क्ह्रोंसेंन् ग बिसि सेल। च त्हिंइ सेरो च ताँइ लमा क्‍हेमैं न्‍होंरि आशिक योंइमुँ। च ताँ क्‍हेमैंइ थेब् धोंलेन् ताँन् ह्‍युल जरे या थेनेसिन् मुँ धै म्हिमैंइ आशिक योंसिन् मुँ।

कलस्सी 3:11

छतसि ताँन् म्‍हिमैं घ्रिन् तइमुँ। यहूदीमैं मुँलेया, अरू ह्रेंमैं मुँलेया, ज्युर चिनु ललेया आललेया, आखेब्‍मैं, तोइ आह्रब्मैं मुँलेया, केब्छैंमैं ङिंलेया आङिंलेया, तो मुँलेया, च ताँन् परमेश्‍वरए उँइँर तोइ फरक आरे। ङ्योलाइ चैदिबै सै ख्रीष्‍ट मत्‍त्रे ग, धै ताँन् म्‍हिए सैं न्‍होंर ख्रीष्‍ट टिम्।

१ यूहन्‍ना 2:29

ख्रीष्‍टजी ठिक के मत्‍त्रे लम् बिब क्‍हेमैंइ सेइमुँ। छतसि ठिक के लब्मैं ताँन् परमेश्‍वरए प्‍हसेमैं ग बिसि क्‍हेमैंज्यै या सेइमुँ।