चेला चिब्मैंए केमैं 1:7 - परमेश्‍वरए ताँ तमु क्युइर

⁷ खीजी चमैंने बिइ, “परमेश्‍वर आबाजी ह्रोंसए हगउँइँले तोक्‍दिबै त्हे खीजीन् सेमुँ, क्‍हेमैंइ सेल् आत्‍हु।

चेला चिब्मैंए केमैं 1:7 ပူးပေါင်းရင်းမြစ်များ

मत्ती 20:23

छबिमा येशूजी चमैंने बिइ, “ङइ नोब् धों तबै दुःख क्‍हेमैंज्यै या नोब्मुँ। दिलेया ङए क्‍योलो नेरो त्हेब्रेउँइँ टिल् पिंबै ताँ ङए योर आरे। च क्ल्ह्‍योमैं ङए आबाजी ओंसोंन् खाब्मैंए ल्हागिर तयार लथेंइमुँ चमैंए ल्हागिर्न ग।”

मत्ती 24:36

“च दुःख तबै त्हिंइ नेरो त्हे खोंयों तब्‍मुँ बिसि खाबज्यै था आसे। स्‍वर्गर मुँबै स्‍वर्गदूतमैंज्यै आसे, परमेश्‍वरए च्‍हज्यै या आसे। च ताँ परमेश्‍वर आबाजी मत्‍त्रे सेइमुँ।

मर्कूस 10:40

दिलेया ङए क्‍योलोउँइँ नेरो त्हेब्रेउँइँ खाब् टिल् योंम्, च ङइ बिसि आत, परमेश्‍वरजी खाबए ल्हागिर तयार लथेंइमुँ चमैंन योंम्।”

मर्कूस 13:32

“ह्‍‍युल नास तबै त्हे नेरो त्हिंइ आबाइ मत्‍त्रे सेइमुँ। स्‍वर्गर टिबै स्‍वर्गदूतमैंज्यै आसे, परमेश्‍वरए च्‍हज्यै या आसे।

लूका 21:24

शत्तुरमैंइ चमैं को-कोइ सेलाँइ (तरवारइ) सैवाब्‍मुँ, कोइ फैसि ह्‍युल ह्‍युलर बोब्‍मुँ। परमेश्‍वरजी चमैंने तोक्‍दिबै त्‍हे आतन् समा अरू ह्रेंर्बै म्हिमैंइ यरूशलेम खेंमैंए अधीनर थेंब्मुँ।”

चेला चिब्मैंए केमैं 17:26

खीजी म्‍हि घ्रिउँइँले ल्हें ह्रेंमैं बनेसि पृथ्बी तिगोंन् टिल् पिंइ। धै म्हिमैं चु पृथ्‍बीर सोबै त्हे निबै टिबै क्ल्ह्‍योए साँदमैं या ओंसों ओंनोंन् तोक्दिमिंइमुँ।

एफिसी 1:10

च चाँजो तो जा बिस्‍याँ: खीजी तौदिबै त्हेर स्‍वर्ग नेरो पृथ्‍बीर मुँबै तोन्दोंरि सैमैं खागु लसि येशू ख्रीष्‍टए न्होंर पखब् ग।

१ तिमोथी 6:15

धाँसे थेब ताँनइ म्हाँदिल् त्हुबै परमेश्‍वरजी खीजी ठर्दिबै त्हेर प्रभु येशू ख्रीष्‍ट धबै कुल्मिंब्‍मुँ। म्रुँमैंए म्रुँ, प्रभुमैंए प्रभु परमेश्‍वरन् ग।

२ तिमोथी 3:1

दिलेया तरे लिउँइँ खबै त्हिंइ जरे बेल्‍ले ङ्हिंन् ङ्हाँबै दुःखए त्हे खब्मुँ, बिब सैंर मैंइ थेंन्।