चेला चिब्मैंए केमैं 1:5 - परमेश्‍वरए ताँ तमु क्युइर

⁵ तलेबिस्याँ यूहन्‍नाइमि क्युइ बप्‍तिस्‍मा पिंइ, तारे दे त्हिंइ लिउँइँ पबित्र प्ल्हउँइँले क्हेमैंए बप्‍तिस्मा तब्‍मुँ।”

चेला चिब्मैंए केमैं 1:5 ပူးပေါင်းရင်းမြစ်များ

मत्ती 3:11

“क्‍हेमैंए सैं परमेश्‍वरउँइँ एइ बिब् उँइँबर ङइ क्‍युर प्‍ल्हुँमिंसि बप्‍तिस्‍मा पिंम्। दिलेया ङए लिलि युबै म्‍हि ङ भन्दा बेल्‍ले शक्‍ति मुँब मुँ। खीजी क्‍हेमैं परमेश्‍वरए पबित्र प्ल्ह नेरो मिइ बप्‍तिस्‍मा पिंब्‍मुँ। ङम् खीए जुत्ता नोबै लायगर्बै आरे।

मत्ती 3:6

झाइले चमैं ताँनइ “ङिइ पाप लइमुँ,” बिसि यूहन्‍नाउँइँले यर्दन स्‍योंर प्‍ल्हुँसि बप्‍तिस्‍मा किंइ।

मर्कूस 1:8

ङइ क्‍हेमैं क्‍युर प्‍ल्हुँसि बप्‍तिस्‍मा पिंइ, दिलेया खीजी क्‍हेमैंलाइ पबित्र प्ल्हजी बप्‍तिस्‍मा पिंब्‍मुँ।”

लूका 3:16

छतमा यूहन्‍नाइ चमैं ताँनने बिइ, “ङइमि क्‍हेमैंलाइ क्युर प्ल्हुँसि बप्‍तिस्मा पिंम्। दिलेया ङ भन्दा शक्‍ति मुँबै म्‍हि घ्रि युब्‍मुँ। खीए जुत्ताए तनि प्‍ल्हबर ङ्‍हेंब ङ आरे। खीजी क्‍हेमैंलाइ परमेश्‍वरए पबित्र प्ल्ह नेरो मिइ बप्‍तिस्मा पिंब्मुँ।

यूहन्‍ना 1:26

यूहन्‍नाइ चमैंने बिइ, “ङइ मि म्हिमैं क्‍युर प्‍ल्हुँसि बप्‍तिस्‍मा पिंम्, दिलेया क्‍हेमैंए म्‍हाँजोर क्‍हेमैंइ ङो आसेबै म्हि घ्रि मुँ।

यूहन्‍ना 1:31

ङज्यै खी ङो आसेल, दिलेया इस्राएलीमैंइ खी ङो सेरिगे बिसि म्हिमैं क्‍युर प्‍ल्हुँमिंसि बप्‍तिस्‍मा पिंदै ङ खइ।”

यूहन्‍ना 1:33

ओंसों ङइ खी ङो आसेल, दिलेया परमेश्‍वरजी ङ कुलसि बिइ, ‘म्हिमैं क्युर प्ल्हुँमिंसि बप्‍तिस्‍मा पिंन्।’ धै खीजीन् ङने बिल, ‘खाबै फिर क्हिइ पबित्र प्ल्ह तयुसि टिब् म्रोंब्मुँ, पबित्र प्ल्हउँइँले बप्‍तिस्मा पिंबै म्हि खीन् ग।’

चेला चिब्मैंए केमैं 10:45

अरू ह्रेंमैंए फिरै या पबित्र प्ल्ह युब् म्रोंसि पत्रुसने बालु खबै प्रभुए फिर बिश्‍वास लबै यहूदीमैं बेल्‍ले प्लेटोयाइ।

चेला चिब्मैंए केमैं 19:4

झाइले पावलइ बिइ, “यूहन्‍नाइ पिंबै बप्‍तिस्माम् पाप केमैं पिसि परमेश्‍वरउँइँ सैं एरिगे बिब् मुँल। दिलेया तारे पिरु युबै येशूए फिर बिश्‍वास लल् त्हुम् बिसि चइ म्हिमैंने लोमिंमल।”

१ कोरिन्थी 12:13

ङ्यो यहूदी मुँलेया, अरू ह्रेंमैं मुँलेया, आगुए न्होंर के लब्मैं मुँलेया, खाब् मुँलेया ङ्योइ पबित्र प्ल्ह घ्रिउँइँलेन् ज्यु घ्रिर्न बप्‍तिस्‍मा किंइमुँ। छतसि पबित्र प्ल्ह घ्रिउँइँलेन् ङ्यो ताँनइ तोन्दोंरि सै योंइमुँ।

तीतस 3:5

खीजीन् ङ्योलाइ जोगेमिंइ। ङ्योइ छ्याँबै के लसि छारा छ्ह योंब आङिं, बरु खीए दयाउँइँले पबित्र प्ल्हजी ङ्योलाइ पापउँइँले ख्रुमिंसि छारा छ्ह पिंसि, छारा लमिंइ।