चेला चिब्मैंए केमैं 1:4 - परमेश्‍वरए ताँ तमु क्युइर

⁴ झाइले तिखे चमैंने बालु चब् चबर टिमा खीजी चमैंने बिइ, “क्हेमैं यरूशलेमउँइँले खनिरै आह्‍याद्। दिलेया ङए आबाजी बाछा फैसि पिंम् बिबै बरदान पैंसि टिरिद्। च बरदानए ताँ ङउँइँले क्हेमैंइ थेल् खाँइमुँ।

चेला चिब्मैंए केमैं 1:4 ပူးပေါင်းရင်းမြစ်များ

मत्ती 10:20

तलेबिस्याँ पोंब क्‍हेमैं आङिं, दिलेया क्हेमैंए आबाए प्ल्ह क्‍हेमैंए सुँउँइँले पोंब्‍मुँ।

लूका 11:13

क्‍हेमैं दुष्‍ट तलेया ह्रोंसए प्हसेमैंलाइ छ्याँबै सैमैं पिंल् ह्रम् बिस्याँ, झन् स्‍वर्गर टिबै क्हेमैंए परमेश्‍वर आबाजी खीने बालु ह्रिब्मैंलाइ कति ल्हें पबित्र प्ल्ह पिंब्‍मुँ।”

लूका 12:12

तलेबिस्याँ क्‍हेमैंइ बिल् त्‍हुबै ताँ पबित्र प्ल्हजी च त्‍हेर्न क्‍हेमैंलाइ लोमिंब्‍मुँ।”

लूका 24:49

परमेश्‍वर आबाजी बाछा फैसि पिंम् बिबै बरदान ङइ क्हेमैंए फिर कुल्मिंब्मुँ। दिलेया परमेश्‍वरजी पिंबै शक्‍ति क्हेमैंए फिर आयुन् समा क्हेमैं चु सहरर्न टिरिद्।”

यूहन्‍ना 14:16

झाइले ङ आबाने यो छ्युँ लब्मुँ, धै खीजी क्हेमैं ङाँर अर्को ल्होमिंबै थु कुलब्मुँ। धै खी क्हेमैंने खोंयोंन् बिलै तरिब्‍मुँ।

यूहन्‍ना 15:26

“ङइ आबाउँइँले ल्होमिंबै पबित्र प्ल्ह क्हेमैं ङाँर कुल्मिंब्मुँ, खी परमेश्‍वर आबाउँइँले युब्मुँ, खीजीन् ङए बारेर ग्वाइ पिंब्मुँ।

यूहन्‍ना 20:22

च्हौ बिसि खीजी चमैंए फिर सो फुइसि बिइ, “पबित्र प्ल्ह किंन्।

यूहन्‍ना 7:39

येशूजी चु ताँ पबित्र प्ल्हए बारेर बिल। तलेबिस्याँ येशूए फिर बिश्‍वास लब्‍मैंइ पबित्र प्ल्ह योंमल। च त्‍हेर परमेश्‍वरजी खीए प्ल्ह म्हिमैं फिर आकुलल। तलेबिस्याँ च त्हे समा येशू मान योंबै स्‍वर्गर आह्‍याल।

चेला चिब्मैंए केमैं 10:41

ताँन् म्हिमैं ङाँर खी आम्रोंखा, दिलेया खी ङि ङाँर मत्‍त्रे, तलिबिस्याँ खी सिसि धबै सोगों तबै लिउँइँ ङिइ खीने बालुन् चब-थुँब लइ। चु ताँए ग्वाइ पिंबर परमेश्‍वरजी ओंसों ओंनोंन् ङिलाइ त्हाँल।

चेला चिब्मैंए केमैं 2:33

परमेश्‍वर आबाजी येशूलाइ थेब् लमिंसि खीए क्‍योलोउँइँ थेंइँमुँ। धै ह्रोंसजी बाछा फैब् धोंले येशूलाइ पबित्र प्ल्ह पिंइ। च पबित्र प्ल्ह प्रभु येशूजी तोगो ङिए फिर कुमिंब् ग। चु ताँमैं क्हेमैंइ तोगो थेइमुँ, म्रोंइमुँ।