चेला चिब्मैंए केमैं 1:22 - परमेश्‍वरए ताँ तमु क्युइर

²² यूहन्‍नाइ येशूलाइ बप्‍तिस्‍मा पिंबै त्हिंइउँइँले येशू स्वर्गर बोवाबै त्हे समा ङ्योने बा-बालु प्रब्-टिबै म्हि तल् त्हुम्। च म्हिइ येशू सिबउँइँले धबै सोगों तइ बिसि ग्वाइ पिंल् खाँब तल् त्हुम्।”

चेला चिब्मैंए केमैं 1:22 ပူးပေါင်းရင်းမြစ်များ

मर्कूस 1:9

च त्हेर्न येशू गालील ह्‍युलर्बै नासरत बिबै नाँसउँइँले युइ, झाइले यूहन्‍नाउँइँले यर्दन स्‍योंर क्युर प्‍ल्हुँसि बप्‍तिस्‍मा किंइ।

मर्कूस 16:19

येशू छले चेलामैंने पोंल् खाँबै लिउँइँ परमेश्‍वरजी खीलाइ स्वर्गउँइँ बोयाइ, धै परमेश्‍वरए क्‍योलोउँइँ टिइ।

लूका 24:48

तलेबिस्याँ क्‍हेमैंन् चु ताँए ग्वाइ पिंब्मैं ग।

लूका 3:21

यूहन्‍ना झेलर च्‍युवाब् भन्दा ओंसों चए योउँइँले ताँन् म्हिमैंइ क्‍युर प्‍ल्हुँसि बप्‍तिस्मा किंइ। झाइले येशूज्यै बप्‍तिस्मा किंसि परमेश्‍वरने प्राथना लरिमा स्‍वर्ग थोंयाँइ।

यूहन्‍ना 15:27

क्हेमैं ओंसों ओंनोंन् ङने बालु मुँबइले क्हेमैं या ङए साक्षि ग।”

चेला चिब्मैंए केमैं 1:11

“ओ गालीलथेंमैं, क्हेमैं तले मुउँइँ ङ्‍ह्‍योसि रारिल? चुन् येशू, क्हेमैंउँइँले परमेश्‍वरजी स्वर्गर बोयाइ। तोगो खी खैले स्वर्गर ह्‍यारिब क्हेमैंइ म्रोंइ छलेन खी धबै युब्मुँ।”

चेला चिब्मैंए केमैं 1:2

च के लब नेरो ताँ लोमिंबर होंबै त्हेउँइँले खीलाइ स्‍वर्गर बोह्‍याबै त्हे समार्बै ताँन् ताँमैं ङइ चर प्ह्रिथेंइँमुँ। स्वर्गउँइँ बोयाब् भन्दा ओंसों येशूजी त्‍हाँबै कुल्मिंबै चेला चिब्मैंलाइ खीजी पबित्र प्ल्हउँइँले “छ-छ लद्” बिइ।

चेला चिब्मैंए केमैं 2:32

चुन् येशू परमेश्‍वरजी सिबउँइँले सोगों लमिंइ। चु ताँए साक्षि ङि ताँन् मुँ।

चेला चिब्मैंए केमैं 4:33

झाइले च कुल्मिंबै चेला चिब्मैंइ तिफुँइ आङ्हिंन्ले प्रभु येशू सिबइले धबै सोगों तइमुँ बिसि ग्वाइ पिंमल, छतमा परमेश्‍वरजी चमैं ताँनए फिर थेबै आशिक पिंमल।

हिब्रू 2:3

खोंयोंइ आखाँबै छ्ह पिंबै च्हौ थेबै मुक्‍तिलाइ तो धोंइ आङ्हाँस्याँ ङ्यो खैले परमेश्‍वरउँइँले स्योरल् खाँमुँ? चु मुक्‍तिए ताँ धाँसे ओंसों प्रभु येशूजीन् बिब् ग, धै खीए ताँ थेब्‍मैंइ चु ताँ क्ह्रोंसेंन ग बिसि ङ्योने उँइँमिंइ।