चेला चिब्मैंए केमैं 1:13 - परमेश्‍वरए ताँ तमु क्युइर

¹³ चमैं सहरर ह्‍याबै लिउँइँ खेंमैं टिबै धिंए आटिफिर ह्‍याइ। चमैं पत्रुस, यूहन्‍ना, याकूब, अन्‍द्रियास, फिलिप, थोमा, बारथोलोमाइ, मत्ती, अल्‍फयसए च्‍ह याकूब, नेरो ह्रोंसए ह्‍युल म्हाँया लबै सिमोन, नेरो याकूबए च्‍ह यहूदा मुँल।

चेला चिब्मैंए केमैं 1:13 ပူးပေါင်းရင်းမြစ်များ

मत्ती 9:9

येशू च क्‍ल्‍ह्‍योउँइँले ह्‍यारिमा मत्ती बिबै म्‍हि घ्रि बालि रेबै क्ल्ह्‍योर क्हुँरिब म्रोंइ, धै चने या “ङए लिलि प्रद्!” बिइ। छबिमा मत्ती रेसि येशूए लिलि प्रइ।

मर्कूस 14:15

छबिमा चैदिबै सैमैं तौदु लथेंबै फिर्बै तलर कोठा घ्रि चइ क्‍हेमैंलाइ तेंब्‍मुँ। चर्न क्‍हेमैंइ ङ्योए ल्हागिरि भोज तौदु लद्।”

मर्कूस 14:33

बिसि पत्रुस, याकूब नेरो यूहन्‍ना खीने बालुन् बोइ। च्हमा खीए सैंर सैदिल् आखाँबै दुःख तसि बेल्‍ले आतिदिरिल।

मर्कूस 2:14

च कल्ह्‍योउँइँले ह्‍यारिमा येशूजी अल्‍फयसए च्‍ह लेबी रोमी म्रुँए बालि रेबै क्ल्ह्‍योर क्हुँरिब् म्रोंसि चने, “ङए लिलि प्रद्,” बिमा लेबी रेसि येशूए लिलि प्रइ।

मर्कूस 5:37

च्हौ बिसि खीजी पत्रुस, याकूब नेरो याकूबए अलि यूहन्‍ना बाहेक् अरू खाबलाज्यै खीने बालु ह्‍याल् आपिं।

मर्कूस 9:2

येशूजी छ बिबै टुरो लिउँइँ खीजी पत्रुस, याकूब नेरो यूहन्‍ना बोसि नुबै कोंर म्हि आरेबै क्ल्ह्‍योर ह्‍याइ, चर चेलामैंइ येशूए क्हो फेर्दियाब् म्रोंइ।

लूका 22:12

छले ङ्योएमा चइ क्‍हेमैं फितलर्बै छेनाले सजेथेंबै कोठा उँइँमिंब्‍मुँ। चर्न क्हेमैंइ भोजए तौदु लद्।”

यूहन्‍ना 11:16

झाइले दिदुमस बिबै थोमाइ अरू चेलामैंने बिइ, “ल्हु, ङ्यो या गुरुने ह्‍याले धै सिल् त्हुलेया सिले।”

यूहन्‍ना 14:22

यहूदइ (इस्‍करियोतथें आङिं) येशूने “प्रभु, क्हिजी तो बिब् जा छ बिब क्हि ङि ङाँर मत्‍त्रे म्रोंयुम्‍मा? ह्‍युलर्बै म्हिमैं ङाँर आम्रोंयु वा?” बिसि ङ्योएमा।

यूहन्‍ना 18:17

झाइले म्रार टिबै च्हमिरिइ पत्रुसने बिइ, “क्हि या च म्हिए चेलामैं न्होंर्बै घ्रि आङिं वा?” पत्रुसइ “ङ आङिं,” बिइ।

यूहन्‍ना 21:2

सिमोन पत्रुस, जौंले बिबै थोमा, गालीलर्बै कानाथें नथानेल, याकूब, यूहन्‍ना, नेरो येशूए चेलामैं न्होंर्बै अरू म्हि ङ्हिं या बालुन् मुँल।

चेला चिब्मैंए केमैं 12:17

पत्रुसइ तोइ आबिद् बिसि योइ हस्त लइ, झाइले प्रभुजी च झेलउँइँले खैले बैरु तेमिंइ बिबै ताँ चमैंने बिइ। धै “चु ताँ याकूब नेरो अरू आघें-अलिमैंने या बिद् ओ,” बिसि च छाइले अर्को क्ल्ह्‍योर छ्युडिह्‍याइ।

चेला चिब्मैंए केमैं 15:13

चमैंइ पोंल् खाँबै लिउँइँ याकूबइ बिइ, “ओ अलि-अङाँमैं, ङए ताँ थेद्।”

चेला चिब्मैंए केमैं 2:14

पत्रुसइ अरू कुल्मिंबै चेला चिब्मैं च्युसे घ्रिने बालुन् रासि थेबै कैले चर्बै म्हिमैंने बिइ, “ओ यहूदीयार्बै म्हिमैं, नेरो ताँन् यरूशलेमथेंमैं, क्हेमैंइ ङए ताँ छेनाले थेसि चु ताँ क्होद्।

चेला चिब्मैंए केमैं 2:38

पत्रुसइ बिइ, “ङिइ आछ्याँबै केमैं लना बिसि क्‍हेमैं ताँनइ‍ ह्रों-ह्रोंसए आछ्याँबै केमैं पिसि परमेश्‍वरउँइँ सैं एद्, धै क्हेमैंए पाप क्षमा तबै ल्हागिर येशू ख्रीष्‍टए मिंर बप्‍तिस्‍मा किंन्। छलमा परमेश्‍वरउँइँले क्हेमैंइ पबित्र प्ल्हए बरदान योंब्मुँ।

चेला चिब्मैंए केमैं 20:8

ङि खागु तबै फिर्बै कोठर ल्हें बत्तिमैं म्रोल।

चेला चिब्मैंए केमैं 4:13

झाइले पत्रुस नेरो यूहन्‍ना आखेबै म्हिमैं मुँलेना आङ्हिंन्ले पोंल् खाँब् म्रोंसि चमैं प्लेटोयाइ। धै चुमैं येशूने बालुन् टिब्मैं मुँन बिसि चमैंइ था सेइ।

चेला चिब्मैंए केमैं 4:19

दिलेया पत्रुस नेरो यूहन्‍नाइ चमैंने बिइ, “परमेश्‍वरए ताँ ङिंब उ क्हेमैंए ताँ ङिंब? परमेश्‍वरए उँइँर तो छ्याँब तमुँ क्हेमैं ह्रोंसैना मैंन्।

१ कोरिन्थी 15:7

च लिउँइँ याकूबने त्‍होखइ, झाइले ताँन् कुल्मिंबै चेला चिबमैंने या त्‍होखइ।

गलाती 1:19

दिलेया चर प्रभुए अलि याकूबलाइ मत्‍त्रे ङइ त्होइ, अरू कुल्मिंबै चेला चिब खाबलाज्यै या आत्‍हो।

गलाती 2:9

याकूब, पत्रुस नेरो यूहन्‍ना बिश्‍वासीमैं न्होंर्बै चिब्मैं मुँल। परमेश्‍वरए दयाम्हाँया ङए फिर मुँबइले ङइ छ्याँबै के लइमुँ बिब् चमैंइ क्होसि ङ नेरो बारनाबासलाइ खेंमैंने संगतिर घ्रि तल् पिंइ। छले खेंमैंइ यहूदीमैं न्होंर, ङिइ अरू ह्रेंमैं न्होंर परमेश्‍वरए के लबै ल्हागिर चमैं ङिने सैं क्ह्रिइ।

याकूब 1:1

परमेश्‍वर नेरो प्रभु येशू ख्रीष्‍टए के लबै म्‍हि याकूबउँइँले चु ह्‍युल तिगोंन् प्हुँइ टिबै च्युसे ङ्हिं कुललाइ जय मसीह मुँ।

२ यूहन्‍ना 1:1

ङ बिश्‍वासीमैं न्होंर्बै एल्डरउँइँले परमेश्‍वरजी त्‍हाँबै आना नेरो क्‍हिए कोलोमैंने जय मसीह मुँ। ङइ क्‍हेमैंलाइ सैं न्होंउँइँलेन् म्हाँया लमुँ। ङइ मत्‍त्रे आङिं, क्ह्रोंसेंन्‍बै ताँ था सेबै ताँन् बिश्‍वासीमैंज्यै या क्‍हेमैंलाइ म्हाँया लम्,

यहूदाइ प्‍ह्रिबै प्ह्रिछ्या 1:1

येशू ख्रीष्‍टए के लबै म्हि ङ याकूबए अलि यहूदाउँइँले परमेश्‍वरजी खोसि त्‍हाँबै म्‍हिमैंलाइ जय मसीह मुँ। परमेश्‍वर आबाजी क्हेमैंलाइ म्हाँया लइमुँ, धै येशू ख्रीष्‍टजी क्हेमैंलाइ रक्षा लथेंइमुँ।