३ यूहन्‍ना 1:5 - परमेश्‍वरए ताँ तमु क्युइर

⁵ ओ ङए खोबै थु, क्हि ङाँर खबै बिश्‍वासी अलि-अङाँमैं स्याँमैं मुँलेया क्हिइ चमैंए सेवा लसि क्हिइ भर लल् खाँबै के लइमुँ।

३ यूहन्‍ना 1:5 ပူးပေါင်းရင်းမြစ်များ

मत्ती 24:45

“भर लल् खाँब नेरो बुद्धि मुँबै केब्छैं खैबै तम्? च केब्छैंने क्ल्हेइ ‘धिंर्बै केब्‍छैंमैं चब-थुँब ठिक त्हेर पिंन्’ बिसि चए जिम्‍मार वाथेंम्।

मत्ती 25:16

माराए सिक्‍का ङ्‍ह योंबै म्‍हिइ युनन् ह्‍यासि च मुइउँइँले छों लसि अर्को सिक्‍का ङ्‍ह कमदिइ।

लूका 12:42

प्रभु येशूजी बिइ, “भर लल् खाँब नेरो बुद्धि मुँबै म्हि खाब् जा? धिं क्‍ल्‍हेइ ह्रोंसए धिंर्बै तोन्दोंरि सैए जिम्‍मा पिंसि ह्‍याबै लिउँइँ भर लल् खाँब नेरो बुद्धि मुँबै म्हिइ अरू केब्छैंमैंलाइ चब् थुँबै तौदु छेनाले लमिंम्।

चेला चिब्मैंए केमैं 1:15

दे त्हे लिउँइँ येशूए फिर बिश्‍वास लबै प्रसे ङ्हिस्युदे म्हिमैं खागु तमा चमैंए म्हाँजोर पत्रुस रासि बिइ,

रोमी 12:13

बिश्‍वासीमैंए खाँचोर ल्होद्, ह्रोंसए धिंर खबै प्ह्रेंमैंलाइ बास पिंसि छेनाले चब् थुँब् पिंन्।

गलाती 6:10

छतसि मौका योंन् समा ङ्योइ ताँन् म्हिमैंलाइ ल्होबै केमैं लरिले, खासगरि बिश्‍वासी अलि-अङाँमैंलाइ ल्होले।

कलस्सी 3:17

क्हेमैंइ तो ताँ पोंलेया, तो के ललेया, येशूउँइँलेन् परमेश्‍वर आबालाइ धन्यबाद पिंदै प्रभु येशूए मिंर लद्।

हिब्रू 13:2

आगुए ह्‍युलउँइँले खबै ङो आसेबै म्‍हिमैंलासे या प्ह्रेंमैं धोंले मान लद्, तलेबिस्याँ को-कोइइ छले स्‍याँ म्‍हिमैं मान लमा था आसेल्‍ले स्‍वर्गदूतमैंए मान लइमुँ।

३ यूहन्‍ना 1:10

छतसि ङ चर खसि चइ लबै केमैंए बारेर ताँ रेब्‍मुँ। ङ्योए बिरोधर चइ आछ्याँबै ताँ पोंप्रम्, च्‍हौ मत्‍त्रे आङिं सैं तोंबै ताँ बिप्रबै बिश्‍वासी अलिमैंलाज्यै या चइ धिंर मान आल। चमैंलाइ मान लल् म्‍हैब्‍मैंलाज्यै या चइ छ आलद् बिसि चमैंलाइ मण्डलीउँइँले बैरु तेवाम्।

३ यूहन्‍ना 1:3

क्‍हि क्ह्रोंसेंन्लेन् परमेश्‍वरए घ्याँर प्रइमुँ बिबै ग्वाइ चुर खबै अलिमैंइ पिंमा ङ बेल्‍ले सैं तोंइ। क्ह्रोंसेंन क्‍हि खोंयोंन् बिलै क्ह्रोंसेंन्बै घ्याँर प्रम्।