३ यूहन्‍ना 1:4 - परमेश्‍वरए ताँ तमु क्युइर

⁴ ङए कोलोमैं छले क्ह्रोंसेंन्‍बै घ्याँर प्रइमुँ बिबै ताँ थेमा चु भन्दा थेबै सैं तोंन् लबै ताँ ङए ल्हागिर अरू तोइ आरे।

३ यूहन्‍ना 1:4 ပူးပေါင်းရင်းမြစ်များ

हितोपदेश 23:24

ठिक के लबै म्हिए आबा बेल्‍ले तोंब्मुँ; ह्रोंसए च्ह बुद्धि मुँब् तमा आबा ङ्‍हो लोंब्मुँ।

२ कोरिन्थी 6:13

ङइ क्‍हेमैंने ह्रोंसए प्‍हसेमैंने धोंले चु ताँ बिमुँ: ङिइ क्‍हेमैंने लब् धोंबै म्हाँया ङिलाज्यै लद्।

गलाती 2:14

सैं तोंबै ताँइ बिब् धोंले चमैं आप्रब् म्रोंसि ताँन् म्हिमैंए उँइँर ङइ पत्रुसने बिइ, “क्‍हि यहूदी तसेया यहूदीमैंए छ्यार आप्रल्‍ले अरू ह्रेंमैं धोंले प्रइमुँ। छतसि अरू ह्रेंर्बै म्‍हिमैंने यहूदीमैंए छ्यार प्रल् त्‍हुम् बिसि क्हिइ खैले कर ल्‍हैदिम्?”

गलाती 4:19

ओ, ङए कोलोमैं, क्‍हेमैंए बानि ब्योर ख्रीष्‍टए बानि ब्योर धों आतन् समा सुत्‍केरि बेथा ल्‍हैदिसि नबै च्हमिरि धोंले ङए सैं नसिन् मुँ।

१ थेसलोनिकी 2:11

आबाइ ह्रोंसए प्हसेमैंलाइ लब् धोंले ङिइ क्हेमैंलाइ ङ्ह‍योइ।

१ तिमोथी 1:2

क्हिइ येशूए फिर बिश्‍वास लबइले क्हि ङए क्ह्रोसेंन्बै च्ह ग। परमेश्‍वर आबा नेरो ङ्योए प्रभु येशू ख्रीष्‍टउँइँले खोंयोंन् बिलै क्हिए फिर दयाम्हाँया, आशिक नेरो शान्ति तरिगे।

२ तिमोथी 1:2

ओ ङइ खोबै च्ह तिमोथी, ङ्योए परमेश्‍वर आबा नेरो ङ्योए प्रभु येशू ख्रीष्‍टए दयाम्हाँया नेरो शान्ति क्हिए फिर खोंयोंन् बिलै तरिगे।

फिलेमोन 1:10

ङए च्ह ओनेसिमसए ल्हागिर ङ क्‍हिने यो छ्युँ लम्। ङ झेलर मुँबै त्हेर ङइ चने प्रभुए ताँ बिमा चइ प्रभुए फिर बिश्‍वास लइ। छतसि च ङए च्ह धोंन् ग।

१ यूहन्‍ना 2:1

ओ ङए कोलोमैं, क्‍हेमैंइ पाप आलरिगे बिसि ङइ चु प्ह्रिछ्या प्‍ह्रिरिइमुँ। दिलेया खाबज्‍यै या पाप लइबिस्‍याँ ङ्योए ल्हागिर परमेश्‍वर आबाने क्षमा ह्रिमिंबै येशू ख्रीष्‍ट मुँ। खीजी ठिक के लम्।

२ यूहन्‍ना 1:4

परमेश्‍वर आबाजी ङ्योलाइ बिब् धोंलेन् क्हिए को-कोइ कोलोमैं क्ह्रोंसेंन्‍बै घ्‍याँर प्रबै ताँ था सेसि ङ बेल्‍ले सैं तोंइमुँ।