३ यूहन्‍ना 1:11 - परमेश्‍वरए ताँ तमु क्युइर

¹¹ ओ ङइ खोबै थु, आछ्याँबै के लब्मैंइ धोंले आलद्, बरु छ्याँबै के लब्मैंइ धोंलेन् क्हिज्यै या छ्याँबै केमैं लद्। छ्याँबै के लब्मैं परमेश्‍वरए म्हिमैं ग, आछ्याँबै के लब्मैंइ परमेश्‍वरलाइ आम्रोंइमुँ।

३ यूहन्‍ना 1:11 ပူးပေါင်းရင်းမြစ်များ

भजनमैं 34:14

आछ्याँबै के लबउँइँले एखो धै छ्याँबै के लद्; आक्ह्रिबै म्हिमैं क्ह्रिमिंन्, खोंयोंन् बिलै छाबन् के लरिद्।

भजनमैं 37:27

आछ्याँबै केमैं लब् पिसि छ्याँबै केमैं लप्रद्; छलस्याँ खोंयोंन् बिलै क्हिइ ह्‍युलर क्ल्हे लल् योंब्मुँ।

प्रस्थान 23:2

आगुए न्होह्रों लबर म्हि हुलने आत्हुँन्। मुद्दा तमा खाबल् म्हि ल्हें मुँ चए ख लसि आगुइ लबै निसाफ आन्होंन्।

हितोपदेश 12:11

ह्रोंसए म्रों ताब् क्ल्योब लसि रा-रोमैं रुँइँब्मैंने चबै सै ल्हें तम्, दिलेया केर आफेबै म्हिमैंए लिलि प्रब्मैं बुद्धि आरेब्मैं ग।

यूहन्‍ना 10:27

ङए क्युमैंइ ङए कै थेम्, ङइ चमैंलाइ ङो सेम्। छतसि चमैं ङए लिलि खम्।

यूहन्‍ना 12:26

“ङए सेवा लदा ङ्हाँब्मैं ङए लिलि प्ररिगे। छलमा ङ खनिर टिमुँ, ङए सेवा लब्मैं चर्न तब्मुँ। ङए सेवा लब्मैंलाइ ङए आबाजी मान लब्मुँ।”

यूहन्‍ना 3:20

तलेबिस्याँ दुष्‍ट के लब्मैंइ चारबै ह्‍वेलाइ आखो, तलेबिस्याँ खेंमैंइ लबै के म्‍हिमैंइ म्रोंवाब्मुँ बिसि चमैं चारबै ह्‍वेर आखा।

१ कोरिन्थी 11:1

छतसि ख्रीष्‍टजी लब् धोंलेन् ङइ लइमुँ, क्‍हेमैंज्‍यै या ङइ लब् धोंलेन् लद्।

१ कोरिन्थी 4:16

छतसि ङइ लब् धोंन् लद् बिसि ङ क्हेमैंने यो छ्युँ लम्।

एफिसी 5:1

क्हेमैं परमेश्‍वरजी खोबै प्‍हसेमैं ग, छतसि क्‍हेमैं खी धोंन् तबै भों लद्।

फिलिप्पी 3:17

ओ अलि-अङाँमैं, ङइ लब् धोंले लरिद्। ङिइ लबै केमैं क्हेमैंइ म्रोंइमुँ, क्हेमैंज्यै या छान् लद्। छतसि ङिइ लब् धोंले लबै म्हिमैंलाइ ङ्ह्‍योसि चमैंए लिलि प्रद्।

१ थेसलोनिकी 1:6

ङि नेरो प्रभुजी छ्ह खैले थोल क्हेमैंज्यै या छलेन् छ्ह थोइमुँ, तलेबिस्याँ ल्‍हें दुःख सैदिलेया परमेश्‍वरए पबित्र प्ल्हउँइँले सैं तोंन्‍ले क्‍हेमैंइ सैं तोंबै ताँ थेइ।

१ थेसलोनिकी 2:14

ओ अलि-अङाँमैं, यहूदीया ह्‍युलर्बै बिश्‍वासीमैंइ योंब् धों तबै दुःख क्हेमैंज्यै योंइ। तलेबिस्याँ चमैंइ खेंमैंए यहूदी म्हिमैंउँइँलेन् दुःख योंब् धोंले क्हेमैंज्यै या ह्रोंसए ह्‍युलर्बै म्‍हिमैंउँइँले दुःख योंइ।

२ तिमोथी 3:10

दिलेया क्हिइमि ङइ लोमिंबै ताँमैं, ङए बानि ब्योर, ङइ लल् म्हैबै केमैं, ङए बिश्‍वास, ङइ पैंल् खाँबै ताँ, ङइ लबै म्हाँया नेरो दुःख सैदिबै शक्‍ति म्रोंइमुँ।

हिब्रू 6:12

क्‍हेमैं प्ल्हेउ आतद्, बरु बिश्‍वास लसि दुःखै या सैदिसि परमेश्‍वरजी पिंम् बिसि बाछा फैबै सैमैं योंबै म्हिमैं तद्।

१ पत्रुस 3:11

चइ पाप लब पिसि छ्याँबै के लरिगे, धै ताँनने क्ह्रिसि आक्ह्रिब्मैंलाइ क्ह्रिमिंबै के लरिगे।

१ पत्रुस 3:13

छ्याँबै सैंउँइँले क्‍हेमैंइ ठिक केमैं लम् बिस्‍याँ, क्‍हेमैंए न्होह्रों खाबइ लमुँ?

१ यूहन्‍ना 2:29

ख्रीष्‍टजी ठिक के मत्‍त्रे लम् बिब क्‍हेमैंइ सेइमुँ। छतसि ठिक के लब्मैं ताँन् परमेश्‍वरए प्‍हसेमैं ग बिसि क्‍हेमैंज्यै या सेइमुँ।

१ यूहन्‍ना 3:10

परमेश्‍वरए प्‍हसेमैं नेरो दुष्‍टए प्‍हसेमैं खैले ङो सेम् बिस्‍याँ, ह्रोंसए बिश्‍वासी अलि-अङाँलाइ सैं न्होंउँइँलेन् म्हाँया आलब्मैं नेरो छ्याँबै केमैं आलबै म्हिमैं परमेश्‍वरए प्‍हसेमैं आङिं।

१ यूहन्‍ना 4:1

ओ ङइ खोबै थुमैं, “ङने परमेश्‍वरए प्ल्ह मुँ, ङ अगमबक्‍ता ग,” बिब्‍मैंए ताँ आक्‍वेंन्। चमैंइ पोंबै ताँ पबित्र प्ल्ह परमेश्‍वरउँइँले युबै ताँ ङिंब् उ आङिं बिसि छेनाले च्हैंब् मैंब् लद्। तलेबिस्याँ स्योलिबै ताँ पोंबै ल्हें अगमबक्‍तामैं खन्तोदोंन् फेनेइमुँ।