३ यूहन्‍ना 1:10 - परमेश्‍वरए ताँ तमु क्युइर

¹⁰ छतसि ङ चर खसि चइ लबै केमैंए बारेर ताँ रेब्‍मुँ। ङ्योए बिरोधर चइ आछ्याँबै ताँ पोंप्रम्, च्‍हौ मत्‍त्रे आङिं सैं तोंबै ताँ बिप्रबै बिश्‍वासी अलिमैंलाज्यै या चइ धिंर मान आल। चमैंलाइ मान लल् म्‍हैब्‍मैंलाज्यै या चइ छ आलद् बिसि चमैंलाइ मण्डलीउँइँले बैरु तेवाम्।

३ यूहन्‍ना 1:10 ပူးပေါင်းရင်းမြစ်များ

हितोपदेश 10:10

मिइ च्यप्लने चिप्लिले हस्त लबै म्हिइ दुःख पखम्, धै ल्हें पोंबै आमादु केर आफेब् तम्।

हितोपदेश 10:8

ताँ क्होबै म्हिइ अर्थि बुद्धिए ताँ ङिंम्, दिलेया ल्हें पोंबै आमादु नास तयाम्।

लूका 6:22

“म्हिए च्हए फिर क्‍हेमैंइ बिश्‍वास लबइले म्‍हिमैंइ हेल लसि खेंमैंउँइँले स्यो लावाब्मुँ, धै क्हेमैं फिर आछ्याँबै ताँमैं पोंसि क्हेमैंए बिल्‍लि लब्मुँ, धै दुष्‍ट म्हिमैं धों ङ्हाँसि म्हि आच्हिन् लब्मुँ। छ ललेया क्हेमैंइ आशिक योंब्मुँ।

यूहन्‍ना 9:22

“येशून् परमेश्‍वरजी कुल्मिंबै म्रुँ ख्रीष्‍ट ग बिबै म्हिलाइ च्हों धिंउँइँले तेवाल त्हुम्,” बिसि यहूदीमैंइ ओंसों ओंनोंन् मत लल। छतसि चए आबा-आमा यहूदी चिबनाँब्मैं म्रोंसि ङ्हिंसि

चेला चिब्मैंए केमैं 1:15

दे त्हे लिउँइँ येशूए फिर बिश्‍वास लबै प्रसे ङ्हिस्युदे म्हिमैं खागु तमा चमैंए म्हाँजोर पत्रुस रासि बिइ,

२ कोरिन्थी 13:2

ओंसोंन् ङ क्‍हेमैं ङाँर मुँमा पाप लब्मैं आलब्मैं ताँनलाइ ङइ लोदा सैंदा लब् धोंलेन्, तोगो ह्रेंगो मुँलेया ङइ क्‍हेमैंलाइ लोदा सैंदा लम्: ङ धबै क्‍हेमैं ङाँर खमा ओंसों पाप लब्मैं मत्‍त्रे आङिं, ङइ लोदा सैंदा लसेया अझै पाप के लरिब्मैं खाबै मुँस्याँ चमैंलाज्यै या ङइ सजैं पिंब्मुँ।

गलाती 6:10

छतसि मौका योंन् समा ङ्योइ ताँन् म्हिमैंलाइ ल्होबै केमैं लरिले, खासगरि बिश्‍वासी अलि-अङाँमैंलाइ ल्होले।

१ तिमोथी 5:13

च्हौ मत्‍त्रे आङिं चमैं धिं-धिंर स्युरसि प्ल्हेउ तम्, चमैं तब-आतबै ताँमैं पोंब, आगु स्यारब, तोनतोंर्न आगुए केर यो झोंब्मैं तम्।

२ यूहन्‍ना 1:10

छतसि क्‍हेमैं ङाँर खबै म्हिमैंइ खीजी बिब् धोंले खीए ताँ आलोमिं बिस्याँ, छाबै म्हिमैंलाइ क्‍हेमैंए धिंर मान आलद्, जय मसीह या आलद्।

२ यूहन्‍ना 1:12

ङइ क्‍हेमैंलाइ प्ह्रिल् त्‍हुबै ताँमैं ल्‍हेन् मुँ, दिलेया तोगो तोन्दोंरि ताँमैं प्‍ह्रिदा आङ्हाँ। बरु ङ्यो बेल्‍ले तोंल् योंरिगे बिसि क्हेमैंनेन् त्होसि ताँ लबै सैं ङल् मुँ।

३ यूहन्‍ना 1:3

क्‍हि क्ह्रोंसेंन्लेन् परमेश्‍वरए घ्याँर प्रइमुँ बिबै ग्वाइ चुर खबै अलिमैंइ पिंमा ङ बेल्‍ले सैं तोंइ। क्ह्रोंसेंन क्‍हि खोंयोंन् बिलै क्ह्रोंसेंन्बै घ्याँर प्रम्।

३ यूहन्‍ना 1:5

ओ ङए खोबै थु, क्हि ङाँर खबै बिश्‍वासी अलि-अङाँमैं स्याँमैं मुँलेया क्हिइ चमैंए सेवा लसि क्हिइ भर लल् खाँबै के लइमुँ।