२ तिमोथी 4:2 - परमेश्‍वरए ताँ तमु क्युइर

² प्रभुउँइँले खबै सैं तोंबै ताँ म्हिमैंने बिप्रद्। खैतबै त्हर्न बिलैया प्रभुउँइँले खबै सैं तोंबै ताँमैं बिब्रें लद्। म्हिमैंलाइ अर्थि बुद्धि पिंन्। चमैंए सैं क्होबै ताँमैं लद्। आतबै ताँमैंर हौदिद् धै म्हिमैंलाइ छेनाले लोदा सैंदा लद्।

२ तिमोथी 4:2 ပူးပေါင်းရင်းမြစ်များ

भजनमैं 40:9

ओ याहवेह, क्हिजी ङिलाइ जोगेमिंम् बिबै ताँ ङइ थेबै म्हि च्होंर बिइमुँ। ङए सुँइ चु ताँ आपोंन्ले टिल् आखाँ बिसि क्हिजी छेनाले सेइमुँ।

योना 3:2

“रेद्, थेबै निनवे सहर ह्‍याद्, धै ङइ क्हिने पिंबै ताँ चर ह्‍यासि बिप्रद्।”

लूका 7:23

चु ताँ या बिद्, खाबइ संका आलल्‍ले ङए ताँ क्वेंमुँ, चए फिर परमेश्‍वरजी आशिक पिंब्मुँ।”

लूका 7:4

चमैं येशू ङाँर खसि यो छ्युँ लदै बिइ, “ओ गुरु, कप्‍तानए के लबै म्हि बेल्‍ले नसि सिबर होंइमुँ, छतसि चलाइ सल् लमिंरिगे बिसि क्हिने यो छ्युँ लबर चइ ङि चुर कुलब् ग। च क्हिए ल्हयो योंबै लायकर्बै मुँ।

लूका 9:60

खीजी चने बिइ, “सिनुमैंलाइ सिनुमैंन पारिगे। क्‍हि बिस्याँ ह्‍यासि ‘परमेश्‍वरजी ग्याल्स लबर होंइ। खीजी बिब ङिंनु, झाइले खीजी क्‍हेमैंलाइ आशिक पिंब्‍मुँ’ बिसि बिप्रद्।”

चेला चिब्मैंए केमैं 13:5

चर्बै सलामिस नाँसर फेनेसि चमैंइ येहूदिमैंए च्हों धिंजरे परमेश्‍वरए सैं तोंबै ताँ बिमिंइ। चमैंलाइ ल्होमिंबर यूहन्‍ना मार्कुसै या चमैंने बालु ह्‍याल।

चेला चिब्मैंए केमैं 16:13

झाइले प्रिबै त्हिंइर सहरए म्राउँइँले बैरु त्होंसि स्योंए छेउर ह्‍याइ, तलेबिस्याँ चर प्राथना लबै क्ल्ह्‍यो मुँ बिसि ङिइ मैंल। ङि चर क्हुँसि चर खागु तबै च्हमिरिमैंने ताँमैं सेबर होंइ।

चेला चिब्मैंए केमैं 20:7

आइतबार त्हिंइर ङि प्रभु भोज चबर खागु तमा पावलइ प्हँन्हाँग्धों ह्‍याबै सैं लबइले म्‍हुँइँस आधा समन् चमैंने बालु ताँमैं सेरिल।

चेला चिब्मैंए केमैं 28:16

ङि रोम खबै लिउँइँ पावल रुँबै सिपाइ घ्रिने बालो च घ्रिन् टिल् पिंइ।

रोमी 10:15

छलेन खाबज्‍यै बिमिंबै म्‍हिमैं आकुलस्‍याँ चमैंइ खैले बिप्रब? “सैं तोंबै ताँ बिमिंबै म्हिमैंए प्हले कति छ्याँब,” बिसि परमेश्‍वरए छ्वेर प्ह्रिइमुँ।

रोमी 12:12

क्‍हेमैंइ थेंबै आशार सैं तोंन्ले टिरिद्। दुःख तमा सैं भोंब लद्। झाइले खोंयोंन् बिलै प्राथना लरिद्।

गलाती 6:6

प्रभुए ताँ लोब्मैं ताँनइ ह्रोंसने मुँबै ताँन् छ्याँबै सैमैं ह्रोंसलाइ ताँ लोमिंबै म्हिलाज्यै या पिंरिगे।

कलस्सी 1:25

परमेश्‍वरजी पिंबै सैं तोंबै ताँ ङइ क्हेमैंलाइ छेनाले बिमिंरिगे बिसि खीजी बिश्‍वासीमैंए ल्हागिर के लबै म्हि ङ तल् पिंइमुँ।

कलस्सी 4:3

ख्रीष्‍टए बारेर्बै ओंसों था आसेबै छ्याँबै ताँ बिप्रबइले ङ चुर झेलर टिल् त्‍हुइ। छतसि परमेश्‍वरजी ङिलाइ च ताँ बिप्रबै छ्याँबै मौका पिंरिगे बिसि ङिए ल्हागिरै या प्राथना लद्।

१ थेसलोनिकी 1:6

ङि नेरो प्रभुजी छ्ह खैले थोल क्हेमैंज्यै या छलेन् छ्ह थोइमुँ, तलेबिस्याँ ल्‍हें दुःख सैदिलेया परमेश्‍वरए पबित्र प्ल्हउँइँले सैं तोंन्‍ले क्‍हेमैंइ सैं तोंबै ताँ थेइ।

१ थेसलोनिकी 5:14

ओ अलि-अङाँमैं, ङि क्हेमैंलाइ अर्थि पिंमुँ: प्ल्हेउमैंलाइ हौदिद, सैं च्योंब्मैंलाइ सैं भोंब लमिंन्, आखाँब्मैंलाइ ल्होमिंन्, ताँन् म्हिमैंने ह्रिस आखनले सैदिद्।

१ थेसलोनिकी 5:20

अगमबक्‍तामैंइ पोंबै ताँ फाकर्बै आमैंन्,

१ तिमोथी 4:13

ङ आखन् समा म्हिमैंलाइ परमेश्‍वरए छ्वेर्बै ताँमैं खेमिंदै, सैं तोंबै ताँ बिमिंदै परमेश्‍वरए ताँ लोमिंसि चमैंए सैं भोंब् लमिंन्।

१ तिमोथी 5:20

खोंयोंइ बिलै पाप के लरिब्‍मैंलाइ ताँन् म्‍हिमैंए उँइँर हौदिद्। छ लस्‍याँ अरूमैं या ङ्हिंब्मुँ।

२ तिमोथी 2:21

छलेन खाबै या आछ्याँबै केउँइँले स्‍यो तसि परमेश्‍वर ङाँइ सैं एस्याँ च म्‍हि सै ल्हें फेबै भाँडो धों तब् ग। छलस्याँ च धिं क्ल्हेए ल्हागिर थे-थेबै केमैंर चैदिबै छ्याँबै भाँड धों तब्मुँ।

२ तिमोथी 2:25

ह्रोंसने आक्‍ह्रिब्‍मैंलाज्यै या छेनाले लोदा सैंदा लल् खाँब तल् त्‍हुम्। छ लस्याँ परमेश्‍वरजी चमैंए सैं एसि क्ह्रोंसेंन्बै ताँ क्होबै सैं पिंलै।

२ तिमोथी 3:10

दिलेया क्हिइमि ङइ लोमिंबै ताँमैं, ङए बानि ब्योर, ङइ लल् म्हैबै केमैं, ङए बिश्‍वास, ङइ पैंल् खाँबै ताँ, ङइ लबै म्हाँया नेरो दुःख सैदिबै शक्‍ति म्रोंइमुँ।

तीतस 1:13

चु क्‍ह्रोंसेंन्बै ताँ ग। छतसि चमैंलाइ बेल्‍ले हौदिद्। छले हौदिमा चमैं बिश्‍वासर भोंसि तरिगे,

तीतस 2:15

चु ताँन् ताँमैं लोमिंन्, हग मुँल्‍ले लोदा सैंदा लद्, पाप लब्‍मैंलाइ हौदिद्। धै क्हि फ्रेंसि तना निलेया खाबज्‍यै या क्‍हिलाइ म्हि आच्हिन् आलरिगे।

हिब्रू 13:22

ओ ङए अलि-अङाँमैं, क्हेमैंए ल्हागिरि ङइ चु रिन्ठि लोदा सैंदाए ताँमैं प्ह्रिइमुँ। गार आम्हाँदिल्‍ले ङिंन् ओ।

दर्शन 3:19

म्हाँया लब्मैंलाइ ङइ हौदिमुँ, धै तार झोंम्। छतसि भों लसि क्‍हिइ लबै पापउँइँले सैं एद्।