२ तिमोथी 3:9 - परमेश्‍वरए ताँ तमु क्युइर

⁹ दिलेया चमैंए स्‍योर ताँ ल्हें समा टिक्दिरिब् आरे। तलेबिस्याँ यान्‍नेस नेरो याम्‍ब्रेसए स्योलिबै ताँ ताँनइ सेब् धोंले चमैंए स्योलिबै ताँ या ताँनइ था सेब्मुँ।

२ तिमोथी 3:9 ပူးပေါင်းရင်းမြစ်များ

भजनमैं 76:10

क्ह्रोंसेंन् म्हिमैंने क्हिए ह्रिस खमा क्हिए मिंन् थेब् लब्मुँ; झाइले क्हिए ह्रिसउँइँले सोब्मैंइ आछ्याँबै के लब पिवाब्मुँ।

प्रस्थान 7:11

छतमा फारोज्यै या ह्रोंसए ह्रब सेब्मैं नेरो टुना मुना लब्मैं हुइबर कुलइ। धै च मिश्रर्बै जादु लब्मैंज्यै या ह्रों-ह्रोंसए न्होंर्बै सिपउँइँले छान् लइ।

प्रस्थान 7:12

ताँनइ ह्रों-ह्रोंसए प्हरे भ्योंवामा प्हुरि तयाइ। दिलेया हारूनए प्हरेइ चमैंए प्हरे क्ल्ह्‍योंवाइ।

प्रस्थान 9:11

जादु लब्मैं पोरइ लमा मोशाए उँइँर राल् आखाँ। तलेबिस्याँ जादु लब्मैंए ज्युर नेरो मिश्रीमैं ताँनए ज्युर पोर खल।

लूका 6:11

छ लब् म्रोंसि फरिसीमैं नेरो शास्‍त्रिमैं बेल्‍ले ह्रिस खसि चुलाइ तो लले बिसि खेमैं न्‍होंर मत लबर होंइ।

चेला चिब्मैंए केमैं 13:11

तारे ङ्‍ह्‍योद्, प्रभुए यो क्हिए फिर फेइमुँ! तारे क्हि तिस्याँदे समा त्हिंयाँए ह्‍वे म्रोंल् आखाँसि कन तयाब्मुँ।” छबिबै तोंदोंन् म्हस्यो नेरो मिछु खैबइ चए मि हुवाइ। छतमा खाबज्यै चए यो क्हासि डोरेमिंम् उ ङ्हाँसि च छाम-छुम् लबर होंइ।

२ तिमोथी 3:8

यान्‍नेस नेरो याम्‍ब्रेसइ मोशाए बिरोध लब् धोंले छाबै स्योलिबै ताँ लोमिंब्‍मैंइ क्ह्रोंसेंन्बै ताँए बिरोध लम्। छाबै म्हिमैं मदि न्होंयाब्मैं, बिश्‍वास लल् आखाँबै म्हिमैं ग।