२ तिमोथी 3:16 - परमेश्‍वरए ताँ तमु क्युइर

¹⁶ चु छ्वेर्बै ताँन् ताँ परमेश्‍वरए प्ल्हजी म्हिमैंने प्ह्रिबर ल्हैदिब् ग। छतसि चु छ्वेर्बै ताँमैं बेल्‍ले केर फेब् मुँ। क्‍ह्रोंसेंन्‍बै ताँ लोमिंबर, अर्थि बुद्धि पिंबर, न्होंह्‍याबै ताँमैं क्योंएँबर, छेनाले लोदा सैंदा लबर चु छ्वेर्बै ताँन् ताँमैं बेल्‍ले केर फेब् मुँ।

२ तिमोथी 3:16 ပူးပေါင်းရင်းမြစ်များ

भजनमैं 119:11

क्हिए बिरोधर ङइ पाप आलरिगे बिसि क्हिजी बिबै ताँमैं ङए सैं न्होंर जोगेसि थेंइमुँ।

भजनमैं 119:130

क्हिए ताँए अर्थ खोल्दिमिंमा ज्ञान बुद्धि योंमुँ, धै आह्र आसेब्मैं या ह्रब् सेब् तम्।

भजनमैं 119:9

फ्रेंसि म्हिइ आछ्याँबै केमैंउँइँले ह्रोंसलाइ खैले जोगेसि थेंल् खाँम्? क्हिए ताँइ बिब् धोंले प्रसिन् ग।

हितोपदेश 15:10

आछ्याँबै के लब्मैंइ थेबै दण्ड योंब्मुँ; धै लोदा सैंदाए ताँ आङिंबै म्हि सियाब्मुँ।

हितोपदेश 15:31

लोदा सैंदाए ताँ थेबै म्हि बुद्धि मुँब्मैंए थु ग।

हितोपदेश 6:23

तलेबिस्याँ चइ बिबै ताँमैं क्हिए ल्हागिर बत्ति ग, धै लोदा सैंदाए ताँमैं क्हिलाइ घ्याँ तेंबै ह्‍वे ग, धै बानि छ्याँब् तरिगे बिसि हौदिमा छ्याँबै छ्ह थोबर क्हिलाइ घ्याँ उँइँम्।

मत्ती 13:52

धबै येशूजी चमैंने बिइ, “छतसि स्वर्ग ग्याल्सर्बै ताँ योंबै ताँन् शास्‍त्रिमैं धिंर्बै क्‍ल्‍हे धोंन् तब् ग। च धिं क्‍ल्‍हेइ ह्रोंसए धनसारउँइँले छारा नेरो स्योब सैमैं बैरु तेल् खाँम्।”

मत्ती 21:42

येशूजी चमैंने बिइ, “परमेश्‍वरए छ्वेर प्‍ह्रिबै चु ताँ क्‍हेमैंइ आखेइमुँ वा? ‘धिं लब्‍मैंइ केर आफे बिसि भ्योंवाबै युँमान् धाँसे तेंर्बै क्र युँमा तइमुँ। चु परमेश्‍वरउँइँले तब् ग। ङ्योए उँइँर चु के आचम्‍मबै मुँ।’

मत्ती 22:43

येशूजी चमैंने बिइ, “छ बिस्‍याँ दाऊदइ परमेश्‍वरए पबित्र प्ल्हउँइँले खैले खीने प्रभु बिइ दि? तलेबिस्याँ दाऊदइ खीए बारेर छले बिइमुँ:

मत्ती 26:54

दिलेया ङइ छले ल्होमिंन् बिस्याँ, परमेश्‍वरए छ्वेर चु तलन् त्हुम् बिसि प्ह्रिबै ताँ खैले पूरा तल् खाँमुँ?”

मत्ती 26:56

तलेबिस्याँ अगमबक्‍तामैंइ प्‍ह्रिबै ताँ पूरा तरिगे बिसि छ तब् ग।” च तोदोंन् चेलामैं ताँन् खी वाथेंसि भौदिह्‍याइ।

मर्कूस 12:24

येशूजी चमैंने बिइ, “क्‍हेमैंइ परमेश्‍वरए छ्वेर्बै ताँ आक्हो, परमेश्‍वरए शक्‍ति या आसे। छतसि क्‍हेमैंइ ताँ आक्होबन् तइ, आङिं वा?

मर्कूस 12:36

परमेश्‍वरए पबित्र प्ल्हजी दाऊदने चु ताँ बिद् बिसि परमेश्‍वरजी कुल्मिंबै म्रुँए बारेर छ बिल, ‘ङइ क्‍हिए शत्तुरमैं क्‍हिए प्‍हले न्‍होंर आथेंन् समा क्‍हि ङए क्‍योलोउँइँ टिद्। बिसि याहवेहजी ङए प्रभुने बिल।’

यूहन्‍ना 10:35

छ्वेर्बै ताँमैं खोंयोंइ स्योर आत। छतसि खाबै ङाँर परमेश्‍वरए ताँ युमुँ, चमैंने देउतमैं बिम्।

यूहन्‍ना 3:20

तलेबिस्याँ दुष्‍ट के लब्मैंइ चारबै ह्‍वेलाइ आखो, तलेबिस्याँ खेंमैंइ लबै के म्‍हिमैंइ म्रोंवाब्मुँ बिसि चमैं चारबै ह्‍वेर आखा।

चेला चिब्मैंए केमैं 1:16

“ओ अलि-अङाँमैं, येशू क्हाब्मैंए घ्‍याँ उँइँमिंबै यहूदाए बारेर दाऊदए सुँउँइँले ओंसोंन् पबित्र प्ल्हजी बिमिंल। च छ्‍वेर प्ह्रिथेंबै ताँ ताँन् तखल् त्हुमल।

चेला चिब्मैंए केमैं 18:25

चइ मुक्‍ति पिंबै प्रभु येशूए बारेरर्बै ताँमैं सेल। चइ खों न्होंउँइँले भों खदै येशूए बारेर्बै ताँमैं छेनाले लोमिंब्रें लमल। छान् तलेया चइ यूहन्‍नाइ पिंबै बप्‍तिस्मा मत्‍त्रे था सेल।

चेला चिब्मैंए केमैं 20:20

क्हेमैंए ल्हागिर छ्याँब तबै ताँमैं ताँनए उँइँर बिमिंबर नेरो धिं-धिंर ह्‍यासि क्हेमैं लोमिंबर ङ लिलि आस्यो।

चेला चिब्मैंए केमैं 20:27

तलेबिस्याँ परमेश्‍वरजी ङ्योए ल्हागिर लमिंबै केमैंए बारेर ङइ क्हेमैंने तोन्दोंरि ताँ बिल् खाँइँमुँ।

चेला चिब्मैंए केमैं 28:25

छतसि चमैं खें-खेंमैंन् ताँ आक्‍ह्रिसि ह्‍याबि छेमा पावलइ चमैंने बिइ, “परमेश्‍वरए प्ल्हजी क्हेमैंए खेमैंने यशैया अगमबक्‍ताउँइँले बिमिंबै चु ताँ ठिकन् मुँल,

रोमी 15:4

ङ्योए आशालाइ बडिबर धै ङ्योए फिर तो तलेया सैदिबै भों पिंबर परमेश्‍वरए छ्वेर प्‍ह्रिबै ताँन् ताँ ङ्योलाइ लोमिंबर प्‍ह्रिब् ग।

रोमी 2:20

बुद्धि आरेब्‍मैंलाइ ङइ छ्याँबै ताँ लोमिंल् खाँम्, आक्होब्‍मैंलाइ ङइ छेनाले क्होमिंल् खाँम्। झाइले परमेश्‍वरए ठिम ङिने बालुन् मुँबइले क्होल् त्‍हुबै ताँन् ताँ ङइ सेइमुँ,” बिसि क्हि प्हैंसि पोंम्।

रोमी 3:2

ल्हें सैर चु केर फेम्! परमेश्‍वरजी ताँन् भन्दा ओंसों यहूदीमैंलाइन खीए पबित्र ताँ म्हाँदिबर पिंइ।

रोमी 4:23

“परमेश्‍वरजी चलाइ ठिक ठर्दिइ” बिबै ताँ चए ल्हागिर मत्‍त्रे प्‍ह्रिब् आङिं।

१ कोरिन्थी 12:7

खीए के ताँनइ म्रोंरिगे बिसि ताँनए फायदाए ल्हागिर्न पबित्र प्ल्हजी ताँन् म्हिमैंलाइ के लबै बरदान पिंइमुँ।

गलाती 3:8

परमेश्‍वरजी अरू ह्रेंमैंलासेया खीए फिर्बै बिश्‍वासर्न ठिक ठर्दिमिंब्‍मुँ बिबै ताँ ओंसोंन् छ्वेर प्ह्रिथेंल। छतसि परमेश्‍वरजी अब्राहामलाइ “क्‍हिउँइँलेन् ताँन् ह्रेंमैंइ आशिक योंब्‍मुँ” बिसि सैं तोंबै ताँ बिल।

२ तिमोथी 2:25

ह्रोंसने आक्‍ह्रिब्‍मैंलाज्यै या छेनाले लोदा सैंदा लल् खाँब तल् त्‍हुम्। छ लस्याँ परमेश्‍वरजी चमैंए सैं एसि क्ह्रोंसेंन्बै ताँ क्होबै सैं पिंलै।

२ तिमोथी 4:2

प्रभुउँइँले खबै सैं तोंबै ताँ म्हिमैंने बिप्रद्। खैतबै त्हर्न बिलैया प्रभुउँइँले खबै सैं तोंबै ताँमैं बिब्रें लद्। म्हिमैंलाइ अर्थि बुद्धि पिंन्। चमैंए सैं क्होबै ताँमैं लद्। आतबै ताँमैंर हौदिद् धै म्हिमैंलाइ छेनाले लोदा सैंदा लद्।

हिब्रू 11:1

बिश्‍वास बिब तो जा बिस्‍याँ ङ्योए सैंइ तो सैए फिर आशा थेंमुँ च सै क्ह्रोंसेंन तब्‍मुँ, धै मिइ आम्रोंलै या च सै योंब्‍मुँ बिसि भर लब् ग।

हिब्रू 3:7

छतसि पबित्र प्ल्हजी बिइमुँ, “तिंयाँ क्‍हेमैंइ परमेश्‍वरजी बिबै ताँ थेइबिस्‍याँ,

हिब्रू 4:12

परमेश्‍वरए ताँ सोगों मुँ धै खोंयोंन् बिलै के लरिम्, धै चु धार ङ्हिं मुँबै सेलाँ भन्दा छ्यारब् तम्। चुइ सो नेरो प्ल्हलाइ, चए जोर्नि-जोर्नि नेरो ह्रुइबए टों समा भाग भाग लसि क्योंजा चोंजा तल्‍ले थोंसि सैंर्बै ताँ नेरो बिचार जाँच लल् खाँम्।