२ तिमोथी 2:8 - परमेश्‍वरए ताँ तमु क्युइर

⁸ सिबउँइँले सोगों तइ खबै दाऊदए खलकर्बै प्रभु येशू ख्रीष्‍टलाइ मैंन्। ङइ बिबै सैं तोंबै ताँ खीए बारेर्न ग।

२ तिमोथी 2:8 ပူးပေါင်းရင်းမြစ်များ

मत्ती 1:1

चु येशूए खलकर्बै ताँ ग। येशू खीए खे, दाऊद म्रुँए हाँगउँइँले फिब् ग। दाऊद स्‍योंम्‍बै खे अब्राहामए हाँगउँइँले फिब् ग। च हाँगर्बै खेमैंए मिं छाब् मुँल:

लूका 24:46

येशूजी चमैंने बिइ, “‘परमेश्‍वरजी कुल्मिंबै म्रुँ ख्रीष्‍टजी दुःख नोल् त्‍हुम्, धै सिसि सोंरोर धबै सोगों तसि रेल् त्‍हुम्,’ बिसि परमेश्‍वरए छ्वेर प्‍ह्रिइमुँ।

चेला चिब्मैंए केमैं 13:23

परमेश्‍वरजी बाछा लब् धोंले दाऊदए सन्तानउँइँले इस्राएलीमैं जोगेमिंबै ल्हागिर खीजी येशूलाइ कुल्मिंइ।

चेला चिब्मैंए केमैं 2:24

सैवालेया परमेश्‍वरजी खी सिबउँइँले धबै सोगों लमिंइ। तलेबिस्याँ खी सिबै सिबन् तल् आखाँमल।

चेला चिब्मैंए केमैं 2:30

दिलेया दाऊद अगमबक्‍ता तबइले परमेश्‍वरजी फैबै बाछा धोंलेन् चए सन्तानउँइँले म्हि घ्रि चए क्ल्ह्‍योर म्रुँ तल् पिंब्मुँ बिसि खिइ ओंसोंन् था सेल।

रोमी 16:25

ङ्यो ताँनइ परमेश्‍वरए मिं थेब लले! खीजी क्‍हेमैंलाइ बिश्‍वासर भोंसि लमिंल् खाँम्। येशू ख्रीष्‍टउँइँले खबै सैं तोंबै ताँ ङइ बिप्रमा जुग जुग ओनोंन् लोथेंबै ताँ तारे छर्लङ्ग तसि ताँनइ सेइमुँ।

रोमी 2:16

छतमा निसाफ लबै त्हिंइर परमेश्‍वरजी येशू ख्रीष्‍टउँइँले म्‍हिमैंए सैं न्‍होंर्बै ताँमैंए निसाफ लब्‍मुँ। ङइ बिबै सैं तोंबै ताँइ बिब् धोंलेन् चु ताँ तब्मुँ।

१ कोरिन्थी 15:1

ओ अलि-अङाँमैं, ङइ क्हेमैंने बिमिंबै सैं तोंबै ताँए बारेर ङ क्‍हेमैंने धबै बिदा ङ्हाँइमुँ। चु सैं तोंबै ताँ क्‍हेमैंइ थेइ, धै भोंन्‍ले बिश्‍वास लरिइमुँ।

१ कोरिन्थी 15:4

म्‍हिमैंइ खीलाइ पाइ, दिलेया परमेश्‍वरए छ्वेर प्‍ह्रिब् धोंले सोंरोर परमेश्‍वरजी खीलाइ धबै सोगों लमिंइ।

२ थेसलोनिकी 2:14

ङिइ क्हेमैंने बिबै सैं तोंबै ताँउँइँले ङ्योए प्रभु येशू ख्रीष्‍टए मान क्हेमैंज्यै या योंरिगे बिसि परमेश्‍वरजी क्हेमैं हुइब् ग।

१ तिमोथी 1:11

च ठिक लोमिंबै ताँमैं बेल्‍ले छ्याँबै नेरो ताँनइ म्हाँदिल् त्हुबै परमेश्‍वरजी ङने पिंबै सैं तोंबै ताँने क्ह्रिम्।

१ तिमोथी 2:7

चु ताँमैंए ग्वाइ पिंबर्न परमेश्‍वरजी ङलाइ कुल्मिंबै चेला चिब तबर त्हाँइ। क्ह्रोंसेंन्बै ताँ था सेसि प्रभु येशूलाइ बिश्‍वास लरिगे बिसि अरू ह्रेंमैंलाइ लोमिंबर ङलाइ कुल्मिंइमुँ। ङ स्‍योर आते, चु क्ह्रोंसेंन्बै ताँ ग।

२ तिमोथी 1:8

छतसि प्रभुए क्ह्रोंसेंन्बै ताँमैंए ग्वाइ पिंबर फा आपिद्। ङ झेलर मुँबै ताँरै या फा आपिद्। बरु ङ्योए प्रभुउँइँले खबै सैं तोंबै ताँमैं बिप्रमा दुःखन् खलेया सैदिद्।

२ तिमोथी 2:7

ङइ बिबै चु ताँमैं छेनाले सैंर मैंन्, तलेबिस्याँ प्रभुजी क्हिलाइ चु ताँन् ताँमैंए अर्थ क्‍होमिंब्मुँ।

दर्शन 5:5

ङ छले क्रोमा ङ्हिस्युसे प्लि न्‍होंर्बै चिब घ्रिइ ङने बिइ, “आक्रोद्, ङ्ह्‍योद्! यहूदाए कुलर्बै सिंह, खी स्‍योंम्‍बै दाऊद म्रुँए खलगउँइँले फिब् ग। खीजी ट्होइमुँ। छतसि खीजीन् चु छाप ङि फोर्दिसि चु काउदए प्हैं प्ल्हल् खाँम्।”