२ थेसलोनिकी 3:8 - परमेश्‍वरए ताँ तमु क्युइर

⁸ ङिइ खाबलैया छलेन् तोइ आचल, खाबलै खर्ज आतरिगे बिसि ङिइ त्‍हिंयाँ म्‍हुँइँस के लमल।

२ थेसलोनिकी 3:8 ပူးပေါင်းရင်းမြစ်များ

हितोपदेश 31:27

ह्रोंसए परवा खै तरिइमुँ बिसि चइ छेनाले ङ्ह्‍योम्, धै खोंयोंन् बिलै चइ के लरिम्।

मत्ती 6:11

ङिलाइ तिंयाँ त्हिंइ ह्रोंसेबै चबै सै पिंनु।

चेला चिब्मैंए केमैं 18:3

चमैंनेन् टिसि के लइ, तलेबिस्याँ पावलइ धोंले चमैंज्यै या तम्बु बनेबै के लमल।

चेला चिब्मैंए केमैं 20:34

दिलेया ङए योइन ङला नेरो ङने मुँब्मैंए चैदिबै सैमैं योल् लइमुँ बिसि क्हेमैंइ सेइमुँ।

१ कोरिन्थी 4:12

चब-थुँबै ल्हागिर ङिइ ह्रोंसइन बेल्‍ले दुःख लमुँ। म्हिमैंइ ङिए फिर सराप झोंलेया ङिइ चमैंए फिर आशिकन् पिंमुँ। म्हिमैंइ ङिने खैन् ललेया ङि सैदिम्।

१ कोरिन्थी 9:4

छतसि कुल्मिंबै चेला चिबए के ङइ लसेरो चब् थुँबै खर्ज ङइ योंल् आत्हु वा?

२ कोरिन्थी 11:27

झाइले गारो केमैं लल् त्‍हुइ, ल्हें खे न्‍हरु च्‍हुइल् आयों, फो ख्रेंन्ले क्यु पिल्‍ले टिल् त्‍हुइ, ल्हें खे चल् आयोंल्‍ले, बास आयोंल्‍ले, क्वें खिल् आयोंल्‍ले टिल् त्‍हुइ।

२ कोरिन्थी 11:9

ङ क्‍हेमैं ङाँर मुँबै त्हेर ङलाइ मुइ चैदिमा ङइ क्‍हेमैंने तोइ खर्ज आह्रिल। बरु माकेडोनिया ह्‍युलउँइँले खबै अलिमैंइ ङए खाँचो पूरा लमिंइ। ङइ क्‍हेमैंलाइ ओंसों या तोइ सैरै या दुःख आपिंल, लिउँइँज्‍यै या तोइ दुःख पिंरिब आरे।

एफिसी 4:28

ह्‍योब्मैंइ तारेपिरु आह्‍योरिगे, बरु चमैंइ ह्रोंसए योइ बेल्‍ले दुःखले के लरिगे धै खाँचो तब्मैंलाइ पिंल् खाँरिगे।

१ थेसलोनिकी 2:9

ओ अलि-अङाँमैं, परमेश्‍वरउँइँले खबै सैं तोंबै ताँ क्हेमैंने बिमिंमा क्‍हेमैंलाइ तोइ दुःख आतरिगे बिसि चब-थुँबए ल्हागिर ङिइ त्‍हिंयाँ म्‍हुँइँस ह्रोंसइन बेल्‍ले के लइ बिब क्‍हेमैंज्यै सेइमुँ।

१ थेसलोनिकी 4:11

ङिइ क्हेमैंने ओंसोंन् बिब् धोंले, खाब‍ने या आप्‍होंनु, ह्रों-ह्रोंसए के लरिद्, धै ह्रोंसए के ह्रोंसजीन् लसि ह्रोंसए प्‍हलेर राबै भों लद्।

२ थेसलोनिकी 3:12

तारे छाबै म्हिमैंलाइ प्रभु येशू ख्रीष्‍टए मिंर ङिइ चु अर्थि पिंमुँ: चमैंइ चब-थुँबै ल्हागिर खुरूखुरू ह्रोंसैना के लरिगे धै ह्रोंसए कमैं चरिगे।