२ थेसलोनिकी 3:1 - परमेश्‍वरए ताँ तमु क्युइर

¹ ओ अलि-अङाँमैं, प्रभुउँइँले खबै सैं तोंबै ताँ क्हेमैंए म्हाँजोर तब् धोंले खन्तोंदोंन् बिप्रल् खाँरिगे धै म्हिमैंइ म्हाँदिरिगे बिसि ङिए ल्हागिरै या प्राथना लब्रें लद्।

२ थेसलोनिकी 3:1 ပူးပေါင်းရင်းမြစ်များ

भजनमैं 138:2

क्हिजी ह्रोंसए मिं नेरो क्हिए बाछामैं तोन्दोंरि सैमैंए फिर बेल्‍ले थेब लइमुँ। छतसि क्हिए पबित्र क्ल्ह्‍योउँइँ ङ तोसि क्हिलाइन फ्योब्मुँ, धै क्हि खोंयोंइ आनुबै म्हाँया लब नेरो ङइ भर लल् खाँबै परमेश्‍वर ग बिसि ङ क्हिए मिं थेब लब्मुँ।

मत्ती 9:38

छतसि रा-रोमैं खुबै म्रोंमैं कुल्‍मिंन् बिसि रोमैंए क्‍ल्‍हेने प्राथना लद्।”

लूका 10:2

येशूजी चमैंने बिइ, “मिंबै रोमैं ल्हें मुँ, दिलेया रोमैं खुबै म्रोंमैं बिस्याँ च्युगुदे मुँ। छतसि ‘रा-रोमैं खुबर म्रोंमैं कुल्मिंन्,’ बिसि रोमैंए क्‍ल्‍हेने प्राथना लद्।

चेला चिब्मैंए केमैं 12:24

दिलेया परमेश्‍वरए ताँ बडिदै खन्‍तोंदोंन् फेनेइ।

चेला चिब्मैंए केमैं 19:20

छले प्रभुए ताँ खन्तोंदोंन् फेनेसि बडिदै ह्‍याइ।

चेला चिब्मैंए केमैं 6:7

झाइले परमेश्‍वरए ताँ खन्तोंदोंन् फेनेइ, धै चेलामैं यरूशलेम तिगोंन् प्लिंइ। छतमा ख्रो पिंबै ल्हें खेगिमैंइ येशूए फिर बिश्‍वास लइ।

रोमी 15:30

ओ अलि-अङाँमैं, ङ्योए प्रभु येशू ख्रीष्‍टउँइँले नेरो खीए प्ल्हजी पिंबै म्हाँयाजी परमेश्‍वरने ङए ल्हागिरि ल्हें प्राथना लमिंन् बिसि ङ यो छ्युँ लमुँ।

१ कोरिन्थी 16:9

बिरोध लब्मैं ल्‍हेन् मुँलेया चुर सैं तोंबै ताँ बिमिंबै थेबै मौका ङइ योंइमुँ।

२ कोरिन्थी 1:11

चए ल्हागिरि क्‍हेमैंज्‍यै या ङिलाइ प्राथना लसि ल्होमिंल् त्हुम्। खीजी अझै ङिलाइ ल्होमिंब्‍मुँ। ल्हें म्‍हिमैंइ छले प्राथना लमिंमा खीजी प्राथना थेसि आशिक पिंब्‍मुँ। छतसि खीजी ङिलाइ ल्होमिंबइले ल्हें म्‍हिमैंइ परमेश्‍वरलाइ धन्‍यबाद पिंब्‍मुँ।

२ कोरिन्थी 13:11

ओ अलि-अङाँमैं, छेन्‍ले टिद् ओ, जय मसीह। ताँन् केमैं छेनाले लबै भों लदु, घ्रिइ-घ्रिए सैं क्होमिंबै के लदु, क्ह्रिसि टिदु, घ्रिइ-घ्रिलाइ सैदिदु। झाइले खीए म्हाँयाउँइँले ङ्योए सैं क्‍होल् लमिंबै परमेश्‍वर क्‍हेमैंने तब्‍मुँ।

कलस्सी 4:3

ख्रीष्‍टए बारेर्बै ओंसों था आसेबै छ्याँबै ताँ बिप्रबइले ङ चुर झेलर टिल् त्‍हुइ। छतसि परमेश्‍वरजी ङिलाइ च ताँ बिप्रबै छ्याँबै मौका पिंरिगे बिसि ङिए ल्हागिरै या प्राथना लद्।

१ थेसलोनिकी 1:5

तलेबिस्याँ ङिइ क्हेमैंने सैं तोंबै ताँ ओंसोंन् बिमिंमा ङिए सुँइ मत्‍त्रे पोंब आङिं, परमेश्‍वरए पबित्र प्ल्ह नेरो भोंउँइँले बिब् ग। चु ताँ क्ह्रोंसेंन् ग बिब सैं न्‍होंर था सेसि ङि क्‍हेमैं ङाँर युइ। क्‍हेमैंए म्‍हाँजोर टिमा क्‍हेमैंए ल्हागिर्न ङिइ खैले त्हिंइ थोल बिसि क्‍हेमैंज्यै सेइमुँ।

१ थेसलोनिकी 1:8

तलेबिस्याँ क्‍हेमैंउँइँले प्रभु येशूए बारेर्बै ताँ माकेडोनिया नेरो अखैया तिगोंन् फेइ। च मत्‍त्रे आङिं, क्हेमैंइ परमेश्‍वरए फिर बिश्‍वास लसि म्हाँदिबै ताँ खन्तोंदोंन् थेनेइमुँ। छतसि ङिइ म्‍हिमैंने त्‍होसि क्‍हेमैंए बारेर तोइ बिरिल् आत्‍हु।

१ थेसलोनिकी 2:1

ओ अलि-अङाँमैं, ङि क्‍हेमैं ङाँर खबै केर च्होइ बिब क्हेमैंइ सेइमुँ।

१ थेसलोनिकी 2:13

धै ङिइ क्‍हेमैंने परमेश्‍वरए ताँ बिमिंमा क्‍हेमैंइ “चु क्‍ह्रोंसेंन परमेश्‍वरए ताँ मुँन” बिसि छेनाले थेसि सैं तोंन्‍ले क्‍वेंइ। चु ताँ म्‍हिइ बिबै ताँ आङिं, परमेश्‍वरजी बिबै ताँ क्‍हेमैंइ म्हाँदिइ। धै क्हेमैंए सैंरि परमेश्‍वरजी के लइनमुँ। छतसि ङिइ खोंयोंइ बिलै परमेश्‍वरलाइ धन्‍यबाद पिंरिम्।

१ थेसलोनिकी 4:1

ओ अलि-अङाँमैं, आखिरि ताँ तो मुँ बिस्‍याँ, क्हेमैंइ छ्ह खैले थोल् त्हुमुँ धै परमेश्‍वरए सैं खैले तोंन् लल् त्हुम् बिबै ताँ क्हेमैंइ ङिउँइँले लोइमुँ। छतसि ओंसोंन् लोब् धोंले क्हेमैंइ लसिन् मुँ, अझै छलेन् छ्ह थोदै ह्‍याद् बिसि ङि प्रभु येशूए मिंर क्हेमैंने यो छ्युँ लसि अर्थिमैं पिंम्।

१ थेसलोनिकी 5:17

खोंयोंन् बिलै परमेश्‍वरने प्राथना लरिद्।

१ थेसलोनिकी 5:25

ओ अलि-अङाँमैं, ङिए ल्हागिरै या प्राथना लमिंन्।

२ तिमोथी 2:9

ङइ चु सैं तोंबै ताँ अरू म्हिमैंने बिमिंबै लमा ङ अप्रादिमैं धोंले सँउँलिइ फैसि दुःख नोल् त्‍हुइमुँ। दिलेया परमेश्‍वरए ताँम् खाबज्यै या फैथेंल आखाँ।