२ पत्रुस 3:14 - परमेश्‍वरए ताँ तमु क्युइर

¹⁴ छतसि ओ ङए थुमैं, च त्हिंइ खोंयों तब् ङ्‍हे बिसि क्हेमैं खीए घ्‍याँ ङ्ह्‍योब्मैं ग। छतसि प्रभुए उँइँर तोइ खोट नेरो छ्याब् आरेब् तसि ताँनने क्ह्रिसि टिबै भों लद्।

२ पत्रुस 3:14 ပူးပေါင်းရင်းမြစ်များ

मत्ती 24:26

“चमैंइ क्‍हेमैंने ‘प्रभु क्यु आयोंबै क्ल्ह्‍योर मुँ!’ बिस्याँ क्‍हेमैं बैरु त्होंसि आह्‍याद्। ‘प्रभु धिं न्‍होंर मुँ’ बिलेया क्‍हेमैंइ आक्‍वेंन्।

मत्ती 25:7

छ बिब् थेसि च कन्येमैं च्यु छोरसि ह्रों-ह्रोंसए बत्ति सफा लसि छ्युगु झोंबर होंइ।

लूका 12:43

धिं क्‍ल्‍हे एखमा ह्रोंसजी ल्‍हैदिबै के केब्छैंइ छेनाले लरिब स्‍याइबिस्‍याँ च केब्छैंइ स्याबासि योंब्‍मुँ!

लूका 2:29

“ओ प्रभु, तोगो क्‍हिजी ङने बिबै ताँ पूरा लमिंइमुँ, तारे ङ छेनाले सि‍याल् खाँम्।

१ कोरिन्थी 1:8

ङ्योए प्रभु येशू ख्रीष्‍ट युबै त्हिंइर क्‍हेमैंलाइ तोइ छ्याब् आरेब लमिंरिगे बिसि खीजीन् लिउँइँ समा क्हेमैंए बिश्‍वासर भोंब लमिंब्मुँ।

१ कोरिन्थी 15:58

छतसि ओ ङइ खोबै अलि-अङाँमैं, क्हेमैं छाइ-छुइ आतल्‍ले भोंन्ले टिद्। खोंयोंन् बिलै प्रभुए के लरिद्। तलेबिस्याँ प्रभुए ल्हागिर लबै के फाक्‍कर्न आत बिबै ताँ क्‍हेमैंइ सेइमुँ।

फिलिप्पी 1:10

छले क्हेमैंइ ज्ञान नेरो बुद्धि योंसि छ्याँबै ताँ सेल् खाँरिगे, धै येशू ख्रीष्‍ट युबै त्हिंइर क्‍हेमैंने तोइ छ्याब् आम्रोंरिगे।

फिलिप्पी 2:15

छले क्‍हेमैं तोइ छ्याब् आरेब तसि परमेश्‍वर ङो आसेब्मैंए म्हाँजोर तोइ खोट आरेबै परमेश्‍वरए सन्तान तद्। छतस्याँ परमेश्‍वर ङो आसेब्मैंए उँइँर क्‍हेमैं मुसारा धोंले चारब्मुँ।

फिलिप्पी 3:20

दिलेया ङ्योए नागरिकता स्वर्गर मुँ। छतसि ङ्योलाइ मुक्‍ति पिंबर स्वर्गउँइँले युबै प्रभु येशू ख्रीष्‍टए घ्याँ ङ्यो ङ्‍ह्‍योरिम्।

१ थेसलोनिकी 3:13

खीजी क्हेमैंलाइ भोंब् लमिंब्मुँ, धै प्रभु येशू खीए म्हिमैंने बालु धबै चु ह्‍युलर युमा क्हेमैं ङ्योए परमेश्‍वर आबाए उँइँर बेल्‍ले छ्याँब खोट आरेब तब्मुँ।

१ थेसलोनिकी 5:23

शान्ति पिंबै परमेश्‍वरजी ताँन् सैर क्‍हेमैंलाइ पबित्र लमिंरिगे, धै ङ्योए प्रभु येशू युबै त्हेर क्हेमैंए ज्यु, सैं, खों, बेल्‍ले छ्याँब नेरो खोट आरेब तरिगे।

१ तिमोथी 6:14

ङ्योए प्रभु येशू ख्रीष्‍ट आयुन् समा ङइ क्हिने लद् बिबै केमैं ताँन् छेनाले लद्। आगुइ ताँ सेन् छेबै केमैं आतरिगे।

हिब्रू 9:28

छलेन ल्‍हें म्‍हिमैंए पाप त्होमिंबर ख्रीष्‍ट या तिब्‍ले ख्रो तसि सिमिंइ। दिलेया खी धबै युब्‍मुँ। च त्हेर खी म्हिमैंए पाप त्होमिंबै ल्हागिर आङिं, दिलेया सैं तोंदै खीलाइ ह्रेरिब्मैंलाइ जोगेमिंबर युब्‍मुँ।

याकूब 1:27

बरु ङ्योए परमेश्‍वर आबाजी खोबै केमैं चुन् ग: टार-टोरमैं नेरो म्हरेस्योमैंए दुःखर ल्होमिंब, धै ह्रोंसै या चु ह्‍युलर्बै पाप केउँइँले ह्रेंगो टिब।

१ पत्रुस 1:7

च दुःखमैं तले तम् बिस्याँ क्‍हेमैंइ छेनाले बिश्‍वास लन उ आलन बिसि तब् ग। मारा मिर ख्रोंसि जाँच लब् धोंले क्‍हेमैंलाज्यै या जाँच लब् ग, दिलेया क्‍हेमैंए बिश्‍वास नास तयाबै मारा भन्दा सै ल्हें फेम्। छतसि येशू ख्रीष्‍ट एयुबै त्हिंइर क्‍हेमैंए बिश्‍वास बेल्‍ले छ्याँब तसि क्हेमैंइ स्याबासि, मान नेरो छ्याँबै बयन योंब्मुँ।

२ पत्रुस 3:1

ओ ङए खोबै थुमैं, ङइ धबै क्‍हेमैंलाइ चु प्ह्रिछ्या प्ह्रिइमुँ। क्‍हेमैंए सैंर खोंयोंन् बिलै छ्याँबै ताँ खरिगे बिसि क्‍हेमैंइ म्‍लेयाबै ताँमैं धबै मैंल् लमिंबर ङइ चु प्ह्रिछ्या ङ्हिंना-ङ्हिंनर्न क्हेमैंए सैंर भों खल् लमिंबै ताँमैं प्ह्रिइमुँ।

२ पत्रुस 3:16

पावलइ चु ताँए बारेर खीए ताँन् प्ह्रिछ्यारि छले प्ह्रिइमुँ। प्ह्रिछ्यार मुँबै को-कोइ ताँमैं क्‍होब गारो मुँ। छतसि दे आखेब्‍मैं नेरो क्‍होबै सैं आलब्‍मैंइ चु ताँलाज्यै अरू छ्वेर्बै ताँमैं धोंलेन् लिग्याँने उग्याँ लवाम्। धै चमैंइ ह्रोंसए फिर्न नास पखम्।

१ यूहन्‍ना 3:3

धै ख्रीष्‍टए फिर छाबै आशा थेंब्मैं ख्रीष्‍ट पबित्र मुँब् धोंले पबित्रले प्रम्।