२ यूहन्‍ना 1:8 - परमेश्‍वरए ताँ तमु क्युइर

⁸ क्हेमैंइ स्वर्गर्बै इनाम योंबै ल्हागिर के लरिइमुँ। छतसि च इनाम आम्हरिगे, बरु ताँन् इनाम योंरिगे बिसि न्ह क्रों मि क्रोंले टिद्।

२ यूहन्‍ना 1:8 ပူးပေါင်းရင်းမြစ်များ

मत्ती 24:4

येशूजी चमैंने बिइ, “खाबज्यै क्हेमैंए सैं ङ्हिरि आलरिगे बिसि न्हक्रो मिक्रोले टिद्।

मर्कूस 13:23

छतसि क्‍हेमैं न्हक्रों मिक्रोंले टिद्। प्‍हँना लिउँइँ तबै तोन्दोंरि ताँमैं ङइ ओंसोंन् क्‍हेमैंने बिमिंइमुँ।

मर्कूस 13:9

“क्‍हेमैं ह्रोंसए ल्हागिरि न्ह क्रों मिक्रोंले टिद्। तलेबिस्याँ म्‍हिमैंइ क्‍हेमैं क्‍हासि म्हि च्होंए उँइँर बोब्‍मुँ, झाइले च्हों धिंजरे क्‍हेमैं धोंब्‍मुँ। ङए फिर बिश्‍वास लबइले क्हेंमैंइ ङए बारेर ग्वाइ पिंबर क्रथेमैं नेरो म्रुँमैंए उँइँर राल् त्हुब्मुँ।

लूका 19:19

“झाइले म्रुँइ चलाज्यै या बिइ, ‘क्‍हि सहर ङ्‍हए फिर क्ल्हे तल् योंब्मुँ।’

लूका 21:8

येशूजी बिइ, “न्ह क्रों मि क्रोंले टिद्, क्हेमैंलाइ खाबज्यै लुल् आखाँरिगे। ल्‍हें म्हिमैं ङए मिं किंसि खब्मुँ, ‘ङ परमेश्वरजी कुलबै म्रुँ ख्रीष्‍ट ग’ बिब्‍मुँ, झाइले अरू म्हिमैंइ ‘ख्रीष्‍ट युबै त्‍हे चेंदो तखइमुँ’ बिब्‍मुँ, दिलेया चमैंए लिलि आल्‍हैदिद्, चमैंइ बिब आङिंन्।

यूहन्‍ना 4:36

बालि खैंब्मैंइ नों सै योंब्‍मुँ, धै खोंयोंइ आखाँबै छ्ह योंबै ल्हागिर बालि खागु लम्, झाइले प्लुब्मैं नेरो खैंब्मैं ङ्हिंना ङ्हिंन् सैं तोंब्मुँ।

१ कोरिन्थी 15:8

धाँसे लिउँइँ ङ ला आयोल्‍ले फिबै कोलो धों तब्ने या प्रभु त्‍होखइ।

१ कोरिन्थी 3:14

छतसि च तेंए फिर म्हिमैंइ झोंबै गारा मिइ जाँच लमा खाब्मैंए गारा मिइ आख्रों चमैंइ इनाम योंब्‍मुँ।

१ कोरिन्थी 3:8

प्‍लु प्‍लुबै म्‍हि नेरो क्‍यु झोंबै म्‍हिए के घ्रिन् ग। चमैंइ लबै के अनुसार्बै नों सै परमेश्‍वरजी चमैंलाइ पिंब्मुँ।

गलाती 3:4

तिंयाँ समा च्‍हौ ल्‍हें दुःख क्‍हेमैंइ फाक्‍कर्न योंइ वा? क्हेमैंइ योंबै दुःख फाक्‍कर्न आतरिगे!

गलाती 4:11

छतसि ङ न्हुँ खइमुँ! ङए सैंरम् क्‍हेमैंए ल्हागिर ङइ के लब फाक्‍कर्न तइ ङ्हाँइमुँ।

फिलिप्पी 3:16

छतसि ङ्यो खैले चु समा खइ, छलेन ओंसों बडिदै ह्‍याले।

हिब्रू 10:32

च ह्‍याबै त्हिंइमैं मैंन्, परमेश्‍वरए चारबै ह्‍वे योंबै लिउँइँ खैबै दुःख योंलेया क्हेमैं बिश्‍वासर भोंसि तइ टिल।

हिब्रू 10:35

छतसि क्‍हेमैंइ लबै बिश्‍वास आपिद्, क्हेमैंए ल्हागिर थेबै इनाम मुँ।

हिब्रू 12:15

परमेश्‍वरए दयाम्हाँया आयोंब खाबै आतरिगे बिसि न्ह क्रों मि क्रों तद्। आक्ह्रिबै लमा क्हेमैंए न्होंरि फ्रेब् प्ह्राब् आतरिगे। आस्याँ ल्हें म्हिमैं पापर च्होयाब्मुँ।

दर्शन 3:11

ङ युनन् युम्। क्हेमैंइ ट्होसि योंल् त्हुबै इनाम खाबज्‍यै क्हेमैंउँइँले प्‍हेंइ बोल् आखाँरिगे बिसि क्हेमैंइ तो ताँर बिश्‍वास लइमुँ, च ताँर्न अझै छेनाले बिश्‍वास लद्।