२ यूहन्‍ना 1:2 - परमेश्‍वरए ताँ तमु क्युइर

² तलेबिस्याँ च क्ह्रोंसेंन्‍बै ताँ ङ्योने बालु टिम्, झाइले खोंयोंन् बिलै ङ्योने टिरिब्मुँ।

२ यूहन्‍ना 1:2 ပူးပေါင်းရင်းမြစ်များ

यूहन्‍ना 14:16

झाइले ङ आबाने यो छ्युँ लब्मुँ, धै खीजी क्हेमैं ङाँर अर्को ल्होमिंबै थु कुलब्मुँ। धै खी क्हेमैंने खोंयोंन् बिलै तरिब्‍मुँ।

यूहन्‍ना 15:7

क्‍हेमैं ङने टिइ बिस्याँ, धै ङए ताँ क्हेमैंए सैं न्होंर थेंइ बिस्याँ, क्हेमैंइ तो ह्रिदा ङ्हाँमुँ ह्रिद्, परमेश्‍वरजी क्हेमैंए ल्हागिर पिंब्मुँ।

१ कोरिन्थी 9:23

चु सैं तोंबै ताँ खन्तोंदोंन् फेनेरिगे धै चु ताँउँइँले योंबै आशिक ङज्यै या योंरिगे बिसि ङइ छ लम्।

२ कोरिन्थी 4:5

ङिइ ह्रोंसए ताँ आबि, दिलेया येशूए ल्हागिर ङि क्‍हेमैंए केब्छैंमैं धोंन् तसि येशू ख्रीष्‍टन् प्रभु ग बिबै ताँ ङि बिप्रम्।

कलस्सी 3:16

ख्रीष्‍टउँइँले खबै सैं तोंबै ताँ क्‍हेमैंए सैं न्होंर थेंन्। बेल्‍ले बुद्धि मुँल्‍ले घ्रिइ घ्रिलाइ लोमिंसि अर्थि पिंन्। खों न्होंउँइँले धन्यबाद पिंसि परमेश्‍वरए मिं क्वेबै ल्हागिर भजन, क्वेमैं नेरो पबित्र प्ल्हजी पिंबै क्वेमैं प्रिंसि सैं न्होंउँइँले खीए मिं क्वेद्।

२ तिमोथी 1:5

छल कपट तोइ आरेबै क्हिए क्ह्रोंसेंन्बै बिश्‍वास ङइ मैंमुँ। चु बिश्‍वास ओंसों क्‍हिए बुज्‍यू लोइस नेरो क्‍हिए आमा युनिसने या मुँल। चमैंइ लब् धों तबै बिश्‍वास तोगो क्‍हिज्यै या लइमुँ बिब ङइ सेइमुँ।

२ पत्रुस 1:12

चु ताँन् ताँमैं क्‍हेमैंइ सेलेया, क्‍हेमैंने मुँबै चु क्ह्रोंसेंन्बै ताँर क्‍हेमैं दर मुँलेया, क्हेमैंइ चु ताँ आम्‍लेरिगे बिसि ङइ चु ताँमैं क्‍हेमैंने खोंयोंइ बिरिब् ग।

१ यूहन्‍ना 1:8

दिलेया ङ्योइ ह्रोंसने पाप आरे बिम् बिस्याँ, ङ्योइ ह्रोंसलाइन धोका पिंम्, धै ङ्यो क्ह्रोंसेंन्बै ताँ आपोंबै स्योर्गुमैं तम्।

१ यूहन्‍ना 2:14

ओ चिबनाँब्मैं, ओंसों ओंनोंन् मुँबै परमेश्‍वरलाइ क्‍हेमैंइ ङो सेइमुँ, छतसि ङइ क्हेमैंलाइ चु ताँ प्‍ह्रिरिइमुँ। ओ फ्रेंसिमैं, क्‍हेमैं भोंब मुँ, धै क्‍हेमैंए खोंर परमेश्‍वरए बचन थेंइमुँ, धै क्‍हेमैंइ दुष्‍टलाइ ट्होइमुँ, छतसि ङइ क्हेमैंलाइ चु ताँ प्‍ह्रिरिइमुँ।

१ यूहन्‍ना 2:17

चु ह्‍युल नेरो म्‍हिमैंइ म्हाँया लबै सैमैं ताँन् नास तयाम्, दिलेया परमेश्‍वरए सैंर मैंब् धों तबै के लब्मैं खोंयोंन् बिलै तरिम्।