२ यूहन्‍ना 1:10 - परमेश्‍वरए ताँ तमु क्युइर

¹⁰ छतसि क्‍हेमैं ङाँर खबै म्हिमैंइ खीजी बिब् धोंले खीए ताँ आलोमिं बिस्याँ, छाबै म्हिमैंलाइ क्‍हेमैंए धिंर मान आलद्, जय मसीह या आलद्।

२ यूहन्‍ना 1:10 ပူးပေါင်းရင်းမြစ်များ

उत्पत्ति 24:12

झाइले चइ सैं न्हों-न्हों प्राथना लइ। “ओ ङए क्ल्हेए याहवेह परमेश्‍वर, ङए फिर ल्हयो खसि तिंयाँ ङए के छ्याँब् लमिंन्। झाइले ङए क्ल्हे अब्राहामए फिरै या ल्हयो खमिंन्।

भजनमैं 129:8

“याहवेहए आशिक क्हिए फिर तरिगे! याहवेहए मिंर ङिइ क्हिलाइ आशिक पिंम्!” बिसि च घ्याँ तसि ह्‍याब्मैंइ आबि।

चेला चिब्मैंए केमैं 15:23

झाइले बिश्‍वासीमैंइ पिमिंबै प्ह्रिछ्यार चु छाबै ताँमैं मुँल: “एन्‍टिओखिया, सिरिया नेरो किलिकियार मुँबै येशूए फिर बिश्‍वास लबै अरू ह्रेंर्बै अलि-अङाँमैंलाइ कुल्मिंबै चेला चिब्मैं नेरो एल्डरमैंउँइँले जय मसीह मुँ।

१ कोरिन्थी 16:22

प्रभुलाइ म्हाँया आलबै म्हिइ सराप योंरिगे। ओ प्रभु यु।

१ कोरिन्थी 5:11

ङइ बिल् म्हैबै ताँ तो जा बिस्‍याँ, “ङ प्रभु येशूए फिर बिश्‍वास लबै म्हि ग” बिमुँ दिलेया चइ आछ्याँबै केमैं, व्यभिचार, लोबि, कु पूजा लब, गाल् केब, प्हा को तब, ह्‍योब, छाबै के लइबिस्‍याँ चने बालु प्रब्-टिब आलद्।

२ थेसलोनिकी 3:14

ङिइ चु प्ह्रिछ्यार प्‍ह्रिबै ताँ खाबै आङिं, च म्हिलाइ छेन्‍ले ङो सेथेंन्। च फा पिन् तरिगे बिसि चने प्रब-टिब ने पोंब आलद्।

२ थेसलोनिकी 3:6

ओ अलि-अङाँमैं, ङ्योए प्रभु येशू ख्रीष्‍टए मिंर ङिइ क्हेमैंने बिमुँ: ङिइ क्हेमैंने लोमिंबै ताँर आप्रबै प्ल्हेउ अलि-अङाँमैंउँइँले स्‍योले टिद्।

तीतस 3:10

म्‍हिमैंए न्होंरि आक्ह्रिसि फ्रेवाबै म्हिलाइ तिखे ङ्हिखे समा “छाबै के आलद्” बिद्, च्‍हौ बिसेया आङिं बिस्‍याँ चने तोइ केरै या बालु आप्रद्।

२ यूहन्‍ना 1:11

तलेबिस्याँ छाबै म्हिमैंलाइ जय मसीह लइ बिस्याँ, चमैंइ लबै आछ्याँबै केर क्‍हेमैं या क्ह्रिब् धोंन् तम्।

३ यूहन्‍ना 1:10

छतसि ङ चर खसि चइ लबै केमैंए बारेर ताँ रेब्‍मुँ। ङ्योए बिरोधर चइ आछ्याँबै ताँ पोंप्रम्, च्‍हौ मत्‍त्रे आङिं सैं तोंबै ताँ बिप्रबै बिश्‍वासी अलिमैंलाज्यै या चइ धिंर मान आल। चमैंलाइ मान लल् म्‍हैब्‍मैंलाज्यै या चइ छ आलद् बिसि चमैंलाइ मण्डलीउँइँले बैरु तेवाम्।