२ कोरिन्थी 9:8 - परमेश्‍वरए ताँ तमु क्युइर

⁸ क्हेमैंने बालु खोंयोंन् बिलै तोन्दोंरि सै छ्येज्याल्हुल्हुले तरिगे, धै छ्याँबै केए ल्हागिर क्हेमैंइ ल्हें ल्हें पिंल् खाँरिगे बिसि परमेश्‍वरजी क्‍हेमैं ताँनलाइ आशिक् पिंल् खाँम्।

२ कोरिन्थी 9:8 ပူးပေါင်းရင်းမြစ်များ

भजनमैं 84:11

तलेबिस्याँ याहवेह परमेश्‍वर त्हिंयाँ नेरो ढाल ग; याहवेहजी दयाम्हाँया लमुँ धै मान इजेत पिंम्; ठिक घ्याँर प्रब्मैंलाइ खीजी ताँन् छ्याँबै सैमैं पिंब्मुँ।

हितोपदेश 10:22

याहवेहए आशिकइ क्हि प्लब तम्, धै क्हिए फिर दु:ख तल् पिंरिब् आरे।

हितोपदेश 11:24

सैं प्ल्हसि पिंबै म्हिइ मुइ झन ल्हें योंब्मुँ; दिलेया ह्रोंसने मुँन-मुँन् पिंल् आखाँबै म्हि झन् ङ्‍हाँदु तदै ह्‍याम्।

हितोपदेश 28:27

ङ्हाँदुमैंलाइ पिंबै म्हिल तो सैरैया आयों-आख्युब तरिब् आरे, ङ्हाँदुमैंलाइ आपिंबै म्हिए फिर सराप खब्मुँ।

हितोपदेश 3:9

क्हिए सै न्होर नेरो म्रोंउँइँले खबै रा-रोए फुइ याहवेहए मिंर थेंसि खीए मान लद्;

चेला चिब्मैंए केमैं 9:36

योप्‍पा बिबै नाँसर तबिता बिब येशूए फिर बिश्‍वास लबै च्हमिरि घ्रि मुँल। ग्रिक क्युइर चने डोरकास बिमल। चइ छ्याँबै केमैं लब् नेरो ङ्हाँदुमैंए खाँचोमैं टार्दिमिंब्रें लमल।

१ कोरिन्थी 15:58

छतसि ओ ङइ खोबै अलि-अङाँमैं, क्हेमैं छाइ-छुइ आतल्‍ले भोंन्ले टिद्। खोंयोंन् बिलै प्रभुए के लरिद्। तलेबिस्याँ प्रभुए ल्हागिर लबै के फाक्‍कर्न आत बिबै ताँ क्‍हेमैंइ सेइमुँ।

२ कोरिन्थी 13:3

छतसि ङउँइँले ख्रीष्‍ट पोंम् उ आपों बिब क्‍हेमैंइ प्रमाण म्हैम् बिस्याँ छेनाले मैंन्, ख्रीष्‍टजी क्‍हेमैंए म्हाँजोर खाबलाज्यै आफेलल्‍ले निसाफ लमा खी आभोंब् तरिब् आरे, खी बेल्‍ले भोंब् तब्मुँ।

२ कोरिन्थी 8:19

च्हौ मत्‍त्रे आङिं, प्रभुए मिं थेब् तबै के लबै ल्हागिर नेरो ङिलाइ ल्होबर ताँन् क्‍ल्‍ह्‍योर्बै बिश्‍वासीमैंइ ङिने ह्‍यारिगे बिसि चलाइ त्‍हाँइ।

२ कोरिन्थी 8:2

चमैंए फिर थेबै दुःख तनबिलेया, चमैं बेल्‍ले ङ्हाँदुमैं मुँलेया चमैंइ बेल्‍ले सैं तोंदै थेबै सैं लसि अरूमैंलाइ ल्होबै ल्हागिर भेटि पिंइ।

२ कोरिन्थी 8:7

क्‍हेमैं तोन्दोंरि सैर ओंसों बडिदै ह्‍याइमुँ: प्रभु येशूए फिर बिश्‍वास लबर, छेनाले ताँ पोंबर, ज्ञानर, भों खल्‍ले छ्याँबै के लबर, ङिए फिर म्हाँया लबर। छलेन छाबै छ्याँबै केमैं क्‍हेमैंइ ल्हें लरिगे बिब ङिए सैं मुँ।

२ कोरिन्थी 9:11

छलेन क्‍हेमैंइ ताँन् छ्याँबै केर भेटि पिंल् खाँरिगे बिसि खीजी खोंयोंन् बिलै क्‍हेमैंलाइ योबा-ख्‍युबा लमिंब्‍मुँ। क्‍हेमैंइ पिंबै भेटि ङिए योउँइँले ङ्हाँदुमैंइ योंमा चमैंइ परमेश्‍वरलाइ धन्‍यबाद पिंब्‍मुँ।

एफिसी 2:10

परमेश्‍वरजी ङ्योलाइ ख्रीष्‍टने घ्रिन् तल् पिंसि छ्याँबै के लरिगे बिसि बनेब् ग। ङ्योइ च छ्याँबै केमैं लरिगे बिसि ओंसों ओंनोंन् खीजी च केमैंए तौदु लथेंइ।

एफिसी 3:20

ङ्योइ ह्रिब् भन्दा, ङ्योइ मैंब् भन्दा थेबै केमैं परमेश्‍वरजी लल् खाँम्। खीजी च के खीए शक्‍तिजी ङ्योए सैं न्‍होंर्न लम्।

फिलिप्पी 4:11

खाँचो तइ बिसि ङइ छ बिब आङिं, तलेबिस्याँ ङए फिर खैबै दुःख तलेया सैं तोंब ङइ लोइमुँ।

कलस्सी 1:10

च क्होस्याँ क्‍हेमैंइ प्रभुए सैं तोंन् लसि खीजी खोबै छ्ह थोब्मुँ, धै क्‍हेमैंइ ताँन् खालर्बै छ्याँबै के लमा क्‍हेमैं छ्याँबै रो रोबै धुँ धों ततै परमेश्‍वरए ज्ञानर बडिदै ह्‍याब्मुँ।

२ थेसलोनिकी 2:17

क्‍हेमैंए सैं भोंब लमिंरिगे धै तोन्‍दोंरि छ्याँबै केमैं लबर नेरो छ्याँबै ताँमैं पोंबर ल्होमिंरिगे बिसि ङइ प्राथना लमुँ।

२ तिमोथी 2:21

छलेन खाबै या आछ्याँबै केउँइँले स्‍यो तसि परमेश्‍वर ङाँइ सैं एस्याँ च म्‍हि सै ल्हें फेबै भाँडो धों तब् ग। छलस्याँ च धिं क्ल्हेए ल्हागिर थे-थेबै केमैंर चैदिबै छ्याँबै भाँड धों तब्मुँ।

२ तिमोथी 3:17

परमेश्‍वरजी कुल्मिंबै म्‍हि ताँन् छ्याँबै के लल् खाँसि छ्याँबै म्हि तरिगे बिसि खीजी चु छ्वे पिंब् ग।

तीतस 2:14

येशू ख्रीष्‍टजी ङ्योइ लबै ताँन् पापउँइँले जोगेमिंबर सै फोसि खामिंइ। छ्याँबै के लबै ह्रोंसए चोखो म्हिमैं तरिगे बिसि ह्रोंसन् ङ्योए ल्हागिरि सिमिंइ।

तीतस 3:14

ङ्योए म्‍हिमैंइ छ्याँबै केमैं लब लोरिगे, धै खाँचो तखबै त्हेर चमैंइ अरूमैं ल्होमिंल् खाँरिगे, छले चमैंए छ्ह छेनाले थोरिगे।

तीतस 3:8

च ताँनइ क्वेंल् त्हुबै ताँ ग। चु ताँ क्‍हिइ छेनाले लोमिंरिगे बिब ङए सैं मुँ। परमेश्‍वरए फिर बिश्‍वास लब्मैंइ छ्याँबै केमैं खोंयोंन् बिलै लबर न्ह क्रों मि क्रों तल् त्हुम्, बिद्, तलेबिस्याँ चु ताँमैं म्‍हिमैंए ल्हागिर बेल्‍ले केर फेब् मुँ।

१ पत्रुस 4:10

परमेश्‍वरए दयाम्हाँयाइ क्हेमैंइ तो-तो बरदान योंइमुँ, च बरदान घ्रिइ घ्रिए ल्हागिर ओलेद्।