२ कोरिन्थी 9:7 - परमेश्‍वरए ताँ तमु क्युइर

⁷ छतसि ताँन् म्हिमैंइ ह्रोंसइ कति पिंल् खाँमुँ च्हगन् पिंन्, आगुइ कर ल्हैदिसि सैं आतोंदै आपिंन्। तलेबिस्याँ सैं तोंदै भेटि पिंबै म्‍हि म्रोंसि परमेश्‍वर सैं तोंम्।

२ कोरिन्थी 9:7 ပူးပေါင်းရင်းမြစ်များ

प्रस्थान 25:2

“चमैंइ ङए ल्हागिर भेटि पल् त्हुम् बिसि इस्राएलीमैंने बिद्, चमैं ताँनइ सैं तोंदै पिंबै भेटि क्हिइ ङए ल्हागिर किंन्।

प्रस्थान 35:5

क्हेमैंइ याहवेहए मिंर भेटि पखो। भेटि पिंदा ङ्हाँब्मैंइ छाबै सैमैं पिंरिगे: मारा, चाँदि, काँसा;

हितोपदेश 11:25

आगुए खाँचोर पिंल् खाँबै म्हिल बिब् धों तम्, धै अरूलाइ भों खबै ताँ बिमिंसि सैं क्होमिंबै म्हिए ल्हागिर ल्होबै म्हि योंम्।

हितोपदेश 22:9

आयों-आख्युब्मैंलाइ पिंबै म्हिइ आशिक योंब्मुँ, तलेबिस्याँ चइ ह्रोंसए चबै सैमैं ङ्‍हाँदुमैंलाइ चुमिंम्।

चेला चिब्मैंए केमैं 20:35

प्रभु येशूजी बिबै चु ताँ मैंन्, ‘किंबै म्हि भन्दा पिंबै म्हिइ आशिक् योंम्।’ छतसि क्हेमैंज्यै या बेल्‍ले भोंले के लसि भों आरेब्मैं ल्होल् त्हुम् बिसि क्हेमैंए उँइँर्न ङइ के लसि नमुना उँइँमिंइँमुँ।”

रोमी 12:8

ठिक घ्‍याँर प्रबर लोमिंबै बरदान पिंइबिस्‍याँ अरूमैंलाइ लोमिंन्। पिंबै बरदान पिंइबिस्‍याँ अरूए खाँचोर सैं प्ल्हसि पिंन्। चिब तबै बरदान पिंइबिस्‍याँ ढुक्‍कले चिबइ लल् त्हुबै के लद्। ल्हयो खबै बरदान पिंइबिस्‍याँ सैं तोंन्‍ले ल्होद्।

२ कोरिन्थी 8:12

तलेबिस्याँ पिंबै सैं मुँस्याँ क्‍हेमैंइ पिंल् खाँब् दे पिंबै भेटि म्रोंसि परमेश्‍वर सैं तोंम्। आरेस्याँ म्हैसि पिंल् आत्हु।

फिलेमोन 1:14

दिलेया क्हिइ लद् आबिन् समा ङइ तोइ के या लदा आङ्हाँ, ङए ल्हागिर छ्याँब तबै केमैं आगुइ कर ल्हैदिसि आलदु, दिलेया ह्रोंसए सैंउँइँलेन् लल् त्हुम् ङ्हाँसि लद् बिब ङए सैं मुँ।

याकूब 5:9

छतसि ओ अलि-अङाँमैं, परमेश्‍वरजी क्‍हेमैंलाइ सजैं आपिंरिगे बिसि खाबज्‍यै या घ्रिइ घ्रिए बारेर ताँ आलद्। निसाफ लबै परमेश्‍वर म्राग्याँर्न मुँ।

१ पत्रुस 4:9

गनगन आलल्‍ले घ्रिइ घ्रिलाइ प्ह्रेंमैं धोंले मान लद्।