२ कोरिन्थी 9:4 - परमेश्‍वरए ताँ तमु क्युइर

⁴ तलेबिस्याँ माकेडोनियार्बै म्‍हिमैं ङने बालु क्हेमैं ङाँर खमा क्‍हेमैं तयार आतब् स्‍यास्‍याँ ङि बेल्‍ले फा पिन् तब्‍मुँ, क्‍हेमैं या फा पिन् तब्मुँ, तलेबिस्याँ क्‍हेमैंइ खैले बिलै मुइए तौदु लम् बिब ङिए सैं मुँ।

२ कोरिन्थी 9:4 ပူးပေါင်းရင်းမြစ်များ

रोमी 15:26

तलेबिस्याँ ग्रिस नेरो म्‍याकेडोनिया ह्‍युलजरेबै बिश्‍वासीमैंइ यरूशलेमर्बै यहूदी ङ्हाँदु बिश्‍वासी अलि-अङाँमैंए ल्हागिर च्हौदे मुइ पिमिंइमुँ।

१ कोरिन्थी 16:2

सद् ह्रोंसे क्हेमैं ताँनइ ह्रों‍-ह्रोंसए कमैं अनुसार मुइ स्यो थेंन्। छ लस्याँ ङ खबै त्हेर मुइ स्योरिल् आत्‍हु।

२ कोरिन्थी 11:17

(ङइ तोगो बिबै ताँ प्रभुउँइँले बिबै ताँ आङिं, दिलेया थेब् प्‍हैंबै ताँर ङ बुद्धि आरेब्‍मैंइ धोंले पोंरिइमुँ।

२ कोरिन्थी 8:24

चमैंए फिर क्हेमैंइ कति थेबै म्हाँया लम् बिसि चमैंने उँइँन्, झाइले ङिइ क्‍हेमैंए बारेर प्हैंसि पोंबै ताँ क्ह्रोंसेंन् मुँन बिब ताँन् क्‍ल्‍ह्‍योर्बै बिश्‍वासीमैंइ सेरिगे।

२ कोरिन्थी 9:2

तलेबिस्याँ क्‍हेमैंइ पिंबै सैं मुँ बिब ङइ सेइमुँ। छतसि ङइ माकेडोनिया ह्‍युलर्बै म्‍हिमैंने क्‍हेमैंए बारेर छ्याँबै बयन लसि छ बिइ, “अखैया ह्‍युलर्बै अलिमैं तुग्‍युम् ओंनोंन् भेटि रेसि ल्होबर तयार तइमुँ।” आगुलाइ ल्होबै ल्हागिर क्‍हेमैंइ सैं थेब् लब् म्रोंसि म्‍हिमैं या छाबन् के लबर भों खइमुँ।

फिलेमोन 1:19

ङ पावलइ ङए योइन चु ताँ प्ह्रिइमुँ: चइ फोल् त्हुबै सैमैं तोइ मुँस्याँ ङइन फोमिंस्‍यो। (बिलन् त्हुमा ङइ बिबै सैं तोंबै ताँउँइँलेन् क्हिइ खोंयोंइ आखाँबै छ्ह योंइमुँ।)