२ कोरिन्थी 9:2 - परमेश्‍वरए ताँ तमु क्युइर

² तलेबिस्याँ क्‍हेमैंइ पिंबै सैं मुँ बिब ङइ सेइमुँ। छतसि ङइ माकेडोनिया ह्‍युलर्बै म्‍हिमैंने क्‍हेमैंए बारेर छ्याँबै बयन लसि छ बिइ, “अखैया ह्‍युलर्बै अलिमैं तुग्‍युम् ओंनोंन् भेटि रेसि ल्होबर तयार तइमुँ।” आगुलाइ ल्होबै ल्हागिर क्‍हेमैंइ सैं थेब् लब् म्रोंसि म्‍हिमैं या छाबन् के लबर भों खइमुँ।

२ कोरिन्थी 9:2 ပူးပေါင်းရင်းမြစ်များ

चेला चिब्मैंए केमैं 18:12

अखैया बिबै ह्‍युलर गलियोन बिबै म्हि रोमी क्रथे तमा यहूदीमैं ताँन् क्ह्रिसि पावलए बिरोध लइ, धै अदालतर बोइ।

चेला चिब्मैंए केमैं 24:17

“ङ दे बर्ष अरू ह्‍युलजरे टिबै लिउँइँ ह्रोंसए ह्रेंए ल्हागिर दान पिंबर नेरो परमेश्‍वरए मिंर ख्रो पिंबर यरूशलेमर खल।

रोमी 15:26

तलेबिस्याँ ग्रिस नेरो म्‍याकेडोनिया ह्‍युलजरेबै बिश्‍वासीमैंइ यरूशलेमर्बै यहूदी ङ्हाँदु बिश्‍वासी अलि-अङाँमैंए ल्हागिर च्हौदे मुइ पिमिंइमुँ।

१ कोरिन्थी 16:15

अखैया ह्‍युलर्बै स्‍तिफनस नेरो चए परवाए बारेर क्‍हेमैंइ था सेइमुँ। च ह्‍युलर्बै म्हिमैं न्होंरि चमैं ताँन् भन्दा ओंसों प्रभुए फिर बिश्‍वास लब्मैं ग। परमेश्‍वरए म्‍हिमैंए सेवा छेनाले लबर चमैंइ ह्रोंसलाइन पिंवाइमुँ।

२ कोरिन्थी 1:1

परमेश्‍वरए इच्‍छाउँइँले येशू ख्रीष्‍टजी के लबर कुल्मिंबै चेला चिब ङ पावल नेरो ङ्योए अलि तिमोथीउँइँले कोरिन्‍थ सहरर्बै बिश्‍वासीमैं नेरो ग्रिस ह्‍युलर्बै परमेश्‍वरए ताँन् म्‍हिमैंलाइ जय मसीह मुँ।

२ कोरिन्थी 7:14

क्‍हेमैंए बारेर ङइ तीतसने प्हैंलेया क्‍हेमैंए बारेर ङ फापिल् त्हुबै घ्याँ तोइ आरेल। ङिइ खोंयोंन् बिलै क्‍हेमैंने क्‍ह्रोंसेंन्‍बै ताँ बिइमुँ। छलेन ङिइ तीतसने क्‍हेमैंए बारेर प्हैंब् धों तबै के क्‍हेमैंइ लसि उँइँइ।

२ कोरिन्थी 7:4

क्‍हेमैं म्रोंसि ङ ढुक्‍का तसि ङ्‍हो लोंइँमुँ। क्हेमैं म्रोंसि ङए सैं क्होइमुँ। छतसि ङिइ खैतबै दुःख योंलेया ङ सैं तोंन्लेन् टिम्।

२ कोरिन्थी 8:10

क्हेमैंइ तुग्युमसेरो भेटि पिंबै के तों मत्‍त्रे आल, दिलेया ओंसों ओंनोंन् चु के लबै सैं क्हेमैंल मुँल। छतसि तारे चु के पूरा लस्याँ क्हेमैंए ल्हागिर छ्याँब तमुँ बिसि ङइ चु केर सल्‍ला पिंम्।

२ कोरिन्थी 8:11

छतसि तोगो क्‍हेमैंइ तों लबै के या पूरा लद्। खैले क्‍हेमैं च के लबर तयार मुँल, छलेन क्‍हेमैंइ पिंल् खाँब् दे पिंसि च के पूरा लद्।

२ कोरिन्थी 8:19

च्हौ मत्‍त्रे आङिं, प्रभुए मिं थेब् तबै के लबै ल्हागिर नेरो ङिलाइ ल्होबर ताँन् क्‍ल्‍ह्‍योर्बै बिश्‍वासीमैंइ ङिने ह्‍यारिगे बिसि चलाइ त्‍हाँइ।

२ कोरिन्थी 8:24

चमैंए फिर क्हेमैंइ कति थेबै म्हाँया लम् बिसि चमैंने उँइँन्, झाइले ङिइ क्‍हेमैंए बारेर प्हैंसि पोंबै ताँ क्ह्रोंसेंन् मुँन बिब ताँन् क्‍ल्‍ह्‍योर्बै बिश्‍वासीमैंइ सेरिगे।

२ कोरिन्थी 8:8

ङइ क्‍हेमैंलाइ हुकुम पिंसि बिब आङिं, दिलेया अरूमैंइ भों खल्‍ले छ्याँबै के लब् म्रोंसि क्‍हेमैंए म्हाँया क्‍ह्रोंसेंन ङिंब् उ आङिं बिसि जाँच लबर ग।

१ थेसलोनिकी 1:7

छले माकेडोनिया नेरो अखैया ह्‍युलजरे मुँबै बिश्‍वासीमैंए म्हाँजोर क्‍हेमैं नमुना तइमुँ।

हिब्रू 10:24

घ्रिइ घ्रिलाइ म्हाँया लदै छ्याँबै के लरिबै ल्हागिर ङ्योइ खैले चमैंए सैं भोंन् लमिंब च ताँ सैंर मैंले।