२ कोरिन्थी 9:12 - परमेश्‍वरए ताँ तमु क्युइर

¹² क्‍हेमैंइ छले रेबै भेटिमैंइ परमेश्‍वरए म्‍हिमैंलाइ खाँचो तमा चमैंए खाँचोमैं पूरा लल् खाँम्। च्हौ मत्‍त्रे आङिं, चु केउँइँले चमैंइ परमेश्‍वरलाइ खोंयोंन् बिलै धन्‍यबाद पिंरिब्‍मुँ।

२ कोरिन्थी 9:12 ပူးပေါင်းရင်းမြစ်များ

२ कोरिन्थी 1:11

चए ल्हागिरि क्‍हेमैंज्‍यै या ङिलाइ प्राथना लसि ल्होमिंल् त्हुम्। खीजी अझै ङिलाइ ल्होमिंब्‍मुँ। ल्हें म्‍हिमैंइ छले प्राथना लमिंमा खीजी प्राथना थेसि आशिक पिंब्‍मुँ। छतसि खीजी ङिलाइ ल्होमिंबइले ल्हें म्‍हिमैंइ परमेश्‍वरलाइ धन्‍यबाद पिंब्‍मुँ।

२ कोरिन्थी 1:5

ख्रीष्‍टजी ल्हें दुःख नोब् धोंले ङ्योज्यै या दुःख नोइबिस्‍याँ ख्रीष्‍टजी ङ्योए सैं क्होमिंम्।

२ कोरिन्थी 8:4

“अरू बिश्‍वासीमैंलाइ ल्होमिंबै ल्हागिर ङिज्‍यै या भेटि पिंल् योंम्मा?” बिसि ङिने यो छ्युँ लइ।

२ कोरिन्थी 9:1

यहूदीया ह्‍युलर्बै बिश्‍वासीमैंए ल्हागिर पिंबै भेटिए बारेर ङइ क्हेमैंलाइ प्‍ह्रिरिल् आत्हु।

फिलिप्पी 2:25

ङए अलि इपाफ्रोडिटस क्हेमैंए सउँसर बिबै म्‍हि ग, ङए खाँचो ल्होबर क्‍हेमैंइ च कुल्मिंल। ङइ सैं तोंबै ताँ बिप्रबै क्ल्ह्‍योजरे ङए फिर दु:ख तमा चज्यै या ङने बा-बालुन् द:ख नोइ। तारे च क्‍हेमैं ङाँर एमिंल् त्हुइ बिसि ङए सैंर ङ्हाँइ,

१ यूहन्‍ना 3:17

दिलेया प्लबै म्‍हि घ्रिइ ह्रोंसए बिश्‍वासी अलि-अङाँलाइ खाँचो तब् म्रोंसेया चमैंए फिर सैं सारो लइ बिस्‍याँ, परमेश्‍वरए म्हाँया चने तम्‌ रो वा?