२ कोरिन्थी 9:10 - परमेश्‍वरए ताँ तमु क्युइर

¹⁰ परमेश्‍वरजी प्‍लु प्‍लुबै म्हिलाइ प्‍लु पिंम्, धै म्‍हिमैंलाइ चबै सै पिंम्। च धोंले परमेश्‍वरजी क्‍हेमैंलाइ चैदिबै प्‍लु पिंसि चलाइ बडिमिंब्‍मुँ, झाइले क्‍हेमैंइ लबै छ्याँबै केल ल्हें रोमैं तब्‍मुँ।

२ कोरिन्थी 9:10 ပူးပေါင်းရင်းမြစ်များ

उत्पत्ति 47:19

ङि सिल् आपिंन्। ङिए क्ल्ह्‍यो या बाँजो तल् आपिंन्। ङिलाइ म्‍ल्ह-नारिमैं पिंसि ङि नेरो ङिए क्ल्ह्‍यो-न्हेंमैं या किंन्। धै ङि ह्रोंसए क्ल्ह्‍यो-न्हेने बालुन् म्रुँए केब्छैं-केब्स्योमैं तब्मुँ। बरु ङिए क्ल्ह्‍यो-न्हें या बाँझ आतरिगे ङि या सोल् योंरिगे,” बिसि ङिलाइ प्लु पिंन्।

हितोपदेश 11:18

दुष्‍ट म्हिइ छलु म्हिलुए के लम्; दिलेया छलु म्हिलु आलल्‍ले ठिक के लबै म्हिइ खैलसे या इनाम योंम्।

मत्ती 6:1

“छेनाले मैंन्, क्हेमैंइ धर्मए केमैं लमा म्‍हिमैंइ म्रोंरिगे बिसि चमैंए उँइँर आलद्। छ लस्याँ स्वर्गर मुँबै क्‍हेमैंए परमेश्‍वर आबाउँइँले क्हेमैंइ तोइ इनाम योंरिब् आरे।

२ कोरिन्थी 9:12

क्‍हेमैंइ छले रेबै भेटिमैंइ परमेश्‍वरए म्‍हिमैंलाइ खाँचो तमा चमैंए खाँचोमैं पूरा लल् खाँम्। च्हौ मत्‍त्रे आङिं, चु केउँइँले चमैंइ परमेश्‍वरलाइ खोंयोंन् बिलै धन्‍यबाद पिंरिब्‍मुँ।

२ कोरिन्थी 9:6

खाबइ च्‍युगुदे प्‍लु प्‍लुमुँ चइ च्‍युगुदेन् रा-रोमैं खुब्‍मुँ, खाबइ ल्हें प्‍लु प्‍लुमुँ चइ ल्‍हेन् खुब्‍मुँ।

गलाती 3:5

परमेश्‍वरजी क्‍हेमैंलाइ पबित्र प्ल्ह पिंसि क्हेमैंए म्हाँजोर खीजी औदिबै केमैं लम्। छाबै केमैं खीजी क्‍हेमैंइ ठिमइ बिब् धोंबै के लसि लब् उ, येशू ख्रीष्‍टउँइँले खबै सैं तोंबै ताँ थेसि क्हेमैंइ बिश्‍वास लबइले लब् जा?

एफिसी 5:9

तलेबिस्याँ खीए ह्‍वेर टिबइले क्हेमैंइ ताँन् खालर्बै छ्याँबै केमैं, ठिक केमैं, नेरो क्ह्रोंसेंन्बै ताँमैं लम्।

फिलिप्पी 1:11

झाइले परमेश्‍वरलाइ मान लसि खीए मिं थेब लबै ल्हागिर येशू ख्रीष्‍टउँइँले योंबै छ्याँबै बानि क्हेमैंने तरिगे।

फिलिप्पी 4:17

ङइ क्हेमैंउँइँले भेटि म्‍हैब आङिं, क्‍हेमैंइ ङलाइ ल्होमिंबइले क्हेमैंइ ल्हें आशिक योंरिगे बिब ङए सैं मुँ।

१ थेसलोनिकी 3:12

धै ङिइ क्‍हेमैंने म्हाँया लब् धोंले प्रभुजी क्‍हेमैंलाइ घ्रिइ घ्रिने नेरो अरू ताँन् म्‍हिमैंने सब् लमिंबै म्हाँया प्लिंदै बडिमिंरिगे।

१ थेसलोनिकी 4:10

धै क्हेमैंइ माकेडोनिया ह्‍युलर्बै ताँन् प्रभुए फिर बिश्‍वास लबै अलि-अङाँमैंने क्ह्रोंसेंन म्हाँया लइमुँ। ओ अलि-अङाँमैं, छलेन अझै म्हाँया लरिद् बिसि ङि क्हेमैंलाइ अर्थि पिंमुँ।