२ कोरिन्थी 8:8 - परमेश्‍वरए ताँ तमु क्युइर

⁸ ङइ क्‍हेमैंलाइ हुकुम पिंसि बिब आङिं, दिलेया अरूमैंइ भों खल्‍ले छ्याँबै के लब् म्रोंसि क्‍हेमैंए म्हाँया क्‍ह्रोंसेंन ङिंब् उ आङिं बिसि जाँच लबर ग।

२ कोरिन्थी 8:8 ပူးပေါင်းရင်းမြစ်များ

रोमी 12:9

क्हेमैंइ फिब्लो पार्दिबै म्हाँया आलद्, क्‍ह्रोंसेंन्‍लेन् सैं न्होंउँइँलेन् म्हाँया लद्। आछ्याँबै केमैं पिवासि छ्याँबै केमैं लरिद्।

१ कोरिन्थी 7:12

अरूमैंलाज्यै या ङइ चु ताँ बिमुँ। (चु ताँ प्रभु येशूजी बिब आङिं, ङइ बिबै ताँ ग।) येशूए फिर बिश्‍वास लबै मुँयुँल बिश्‍वास आलबै प्ह्रेंस्यो मुँस्‍याँ, च प्ह्रेंस्योइ च मुयुँने अझै टिबै सैं लस्‍याँ च बिश्‍वास लबै मुँयुँइ ह्रोंसए प्ह्रेंस्यो पार लल् आत।

१ कोरिन्थी 7:25

तारे कन्‍येमैंए बारेर प्रभु येशूउँइँले बिल् त्‍हुबै ताँ ङने तोइ आरे। दिलेया प्रभु येशूउँइँले दयाम्हाँया योंसि ङ म्हिमैंइ क्वेंल् खाँबै म्हि तबइले ङइ क्‍हेमैंलाइ सल्‍ला पिंम्।

१ कोरिन्थी 7:6

क्हेमैंइ ब्ह्‍या ललन् त्हुम् बिसि ङइ कर आल्‍हैदि, दिलेया क्हेमैं ब्ह्‍या लबै सैं मुँस्याँ ललेन् तम्।

२ कोरिन्थी 6:6

ङि स्योर आतेल्‍ले, ज्ञान-बुद्धिए ताँमैं बिदै, दुःख सैदिदै, ताँनए फिर ल्हयो खदै, पबित्र प्ल्हउँइँले भों योंसि खाबलाज्यै या आफेलल्‍ले ताँनने म्हाँया लम्।

२ कोरिन्थी 8:10

क्हेमैंइ तुग्युमसेरो भेटि पिंबै के तों मत्‍त्रे आल, दिलेया ओंसों ओंनोंन् चु के लबै सैं क्हेमैंल मुँल। छतसि तारे चु के पूरा लस्याँ क्हेमैंए ल्हागिर छ्याँब तमुँ बिसि ङइ चु केर सल्‍ला पिंम्।

२ कोरिन्थी 8:24

चमैंए फिर क्हेमैंइ कति थेबै म्हाँया लम् बिसि चमैंने उँइँन्, झाइले ङिइ क्‍हेमैंए बारेर प्हैंसि पोंबै ताँ क्ह्रोंसेंन् मुँन बिब ताँन् क्‍ल्‍ह्‍योर्बै बिश्‍वासीमैंइ सेरिगे।

२ कोरिन्थी 9:2

तलेबिस्याँ क्‍हेमैंइ पिंबै सैं मुँ बिब ङइ सेइमुँ। छतसि ङइ माकेडोनिया ह्‍युलर्बै म्‍हिमैंने क्‍हेमैंए बारेर छ्याँबै बयन लसि छ बिइ, “अखैया ह्‍युलर्बै अलिमैं तुग्‍युम् ओंनोंन् भेटि रेसि ल्होबर तयार तइमुँ।” आगुलाइ ल्होबै ल्हागिर क्‍हेमैंइ सैं थेब् लब् म्रोंसि म्‍हिमैं या छाबन् के लबर भों खइमुँ।

२ कोरिन्थी 9:7

छतसि ताँन् म्हिमैंइ ह्रोंसइ कति पिंल् खाँमुँ च्हगन् पिंन्, आगुइ कर ल्हैदिसि सैं आतोंदै आपिंन्। तलेबिस्याँ सैं तोंदै भेटि पिंबै म्‍हि म्रोंसि परमेश्‍वर सैं तोंम्।

एफिसी 4:15

बरु ङ्योइ म्हाँया लसि खोंयोंइन क्‍ह्रोंसेंन्‍बै ताँ पोंसि ङ्यो तोन्दोंरि सैर बडिसि बिश्‍वासीमैंए क्र ख्रीष्‍ट धोंन् तल् त्‍हुम्।

एफिसी 6:24

छले ङ्योए प्रभु येशूए फिर म्हाँया लब्मैं ताँनने खोंयोंन् बिलै परमेश्‍वरए दयाम्हाँया तरिगे।

हिब्रू 10:24

घ्रिइ घ्रिलाइ म्हाँया लदै छ्याँबै के लरिबै ल्हागिर ङ्योइ खैले चमैंए सैं भोंन् लमिंब च ताँ सैंर मैंले।

१ पत्रुस 1:22

क्‍हेमैंइ क्ह्रोंसेंन्बै परमेश्‍वर म्हाँदिसि ह्रोंसलाइ चोखो लबइले, ह्रोंसए आघें अलिलाइ आफेलनाले म्हाँया लद्, धै घ्रिइ घ्रिलाइ सैं न्होंउँइँलेन् म्हाँया लद्,