२ कोरिन्थी 8:6 - परमेश्‍वरए ताँ तमु क्युइर

⁶ छतसि चु भेटि रेबै केर तीतसइ क्हेमैंलाइ ल्होरिगे धै क्हेमैंज्यै च छ्याँबै के पूरा लल् खाँरिगे बिसि ङइ चने यो छ्युँ लइमुँ। तलेबिस्याँ ओंसों ओंनोंन् तीतसइ छाबै के लसेन्मुँ।

२ कोरिन्थी 8:6 ပူးပေါင်းရင်းမြစ်များ

चेला चिब्मैंए केमैं 24:17

“ङ दे बर्ष अरू ह्‍युलजरे टिबै लिउँइँ ह्रोंसए ह्रेंए ल्हागिर दान पिंबर नेरो परमेश्‍वरए मिंर ख्रो पिंबर यरूशलेमर खल।

रोमी 15:25

दिलेया तोगो ङ यरूशलेम सहरर परमेश्‍वरए म्‍हिमैंलाइ ल्होबर ह्‍यासिन् मुँ।

२ कोरिन्थी 12:18

ङइ तीतसलाइ क्हेमैं ङाँर ह्‍याद् बिसि चने बालु बिश्‍वासी अलि या कुल्‍मिंइ। तीतसइ लोब लसि क्हेमैंने बालु मुइ किंइ वा? आकिं। तीतस नेरो ङइ सैं घ्रिलेन् के आल वा? ङि घ्याँ घ्रिर्न आप्र वा?

२ कोरिन्थी 2:13

दिलेया चर ङए अलि तीतसलाइ त्‍होल् आयोंमा ङए सैं आतों। छतसि तीतसने घ्‍याँर त्‍होम् उ ङ्हाँसि चर्बै म्‍हिमैंने बिदा तसि ङ माकेडोनिया ह्‍युलउँइँ ह्‍याइ।

२ कोरिन्थी 8:10

क्हेमैंइ तुग्युमसेरो भेटि पिंबै के तों मत्‍त्रे आल, दिलेया ओंसों ओंनोंन् चु के लबै सैं क्हेमैंल मुँल। छतसि तारे चु के पूरा लस्याँ क्हेमैंए ल्हागिर छ्याँब तमुँ बिसि ङइ चु केर सल्‍ला पिंम्।

२ कोरिन्थी 8:19

च्हौ मत्‍त्रे आङिं, प्रभुए मिं थेब् तबै के लबै ल्हागिर नेरो ङिलाइ ल्होबर ताँन् क्‍ल्‍ह्‍योर्बै बिश्‍वासीमैंइ ङिने ह्‍यारिगे बिसि चलाइ त्‍हाँइ।

२ कोरिन्थी 8:23

तीतस बिस्याँ ङए थु तसि ङने बालुन् क्हेमैंलाइ ल्होबै के लम्। चने बालु खबै अरू अलिमैं ख्रीष्‍टए मान तबै के लबर बिश्‍वासीमैंइ कुल्मिंब् ग।

२ कोरिन्थी 8:4

“अरू बिश्‍वासीमैंलाइ ल्होमिंबै ल्हागिर ङिज्‍यै या भेटि पिंल् योंम्मा?” बिसि ङिने यो छ्युँ लइ।

२ कोरिन्थी 9:5

छतसि क्हेमैंइ पिंम् बिबै भेटि ङि खब् भन्दा ओंसोंन् रेसि थेंरिगे बिसि चु अलिमैं सों ओंसोंन् कुलबै सैं खइ। क्‍हेमैंइ च भेटि करइ पिंब आङिं, सैं तोंदै पिंबै भेटि तब्मुँ।

फिलिप्पी 4:18

ङलाइ चैदिब् भन्दा ल्हें ङइ योंइमुँ। क्‍हेमैंइ इपाफ्रोडिटसने पिमिंबै बेल्‍ले लिंबै थाँ खबै परमेश्‍वरजी खोबै ख्रो धों तबै भेटि योंसि ङ बेल्‍ले सैं तोंइमुँ।

१ पत्रुस 4:10

परमेश्‍वरए दयाम्हाँयाइ क्हेमैंइ तो-तो बरदान योंइमुँ, च बरदान घ्रिइ घ्रिए ल्हागिर ओलेद्।