२ कोरिन्थी 8:4 - परमेश्‍वरए ताँ तमु क्युइर

⁴ “अरू बिश्‍वासीमैंलाइ ल्होमिंबै ल्हागिर ङिज्‍यै या भेटि पिंल् योंम्मा?” बिसि ङिने यो छ्युँ लइ।

२ कोरिन्थी 8:4 ပူးပေါင်းရင်းမြစ်များ

मत्ती 10:42

‘चु म्‍हि येशूए म्‍हि ग,’ बिसि खाबज्यै ङए धाँसे च्‍योंबै चेलालाइ गिलाँस घ्रि ङ्युँबै क्‍यु मत्‍त्रे पिंनाबिले या चइ योंल् त्हुबै इनाम योंब्‍मुँ।”

मत्ती 12:50

तलेबिस्याँ स्वर्गर मुँबै ङए परमेश्‍वर आबाए सैंर मैंब् धोंले लब्मैंन् ङए अलि, ङए अङाँ, ङए आमा ग।”

मत्ती 25:40

“छबिमा म्रुँइ चमैंने बिब्मुँ, ‘क्ह्रोंसेंन ङ क्हेमैंने बिमुँ, क्हेमैंइ ङए अलि-अङाँमैं न्होंर्बै धाँसे च्योंबै म्हिलाइ तो-तो लइ, च क्हेमैंइ ङलाइन लब् ग।’

मर्कूस 14:7

तलेबिस्याँ ङ्हाँदुमैं क्‍हेमैंने खोंयोंन् बिलै तरिब्‍मुँ। क्‍हेमैंइ चमैंलाइ तोइ पिंदा ङ्हाँस्‍याँ खोंयों पिंलेन् खाँम्। दिलेया ङम् खोंयोंइ या क्‍हेमैंने आत।

चेला चिब्मैंए केमैं 11:29

छाबै ताँ थेसि चेलामैं ताँनइ ह्रों-ह्रोंसइ पिंल् खाँबै सैमैं रेसि यहूदीयार्बै बिश्‍वासीमैं ल्होबर पिमिंबै सैं लइ।

चेला चिब्मैंए केमैं 16:15

झाइले च नेरो चए धिंर्बै ताँनइ बप्‍तिस्मा किंइ। च लिउँइँ चइ ङिने यो छ्युँ लसि बिइ, “क्हेमैंइ ङ क्ह्रोंसेंन प्रभुए फिर बिश्‍वास लबै अङाँ बिसि मैंम् बिस्याँ ङए धिंर खसि टिमिंन् ओ।” छ बिसि ङिने कर ल्हैदिइ।

चेला चिब्मैंए केमैं 24:17

“ङ दे बर्ष अरू ह्‍युलजरे टिबै लिउँइँ ह्रोंसए ह्रेंए ल्हागिर दान पिंबर नेरो परमेश्‍वरए मिंर ख्रो पिंबर यरूशलेमर खल।

रोमी 15:31

यहूदीयार्बै येशूए फिर बिश्‍वास आलब्‍मैंउँइँले परमेश्‍वरजी ङलाइ जोगेमिंरिगे, झाइले यरूशलेमर्बै परमेश्‍वरए म्‍हिमैंइ ङइ बोबै मुइ किंरिगे बिसि प्राथना लमिंन्।

१ कोरिन्थी 16:1

यहूदीया ह्‍युलर्बै परमेश्‍वरए म्‍हिमैंलाइ ल्होबर रेबै भेटिए बारेर ताँ घ्रि बिल् त्‍हुम्। ङइ गलातिया ह्‍युलर्बै बिश्‍वासीमैंने बिब् धोंले क्‍हेमैंज्‍यै या लद्।

१ कोरिन्थी 16:15

अखैया ह्‍युलर्बै स्‍तिफनस नेरो चए परवाए बारेर क्‍हेमैंइ था सेइमुँ। च ह्‍युलर्बै म्हिमैं न्होंरि चमैं ताँन् भन्दा ओंसों प्रभुए फिर बिश्‍वास लब्मैं ग। परमेश्‍वरए म्‍हिमैंए सेवा छेनाले लबर चमैंइ ह्रोंसलाइन पिंवाइमुँ।

२ कोरिन्थी 9:1

यहूदीया ह्‍युलर्बै बिश्‍वासीमैंए ल्हागिर पिंबै भेटिए बारेर ङइ क्हेमैंलाइ प्‍ह्रिरिल् आत्हु।

गलाती 2:10

चमैंए सैंर खेंमैंए न्होंर्बै ङ्हाँदुमैंलाइ ङिइ ल्होमिंरिगे ङ्हाँमैं, ङलै या छाबै सैंन् मुँल।

गलाती 6:10

छतसि मौका योंन् समा ङ्योइ ताँन् म्हिमैंलाइ ल्होबै केमैं लरिले, खासगरि बिश्‍वासी अलि-अङाँमैंलाइ ल्होले।

१ तिमोथी 5:10

छाबै म्हरेस्योमैं छ्याँबै के लसि छ्याँबै मिं चल्‍दिब धै ह्रोंसए च्‍ह-चमिमैं छेनाले फारब, प्ह्रेंमैंलाज्यै या चब् थुँबर मान लब, थेब् आप्हैंनले बिश्‍वासीमैंए सेवा लब, दुःख तब्‍मैंलाइ ल्होब, छाबै छ्याँबै केमैंर सैं पिंब्मैं तल् त्‍हुम्।

हिब्रू 6:10

क्‍हेमैंइ छ्याँबै के लइमुँ, क्‍हेमैंइ परमेश्‍वरलाइ म्हाँया लइमुँ बिब उँइँबै ल्हागिर खीए म्‍हिमैंलाइ ल्होरिइमुँ, अझै क्‍हेमैंइ ल्होरिमुँ। क्‍हेमैंइ लबै छ्याँबै के परमेश्‍वरजी म्‍लेरिब् आरे, तलेबिस्याँ खीजी ठिक निसाफ लम्।