२ कोरिन्थी 8:19 - परमेश्‍वरए ताँ तमु क्युइर

¹⁹ च्हौ मत्‍त्रे आङिं, प्रभुए मिं थेब् तबै के लबै ल्हागिर नेरो ङिलाइ ल्होबर ताँन् क्‍ल्‍ह्‍योर्बै बिश्‍वासीमैंइ ङिने ह्‍यारिगे बिसि चलाइ त्‍हाँइ।

२ कोरिन्थी 8:19 ပူးပေါင်းရင်းမြစ်များ

चेला चिब्मैंए केमैं 14:23

झाइले चमैंइ ताँन् चर्चर एल्डरमैं त्हाँइ, धै बर्त टिसि प्राथना लसि चमैंइ च एल्डरमैं खेंमैंइ बिश्‍वास लबै प्रभुए जिम्मार पिंवाइ।

चेला चिब्मैंए केमैं 15:22

च लिउँइँ कुल्मिंबै चेला चिब्मैं, एल्डरमैं नेरो ताँन् चर्चर्बै म्हिमैं क्ह्रिसि खेंमैंए न्होंउँइँले को-कोइ म्हिमैं त्हाँसि पावल नेरो बारनाबासने एन्‍टिओखियार कुलल् त्हुइ बिसि मैंइ, च म्हिमैं न्होंरि यहूदा बिबै बारसाबास नेरो सिलास त्हाँइ। प्रभुए फिर बिश्‍वास लब्मैं न्होंरि चमैं ङ्हिं अगुवामैं मुँल।

चेला चिब्मैंए केमैं 15:25

छतसि ङि ताँनइ सल्‍ला लसि ङिंए ताँमैं क्हेमैं ङाँर बिमिंबर ङिए न्होंर्बै कोइ म्हिमैं त्हाँसि ङिए खोबै थुमैं बारनाबास नेरो पावलने क्हेमैं ङाँर कुलब छ्याँब ङ्हाँइ।

चेला चिब्मैंए केमैं 19:22

झाइले चइ ह्रोंसए सेवा लबै तिमोथी नेरो इरास्‍तस माकेडोनियार कुल्मिंइ, च बिस्याँ दे त्हिंइ एशिया ह्‍युलर्न टिइ।

चेला चिब्मैंए केमैं 19:29

छतमा च सहर तिगोंन् खैला-बैला तइ धै चमैं घ्रि तसि पावलने प्रबै माकेडोनियाथेंमैं ङ्हिं गायस नेरो अरिस्‍तार्खस क्हासि रङ्गशालए न्होंर चैंदै बोइ।

रोमी 5:11

च्‍हौ मत्‍त्रे आङिं, येशू ख्रीष्‍टउँइँले ङ्यो परमेश्‍वरर सैं तोंरिइमुँ, तलेबिस्याँ येशू ख्रीष्‍टउँइँले ङ्यो परमेश्‍वरए म्हिमैं तल् योंइमुँ।

रोमी 5:3

च्‍हौ मत्‍त्रे आङिं, दुःख तलेया ङ्यो सैं तोंम्, तलेबिस्याँ दुःख तस्‍याँ ङ्योइ दुःख सैदिबै भों योंम् बिब ङ्योइ सेम्।

२ कोरिन्थी 4:15

तलेबिस्याँ ङिइ दुःख नोदै के लब क्‍हेमैंए ल्हागिर्न ग। खैले परमेश्‍वरए दयाम्हाँया ल्हें म्‍हिमैंइ योंइमुँ, छलेन परमेश्‍वरए मान कति थेब मुँ बिसि धन्‍यबाद पिंब्‍मैं या ल्हेंन् तब्मुँ।

२ कोरिन्थी 8:11

छतसि तोगो क्‍हेमैंइ तों लबै के या पूरा लद्। खैले क्‍हेमैं च के लबर तयार मुँल, छलेन क्‍हेमैंइ पिंल् खाँब् दे पिंसि च के पूरा लद्।

२ कोरिन्थी 8:12

तलेबिस्याँ पिंबै सैं मुँस्याँ क्‍हेमैंइ पिंल् खाँब् दे पिंबै भेटि म्रोंसि परमेश्‍वर सैं तोंम्। आरेस्याँ म्हैसि पिंल् आत्हु।

२ कोरिन्थी 8:20

सैं प्ल्हसि पिंबै चु भेटिए बारेर खाबज्यै ङिलाइ छ्याब् आल्हैदिरिगे बिब ङिए सैं मुँ।

२ कोरिन्थी 9:2

तलेबिस्याँ क्‍हेमैंइ पिंबै सैं मुँ बिब ङइ सेइमुँ। छतसि ङइ माकेडोनिया ह्‍युलर्बै म्‍हिमैंने क्‍हेमैंए बारेर छ्याँबै बयन लसि छ बिइ, “अखैया ह्‍युलर्बै अलिमैं तुग्‍युम् ओंनोंन् भेटि रेसि ल्होबर तयार तइमुँ।” आगुलाइ ल्होबै ल्हागिर क्‍हेमैंइ सैं थेब् लब् म्रोंसि म्‍हिमैं या छाबन् के लबर भों खइमुँ।

२ कोरिन्थी 9:8

क्हेमैंने बालु खोंयोंन् बिलै तोन्दोंरि सै छ्येज्याल्हुल्हुले तरिगे, धै छ्याँबै केए ल्हागिर क्हेमैंइ ल्हें ल्हें पिंल् खाँरिगे बिसि परमेश्‍वरजी क्‍हेमैं ताँनलाइ आशिक् पिंल् खाँम्।